Ileana Health: బిడ్డ పుట్టిన నాలుగు నెలలకు షాకింగ్ న్యూస్ చెప్పిన ఇలియాన, ఏం జరిగిందంటే?

Postpartum Depression: బెల్లీ బ్యూటీ ఇలియాన ఈ మధ్యే తల్లయిన సంగతి తెలిసిందే. అయితే బిడ్డ పుట్టిన నాలుగు నెలల తర్వాత ఆమె ఓ షాకింగ్ న్యూస్ చెప్పింది.

ఇలియానా (Image Credit: Ileana D'cruz/Instagram)

Ileana About Her Health Issue: బెల్లీ బ్యూటీ ఇలియాన ఈ మధ్యే తల్లయిన సంగతి తెలిసిందే. తన రిలేషన్‌ను సీక్రెట్‌గా ఉంచిన ఇల్లి సడెన్‌గా గర్భం దాల్చనంటూ గతేడాది ప్రకటించి అందరికి షాకిచ్చింది. దీంతో ఆమె భర్త ఎవరా? అని అంతా ఆలోచనలో పడ్డారు. తల్లికాబోతున్నట్టు చెప్పిన ఇలియాన భర్త ఎవరో చెప్పలేదంటబ్బా అని అంతా చెవులు కొరుకున్నారు. ఈ క్రమంలో ఆమె విపరీతమైన ట్రోలింగ్‌కి గురైంది. తరచూ బిడ్డ తండ్రి ఎవరని ప్రశ్నిస్తూ.. ఇలియానని ఇబ్బంది పెట్టారు. అయినా అవేవి పట్టించుకోని ఇలియాన అమ్మతనాన్ని అస్వాదిస్తూ తరచూ తన ప్రెగ్నెన్సీ జర్నీని సోషల్ మీడియా వేదికగా పంచుకునేది.చివరికి ట్రోలింగ్స్, విమర్శల మధ్య గతేడాది ఆగష్టులో పండంటి బాబుకు  జన్మనిచ్చింది. ఈ విషయాన్ని ప్రకటిస్తూ.. అప్పుడే తన భర్తను పరిచయం చేసింది. బాబుకు ఫీనిక్స్ డోలన్ అని పేరు పెట్టినట్టు చెప్పిన ఇల్లి బేబీ తన భర్త పేరును కూడా రివీల్ చేసింది. అతడి ఫోటో షేర్ చేసి మైఖేల్ డోలన్ అని పరిచయం చేసింది. దాంతో ట్రోల్ చేసిన వారు సైతం ఇలియానకు శుభాకాంక్షలు తెలిపారు. 

మైఖేల్, డాక్టర్స్ వల్లే బయటపడ్డాను

ఇదిలా ఉంటే బిడ్డ పుట్టిన నాలుగు నెలల తర్వాత ఇలియాన ఓ షాకింగ్ న్యూస్ చెప్పింది. బిడ్డ పుట్టాక తాను తీవ్ర ఒత్తిడికి గురయ్యానంటూ తాజాగా ఓ బాలీవుడ్ మీడియాకు ఇచ్చిన ఇంటర్య్వూలో తెలిపింది. ఈ మేరకు ఆమె మాట్లాడుతూ.. ‘‘నేను పోస్ట్‌పార్టమ్ డిప్రెషన్‌(Postpartum Depression)కు (డెలివరి తర్వాత వచ్చే ఒత్తిడి) గురయ్యాను. ఎప్పుడూ ఏడ్చేదాన్ని. రాత్రిళ్లు సడెన్ మెలుకువ వచ్చి ఏడ్చేదాన్ని. దీంతో బాబును వేరుగా మరో గదిలో పడుకోబెట్టావాళ్లం. అప్పుడు డాక్టర్లే తనని చూసుకున్నారు. నేను ఒక్కదాన్నే గదిలో బాగా ఏడ్చేదాన్ని.  ఆ టైంలో నా భర్త మైఖేల్, డాక్టర్లు నాకు మంచి సపోర్టు ఇచ్చారు. మైఖేల్ నాకు తోడుగా నిలబడ్డాడు. నన్ను, మా బిడ్డను జాగ్రత్తగా చూసుకున్నాడు. ప్రతి క్షణం మా ఇద్దిరిని కనిపెట్టుకు‌నే ఉన్నాడు. ఎలాంటి ఆలోచన లేకుండా బాగా పడుకొమ్మని చెప్పేవాడు. బాబుని నేను చూసుకుంటా అని నాకు భరోసా ఇచ్చేవాడు. నిజం చెప్పాలంటే తనవల్లే నేను ఒత్తిడిని నుంచి తొందరగా భయటపడ్డాను. ఆ సమయంలో నా బిడ్డ సంరక్షణను డాక్టర్లే చూసుకున్నారు. వారికి ఎప్పటికీ నేను కృతజ్ఞు‌రాలిని’ అంటూ చెప్పుకొచ్చింది.  

మిస్టరీగా ఉంచడం కూడా మంచిదే..

అలాగే ట్రోల్స్‌పై స్పందించింది. మైఖేల్‌తో రిలేషన్‌ను  భయటపెట్టకపోవడం కారణం ఉంది. నా గత రిలేషన్, బ్రేకప్ గురించి అందరికి తెలిసిందే. ఆ తర్వాత నేను నా ప్రజెంట్ రిలేషన్, భర్త గురించి చెప్పడానికి కాస్తా భయపడ్డాను. నేను చెప్పగానే అంతా దానిపై మాట్లాడుకుంటారు. ఎవరికి తోచినట్టు వారు ఆలోచించకుని నెగిటివ్ కామెంట్స్ చేయడం స్టార్ట్ చేస్తారు. అది నాకు ఇష్టం లేదు. నా భర్త, నా ఫ్యామిలీ గురించి చెడుగా మాట్లాడుకోవడం నాకు ఇష్టం లేదు. అందుకే మైఖేల్‌తో నా రిలేషన్‌‌ను సస్పెన్స్‌లో ఉంచా. దాని వల్ల కూడా ట్రోల్స్‌కు గురయ్యాను. కానీ ఒకే. నా రిలేషన్ మిస్టరీగా ఉంచి అందరిలో ఆసక్తి పెంచాను’ అంటూ నవ్వుతూ చెప్పుకొచ్చింది.