Janhvi Kapoor: 'పెద్ది'కి జాన్వీ కపూర్ షాక్... ఫోనులు ఎత్తట్లేదు, రెస్పాన్స్ ఇవ్వట్లేదు

Janhvi Kapoor Peddi Controversy: రామ్ చరణ్, 'పెద్ది' టీం అందరికీ హీరోయిన్ జాన్వీ కపూర్ షాక్ ఇచ్చారని తెలిసింది. హైదరాబాద్ నుంచి ఎవరు ఫోన్స్ చేసినా లిఫ్ట్ చేయడం లేదట.

'పెద్ది' సినిమా గురించి అసలు మాట్లాడకుండా, సోషల్ మీడియాలో ఒక్క పోస్ట్ కూడా చేయకుండా జాన్వీ కపూర్ తన అసంతృప్తి వ్యక్తం చేశారా?

Source : https://www.instagram.com/peddimovie/

Show Quick Read

Key points generated by AI, verified by newsroom

• జాన్వీ కపూర్ 'పెద్ది'పై పెట్టుకున్న ఆశలు నిరాశగా మారాయి.
• ఆమె పాత్ర చిత్రీకరణ, పైట సన్నివేశాలపై విమర్శలు వచ్చాయి.
• ఈ అసంతృప్తితో జాన్వీ, ఆమె బృందం స్పందించడం లేదు.
• దర్శకుడు బుచ్చిబాబు క్షమాపణ చెప్పినా, ప్రచార అవకాశం కోల్పోయింది.

'పెద్ది' మీద రామ్ చరణ్, మెగా అభిమానులు ఎన్ని ఆశలు పెట్టుకున్నారో ఎవరికీ తెలియలేదు కానీ హీరోయిన్ జాన్వీ కపూర్ (Janhvi Kapoor) మాత్రం చాలా ఆశలు పెట్టుకున్నారని తెలిసింది. విజయవాడలో జరిగిన ప్రీ రిలీజ్ ఈవెంట్‌లో 'పెద్ది'లో ఎక్కువ సేపు తనను చూస్తారని చెప్పారు. ఎన్టీఆర్ 'దేవర'లో ఆమె స్క్రీన్ టైమ్ తక్కువ. ఆ సినిమా విషయంలో కాస్త అసంతృప్తి చెంది ఉండవచ్చని, ఈసారి ఎక్కువ స్క్రీన్ స్పేస్‌తో పాటు మంచి సీన్స్ ఉన్నాయి కనుక ఆ విధంగా మాట్లాడి ఉండవచ్చని ప్రేక్షకులు భావించారు. 'పెద్ది' విడుదలైన తర్వాత జాన్వీపై 'దేవర' కంటే ఎక్కువ ట్రోలింగ్ జరిగింది.

జాన్వీ కపూర్ అంటే అంతేనా!?
సన్నివేశం ఏదైనా పైట తీసేయడమేనా!?
'దేవర'లోని కొన్ని సన్నివేశాల్లో జాన్వీ కపూర్ లంగా ఓణీ కడతారు. కానీ పైట ఉండదు. స్నానం చేసే సన్నివేశం కూడా ఉంటుంది. ఆ తర్వాత హిందీలో 'పరమ సుందరి' అని మరొక సినిమా చేశారు. అందులోని ఓ పాటలో చీర పైట తీసే సీన్ ఉంటుంది. అందులో పాత్రపై విమర్శలు వచ్చాయి. ఇప్పుడు 'పెద్ది'లోనూ చాలా సన్నివేశాల్లో పైట తీసి విసిరేసే సన్నివేశాలు ఉన్నాయి. 

జాన్వీ కపూర్ అంటే ఒంటి మీద చీర కొంగు గానీ, పైట గానీ ఉండదా? ప్రతి సినిమాలో సన్నివేశం ఏదైనా పైట తీసేయడమేనా? అని సోషల్ మీడియాలో విమర్శలు వచ్చాయి. 'దేవర' కంటే ఎక్కువ ఆమెపై ట్రోలింగ్ జరిగింది. జాన్వీ కపూర్ మీద మాత్రమే కాదు... 'పెద్ది' లాంటి పెద్ద సినిమాలో హీరోయిన్ రోల్ ఆ విధంగా చూపించడం అంటే మహిళలను అగౌరవపరచడమే అని కొందరు మండి పడ్డారు. సోషల్ మీడియాలో అటువంటి పోస్టులకు జాన్వీ కపూర్ లైక్ కొట్టారు. ఆ తర్వాత 'పెద్ది' విషయంలో ఆవిడ అసంతృప్తితో ఉన్నారని అర్థమైంది. అంతే కాదు... 'పెద్ది' విడుదల తర్వాత ఇన్‌స్టాగ్రామ్‌లో సినిమా గురించి ఒక్కటంటే ఒక్క పోస్ట్ కూడా చేయలేదు. అంతే కాదు... 'పెద్ది' టీంకు ఆవిడ గట్టి షాక్ ఇచ్చిందట.

