Kalki 2898 AD: నార్త్, సౌత్ ఒకవైపు, అమితాబ్ మరోవైపు - ‘సాహో’ బ్యూటీ కామెంట్స్ వైరల్ - ‘కల్కీ 2898 ఏడీ’ మూవీస్‌పై సెలబ్రిటీస్ స్పందన

Kalki 2898 AD: 'క‌ల్కీ’ ప్ర‌పంచవ్యాప్తంగా రిలీజై సూప‌ర్ హిట్ టాక్ తెచ్చుకుంది. ఈ సినిమాలో ప్ర‌భాస్ తో పాటు ఇంకా ఎంతోమంది న‌టీన‌టులు ఉన్నారు. ద‌ర్శ‌కులు కూడా క‌నిపించారు. వాళ్లంతా ఏమ‌న్నారంటే?

Image Credit: Social Media

Kalki 2898 AD cameos Reaction About Movie: 'క‌ల్కీ 2898ఏడీ' సినిమా ప్ర‌పంచ‌వ్యాప్తంగా  రిలీజ్ అయ్యింది. పాన్ ఇండియాగా తెర‌కెక్కిన ఈ సినిమాలో ప్ర‌భాస్, క‌మ‌ల్ హాస‌న్, అమితాబ్ బ‌చ్చ‌న్, దీపికా ప‌దుకునే ప్ర‌ధాన పాత్ర‌ల్లో న‌టించారు. సైన్స్ ఫిక్ష‌న్ కి పుర‌ణాలు జోడిస్తూ ఈ సినిమా తీశాడు ద‌ర్శ‌కుడు నాగ్ అశ్విన్. అయితే, ఈ సినిమాలో ద‌ర్శ‌క‌ధీరుడు రాజ‌మౌళి, ప్ర‌ముఖ ద‌ర్శ‌కుడు ఆర్జీవి, దుల్క‌ర్ స‌ల్మాన్  హీరోయిన్ మృణాల్ ఠాకూర్, ఫ‌రియా అబ్దుల్లా, విజ‌య దేవ‌ర‌కొండ త‌దిత‌రులు కూడా ఉన్నారు. ఈ న‌టీన‌టులంతా నాగ్ అశ్విన్ సినిమాల్లో న‌టించిన వాళ్లు, వైజ‌యంతి మూవీ బ్యాన‌ర్ లో న‌టించిన‌వాళ్లే. కాగా.. ఈ ప్రాజెక్ట్ లో న‌టించ‌డంపై వాళ్లంతా ఆనందం వ్య‌క్తం చేశారు. ఈవిధంగా త‌మ మ‌న‌సులో బ‌య‌ట‌పెట్టారు. 

మృణాల్ ఏమ‌న్నారంటే? 

మృణాల్ ఠాకూర్.. 'సీతారామం' సినిమాతో తెలుగు ప్రేక్ష‌కుల‌కు ప‌రిచ‌యం అయ్యింది ఈ మ‌రాఠి భామ‌. వైజ‌యంతి మూవీస్ ప్రొడ‌క్ష‌న్స్ ద్వారా తెలుగు డెబ్యూ సినిమా చేసింది. ఆమె 'క‌ల్కీ'లో సినిమాలో ఒక పాత్ర పోషించారు. దానిపై మృణాల్ ఇలా అన్నారు. “ క‌ల్కీ కోసం న‌న్ను అప్రోచ్ అయిన వెంట‌నే ఒక్క నిమిషం కూడా ఆలోచించ‌కుండా ఓకే చెప్పేశాను. ప్రొడ్యూస్ ఆశ్విన్ ద‌త్, స్వ‌ప్న ద‌త్, ప్రియాంక మీద నాకు అంత న‌మ్మ‌కం ఉంది. ‘సీతారామం’ లాంటి స‌క్సెస్ ఫుల్ ప్రాజెక్ట్ చేయ‌డం వ‌ల్లే అలా ఓకే చెప్ప‌గ‌లిగాను. ఇంత అద్భుత‌మైన సినిమాలో భాగం కావ‌డం నా అదృష్టం అనుకున్నాను అందుకే ఓకే చెప్పేశాను” అని అన్నారు మృణాల్ ఠాకూర్. క‌ల్కీ సినిమాలో మృణాలో ఒక పాత్ర చేశారు. చాలా త‌క్కువ టైం ఆమె సినిమాలో క‌నిపిస్తారు. 

