Shastipoorthi Movie : మళ్ళీ 'లేడీస్ టైలర్' జోడీ - 37 ఏళ్ళ తర్వాత 'షష్టిపూర్తి'తో!

'లేడీస్ టైలర్'లో రాజేంద్ర ప్రసాద్ (Rajendra Prasad), అర్చన నటించారు. ఆ సినిమా విడుదలైన 37 ఏళ్ళ తర్వాత మళ్ళీ వాళ్ళిద్దరూ జంటగా నటిస్తున్నారు.

రాజేంద్ర ప్రసాద్, అర్చన

'సుజాతా....మై మర్ జాతా' - ఈ డైలాగ్ గుర్తుందా? తెలుగు ప్రేక్షకులు దీనిని అంత సులభంగా మర్చిపోలేరు. 'లేడీస్ టైలర్'లో 37 ఏళ్ళ క్రితం విడుదలైనప్పుడు ఆ డైలాగ్ ఓ సెన్సేషన్! ఆ సినిమాలో నట కిరిటీ డా. రాజేంద్ర ప్రసాద్ (Rajendra Prasad Actor) నటన, ఆయన డైలాగ్ డెలివరీ ట్రెండ్ సెట్ చేశాయి. అందులో సుజాత (Actress Sujatha) హీరోయిన్. మళ్ళీ 37 ఏళ్ళ తర్వాత రాజేంద్ర ప్రసాద్, సుజాత మళ్ళీ ఓ సినిమా కోసం రీయూనియన్ అయ్యారు.

ఇళయరాజా సంగీతంలో...
రాజేంద్ర ప్రసాద్, అర్చన  ప్రధాన పాత్రల్లో మా ఆయి ప్రొడక్షన్స్ సంస్థ నిర్మిస్తున్న చిత్రం 'షష్టిపూర్తి' (Shastipoorthi Movie). ఇందులో రూపేష్ కుమార్ చౌదరి హీరో. కథానాయకుడిగా నటించడంతో పాటు సినిమాను నిర్మిస్తున్నారు. ఆయనకు జోడీగా కథానాయిక ఆకాంక్షా సింగ్ (Akanksha Singh) నటిస్తున్నారు. ఈ చిత్రానికి పవన్ ప్రభ దర్శకుడు.

చెన్నైలోని లెజెండరీ సంగీత దర్శకుడు, ఇసైజ్ఞాని ఇళయరాజా (Isaignani Ilayaraja) స్టూడియోస్‌లో ఈ రోజు పూజా కార్యక్రమాలతో 'షష్టిపూర్తి' ఈ చిత్రం ప్రారంభమైంది. సినిమాకు ఆయన సంగీతం అందిస్తున్నారు. ముహూర్తపు సన్నివేశానికి ఇళయరాజా కెమెరా స్విచాన్ చేయగా... సూపర్ గుడ్ ఫిలింస్ ఆర్‌బి చౌదరి క్లాప్ ఇచ్చారు.

ఈ నెలలో రెగ్యులర్ షూటింగ్... 
జూలైలో ప్రేక్షకుల ముందుకు
'షష్టిపూర్తి' రెగ్యులర్ షూటింగ్ ఈ నెలలో స్టార్ట్ చేస్తున్నామని, జూలైలో సినిమాను విడుదల చేయడానికి సన్నాహాలు చేస్తున్నామని సినిమా హీరో, నిర్మాత రూపేష్ కుమార్ చౌదరి (Rupesh Kumar Chaudhary) తెలిపారు. సినిమా ప్రారంభమైన సందర్భంగా ఆయన మాట్లాడుతూ ''రాజేంద్ర ప్రసాద్ గారు, ఇళయరాజా గారు, అర్చన మేడమ్ వంటి గొప్ప వాళ్ళతో సినిమా చేసే అవకాశం రావడం నాకు చాలా సంతోషంగా ఉంది. 'లేడీస్ టైలర్' తర్వాత రాజేంద్ర ప్రసాద్, అర్చన నటిస్తున్న చిత్రమిది'' అని చెప్పారు. 

ఇళయరాజాతోనూ హిట్ కాంబినేషనే
రాజేంద్ర ప్రసాద్, అర్చన నటించిన 'లేడీస్ టైలర్'కు ఇళయరాజా సంగీతం అందించారు. ఆ తర్వాత రాజేంద్ర ప్రసాద్, ఇళయరాజా కలయికలో మంచి మ్యూజికల్ హిట్స్ వచ్చాయి. 'ఆస్తులు అంతస్థులు', 'చెట్టు కింద ప్లీడర్', 'ఏప్రిల్ 1 విడుదల' సినిమాలు, వాటిలో పాటలూ హిట్టే. చాలా సంవత్సరాల తర్వాత వాళ్ళ కాంబినేషన్ కూడా రిపీట్ అవుతోంది. సినిమాలో మొత్తం నాలుగు పాటలు ఉన్నాయని, ఇళయరాజా మంచి బాణీలు సిద్ధం చేస్తున్నారని రూపేష్ కుమార్ చౌదరి తెలిపారు. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Aakanksha Singh (@aakankshasingh30)

రాజేంద్ర ప్రసాద్, అర్చన ఓ జంటగా... రూపేష్ కుమార్ చౌదరి, ఆకాంక్షా సింగ్ మరో జంటగా నటిస్తున్న 'షష్టిపూర్తి'లో 'కాంతార' ఫేమ్ అచ్యుత్ కుమార్, వై. విజయ, 'శుభలేఖ' సుధాకర్ ఇతర తారాగణం. ఈ చిత్రానికి కాస్ట్యూమ్ డిజైనర్ : అయేషా మరియం, పబ్లిసిటీ డిజైనర్ : అనిల్ భాను, కూర్పు : కార్తీక శ్రీనివాస్, కళా దర్శకత్వం : తోట తరణి, నృత్య దర్శకత్వం : బృందా, సాహిత్యం : చైతన్య ప్రసాద్ & రెహమాన్, ఛాయాగ్రహణం : రామిరెడ్డి, సంగీతం: మాస్ట్రో ఇళయరాజా.