'పెద్ది' ఫోన్స్ అస్సలు ఎత్తడం లేదు...
జాన్వీతో పాటు టీం నుంచి నో రెస్పాన్స్!
'పెద్ది' విడుదలైన తర్వాత జాన్వీ కపూర్ (Peddi Controversy)ను కాంటాక్ట్ కావడానికి సినిమా యూనిట్ చేసిన ప్రయత్నాలన్నీ బూడిదలో పోసిన పన్నీరు అయ్యాయని తెలిసింది. విశ్వసనీయ వర్గాల నుంచి అందిన సమాచారం ప్రకారం... 'పెద్ది' టీం నుంచి ఎవరు ఫోన్ చేసినా జాన్వీ కపూర్ లిఫ్ట్ చేయడం లేదట. తన కోపాన్ని ఆ విధంగా 'పెద్ది' బృందానికి తెలిసేలా చేసిందట. హిందీ పాడ్ కాస్ట్ ఇంటర్వ్యూలో జాన్వీ కపూర్ చేసిన వ్యాఖ్యలు సైతం ఆమె అసంతృప్తిని తెలిసేలా చేశాయి.

జాన్వీ కపూర్ మాత్రమే కాదు... ఆమె టీం కూడా 'పెద్ది' దర్శక నిర్మాతల ఫోన్స్ లిఫ్ట్ చేయడం మానేశారట. షూటింగ్ అంటే హీరోయిన్ వెంట మేకప్ ఆర్టిస్ట్, హెయిర్ డ్రెస్సర్, స్టైలిస్ట్, పర్సనల్ అసిస్టెంట్ అంటూ మినిమమ్ నలుగురు ఉంటారు. వాళ్ళ నంబర్స్ అన్నీ అసిస్టెంట్ డైరెక్టర్లు, ప్రొడక్షన్ టీమ్ దగ్గర ఉంటాయి. వాళ్ళు ఫోన్స్ చేసినా జాన్వీ కపూర్ అండ్ టీమ్ అవాయిడ్ చేస్తున్నారట. ఒక్కరి ఫోన్ కూడా లిఫ్ట్ చేయడం లేదని తెలిసింది. దాంతో 'పెద్ది' టీంకి గట్టిగా షాక్ తగిలింది. రామ్ చరణ్ ఇన్వాల్వ్ అయ్యి ఏమైనా చేస్తే తప్ప ఇష్యూ సెటిల్ అయ్యేలా కనిపించడం లేదు.

'పెద్ది' విడుదల రోజున తిరుమల వెళ్లి ఏడు కొండల వెంకటేశ్వర స్వామి దర్శనం చేసుకున్నారు. కొండ మీద కూడా 'పెద్ది' గురించి మాట్లాడలేదు జాన్వీ. ఇప్పుడు టీమ్ ఫోన్స్ లిఫ్ట్ చేయడం లేదు. జాన్వీ రోల్ మీద వచ్చిన విమర్శల పట్ల బుచ్చిబాబు సానా సారీ చెప్పడం వెనుక కారణం అదేనని తెలిసింది. సినిమా విడుదలకు ముందు జాన్వీ కపూర్ బాడీ పార్ట్స్ చూపించే సన్నివేశాలపై ఫస్ట్ కాపీ రెడీ అయ్యాక టీమ్ మెంబర్స్ కొందరు అభ్యంతరం వ్యక్తం చేశారట. అంతలా చూపించడం అవసరం లేదని, కట్ చేయమని చెబితే దర్శకుడు బుచ్చిబాబు సానా వినలేదని టాలీవుడ్ ఖబర్. తర్వాత సారీ చెప్పారు. అప్పటికి జరగాల్సిన నష్టం జరిగింది. జాన్వీ కపూర్ సోషల్ మీడియాలో ప్రమోట్ చేసినా హిందీలో కొద్దో గొప్పో లాభం చేకూరేది. ఆ కొద్దిపాటి అవకాశం జాన్వీ కపూర్ కోపంతో చేజారింది. జాన్వీని 'పెద్ది' ఎలా కూల్ చేస్తారో చూడాలి.