'జాతి ర‌త్నాలు' సినిమా ద్వారా తెలుగు సినీ ఇండ‌స్ట్రీలోకి అడుగుపెట్టింది ఫ‌రియా అబ్దుల్లా. ఆమె కూడా ‘క‌ల్కీ 2898 ఏడీ’ సినిమాలో క‌నిపించారు. ఒక పాట‌లో చాలా కొద్దిసేపు ఫ‌రియా క‌నిపిస్తారు. ఆమె ఈ సినిమాపై ఏమ‌న్నారంటే? నాగ్ అశ్విన్ ఈ సినిమా అద్భుతంగా తీశార‌ని అన్నారు. సినిమా చూశాన‌ని, మ‌ళ్లీ వెళ్లి చూడాల‌నిపిస్తుంది అంటూ ఇన్ స్టాలో పోస్ట్ చేసింది. ఈ ప్రాజెక్ట్ లో చిన్న‌ప్రాత వేసినందుకు చాలా ఆనందంగా ఉంది. వైజ‌యంతి మూవీస్ తో ప‌నిచేయడం నిజంగా నా అదృష్టం అంటూ ప్ర‌భాస్ తో దిగిన ఫొటోను పోస్ట్ చేసింది ఫ‌రియా. 

రామ్ గోపాల్ వ‌ర్మ ఈ సంద‌ర్భంగా నాగ్ అశ్విన్ కి థ్యాంక్స్ చెప్పాడు. నాగ్ అశ్విన్.. నీ ఆశ‌యాలు, ఆలోచ‌న‌లకి కుడోస్. అమితాబ్ బ‌చ్చ‌న్ సార్ ఈ సినిమాలో మీరు గ‌తంలో కంటే 100 రెట్లు డైన‌మిక్ గా క‌నిపించారు. ప్ర‌భాస్ అయితే నెవ‌ర్ బిఫోర్ లా క‌నిపించారు. నాకు ఈ సినిమా ఛాన్స్ ఇచ్చినందుకు చాలా చాలా థ్యాంక్స్ అంటూ ట్వీట్ చేశాడు రామ్ గోపాల్ వ‌ర్మ‌. ఇక ఈ సినిమాపై విజయ్ దేవ‌ర‌కొండ‌, రాజ‌మౌళి కూడా స్పందించారు. సినిమా స‌క్సెస్ అయినందుకు డైరెక్ట‌ర్, సినిమా టీమ్ కి వాళ్లు విషెస్ చెప్పారు. ఇక ఈ సినిమాలో రాజ‌మౌళి, ప్ర‌భాస్ మ‌ధ్య ఫ‌న్నీ డైలాగులు న‌వ్వుతెప్పించాయి. ఇక విజ‌య దేవ‌ర‌కొండ అర్జునుడి పాత్ర‌లో క‌నిపించి అంద‌రినీ మెప్పించ‌చాడు.

శ్రద్ధాకపూర్ కామెంట్స్ వైరల్

‘కల్కి 2898 ఏడీ’ మూవీ చూసిన ‘సాహో’ బ్యూటీ శ్రద్ధాకపూర్ కూడా ప్రశంసల వర్షం కురిపించింది. అమితాబ్ నటనకు తాను ఫిదా అయినట్లు తెలిపింది. ‘సౌత్ ఏమిటీ, నార్త్ ఏమిటీ.. సినిమా అంతా ఒక వైపు, అమితాబ్ బచ్చన్ ఒక వైపు’’ అని కామెంట్ చేసింది. అలాగే.. అమితాబే ఒక యూనివర్శ్ అంటూ పొగడ్తల వర్షం కురిపించింది. ఆమె కామెంట్స్ ఇప్పుడు వైరల్ అవుతున్నాయి.

 

 

 

 

 

View this post on Instagram

 

 

 

 

 

 

 

 

 

 

 

A post shared by Shraddha ✶ (@shraddhakapoor)