Pushpa 2: "కిస్సిక్" సాంగ్ ఆఫ్ ది ఇయర్ - "పుష్ప 2" స్పెషల్ సాంగ్ అప్డేట్ - టీజ్ చేసిన మైత్రి మూవీ మేకర్స్

Kissik From Pushpa 2 The Rule: "కిస్సిక్" సాంగ్ ఆఫ్ ది ఇయర్ అంటూ "పుష్ప 2" స్పెషల్ సాంగ్ అప్డేట్ తో మైత్రి మూవీ మేకర్స్ ఎక్స్/ట్విట్టర్‌లో స్పెషల్ పోస్ట్ చేసింది.

pushpa 2

Source : twitter

Pushpa 2 The Rule: క్రియేటివ్ డైరెక్టర్ సుకుమార్, ఐకాన్ స్టార్ అల్లు అర్జున్  కాంబినేషన్లో వస్తున్న తాజా చిత్రం 'పుష్ప ది రూల్'. ఇండియాలోనే ఇప్పుడు మోస్ట్ అవెయిటింగ్ మూవీ ఏదైనా ఉంది అంటే అది 'పుష్ప2' నే. ఇక ప్రస్తుతం అందరూ ఈ సినిమాలోని స్పెషల్ సాంగ్ గురించే చర్చించుకుంటున్నారు. ఈ నేపథ్యంలోనే తాజాగా చిత్ర నిర్మాణ సంస్థ మైత్రి మూవీ మేకర్స్ క్రేజీ అప్డేట్ ను ఇచ్చి ప్రేక్షకులను ఊరించింది. 

అల్లు అర్జున్ హీరోగా నటించిన బ్లాక్ బస్టర్ హిట్ 'పుష్ప' సినిమాకు సీక్వెల్ గా రాబోతోంది 'పుష్ప : ది రూల్'. రష్మిక మందన్న హీరోయిన్ గా నటిస్తున్న ఈ మూవీ డిసెంబర్ 5న థియేటర్లలోకి భారీ ఎత్తున రాబోతోంది. అయితే ఇప్పటికే ఈ సినిమా షూటింగ్ మొత్తం పూర్తయింది ఒక్క స్పెషల్ సాంగ్ తప్ప. గత కొంతకాలంగా సెకండ్ పార్ట్ లో స్పెషల్ సాంగ్ చేయబోయేది ఎవరు అనేది ఇండస్ట్రీలో హాట్ టాపిక్ గా మారింది. ఓవైపు సమంత మళ్ళీ అల్లు అర్జున్ తో కలిసి స్పెషల్ సాంగ్ చేయబోతోంది అనే రూమర్లు వినిపిస్తుండగా, మరోవైపు బాలీవుడ్ బ్యూటీ శ్రద్ధా కపూర్ తో ఐటమ్ సాంగ్ చేయించబోతున్నారు అని పుకార్లు షికార్లు చేశాయి. కానీ శ్రద్ధా కపూర్ ఈ సాంగ్ కోసం భారీ మొత్తంలో పారితోషకం డిమాండ్ చేయడంతో ఎట్టకేలకు టాలీవుడ్ బ్యూటీ శ్రీలీలను ఈ సాంగ్ కోసం తీసుకున్నట్టుగా వార్తలు వినిపిస్తున్నాయి. అయితే తాజాగా మైత్రి మూవీ మేకర్స్ దీనికి సంబంధించి ఓ స్పెషల్ పోస్ట్ చేశారు.

' #Kissik Song of the Year ' 😎💥🔥#Pushpa2TheRule 💪🏼♥️💫

— Mythri Movie Makers (@MythriOfficial) November 8, 2024

"కిస్సిక్" అని సాంగ్ పేరును రివీల్ చేస్తూ, 'ఇది సాంగ్ ఆఫ్ ది ఇయర్ కాబోతోంది' అంటూ మరింత క్యూరియాసిటీని పెంచారు. మైత్రి చేసిన ఈ పోస్ట్ తో అందరూ అల్లు అర్జున్ తో తెరపై శ్రీ లీల వేయబోయే అదిరిపోయే స్టెప్పులు చూడాలని మరింత ఉత్సాహంతో ఎదురు చూస్తున్నారు. ఇక అల్లు అర్జున్ అభిమానులు ఈ పాట చార్ట్ బస్టర్ హిట్ అవ్వాలని కోరుకుంటున్నారు. ఫస్ట్ పార్ట్ లో సమంత చేసిన "ఊ అంటావా మావా ఉఊ అంటావా మావా" సాంగ్ సంగీత ప్రియులను ఊపేసిన సంగతి తెలిసిందే. సమంత ఆ సాంగ్ లో నటించడం ఒక స్పెషల్ ఎట్రాక్షన్ కాగా, సినిమాలోని మెయిన్ హైలెట్స్ లో ఈ పాట కూడా ఒకటిగా నిలిచింది. ఈ నేపథ్యంలోనే 'పుష్ప 2'లో రానున్న ఐటమ్ సాంగ్ గురించి అందరూ ఆసక్తిగా ఎదురు చూస్తున్నారు. ఈ సాంగ్ కూడా అదే రేంజ్ లో ఉంటుందా? సమంత ప్లేస్ ను శ్రీలీల రీప్లేస్ చేయగలదా? అనే చర్చ నడుస్తోంది ఇండస్ట్రీలో. ఇక ఇప్పటికే ఈ మూవీ నుంచి రిలీజ్ చేసిన ప్రమోషనల్ కంటెంట్ తో పాటు ఒక పాట కూడా ఆకట్టుకుంది. మరి మేకర్స్ ఈ సాంగ్ ను ఎప్పుడు రిలీజ్ చేస్తారో? పాటలో ఉన్న "కిస్సిక్" అనే పదానికి అర్థం ఏంటో ఎప్పుడు చెప్తారో చూడాలి.