So Disturbing Movies: థియేటర్ నుంచి పరుగులు పెట్టించిన భయానక సినిమాలివే - కొందరు మూర్ఛపోయారు, మరికొందరు వాంతులు చేసుకున్నారు

సినీ అభిమానులు ఎప్పుడో ఒకప్పుడు హారర్ సినిమాలను చూసే ఉంటారు. ఈ చిత్రాలు ఒక్కోసారి వెన్నులో వణుకు పుట్టిస్తాయి. అయితే, ప్రపంచంలోనే అత్యంత భయంకరమైన కొన్ని మూవీస్ గురించి ఇప్పుడు తెలుసుకుందాం.

వణుకు పుట్టించే సినిమాలు(Photos Credit: X)

So Disturbing Movies: సినీ ప్రియులు అన్ని రకాల సినిమాలను ఇష్టపడుతారు. యాక్షన్, సెంటిమెంట్, కామెడీ, థ్రిల్లర్, హారర్ అనే తేడా లేకుండా అన్ని సినిమాలను చూసి ఎంజాయ్ చేస్తారు. అయితే, ఇప్పుడు మనం తెలుసుకోబోయే సినిమాలు చాలా ప్రత్యేకమైనవి. ఈ సినిమాలు చూస్తే భయంతో వణుకు పుడుతుంది. కొన్ని సినిమాలు వాంతులు వచ్చేలా చేస్తాయి. మరికొన్ని థియేటర్ల నుంచి బయటకు పరుగులు తీసేలా చేస్తాయి. ఇంతకీ ఆ సినిమాలు ఏంటంటే?

1. టెర్రిఫైర్ 2

2016లో వచ్చిన ‘టెర్రిఫైర్’ సినిమాకు సీక్వెల్ గా వచ్చిన సినిమా ‘టెర్రిఫైర్ 2’. రీసెంట్ గా థియేటర్లలో విడుదలైన ఈ సినిమా అత్యంత జుగుప్సా కరమైన చిత్రంగా గుర్తింపు తెచ్చుకుంది. ఈ సినిమా చూసి చాలా మంది ప్రేక్షకులు థియేటర్లలోనే మూర్చపోయారట. మరికొంత మంది వాంతులు చేసుకుని తీవ్ర అనారోగ్యానికి గురయ్యారట. ఈ సినిమా భయంకరంగా ఉంటుందని ఫిల్మ్ మేకర్ స్టీవ్ బార్టన్ ముందుగానే ప్రేక్షకులను హెచ్చరించడం విశేషం. 

2. టైటాన్(2021)

ఇది చాలా విచిత్రమైన కథతో కూడిన ఫ్రెంచ్ మూవీ. ఈ సినిమా ప్రీమియర్ సందర్భంగా 13 మంది స్పృహతప్పి పడిపోయారట. అంతేకాదు, మరికొందరు థియేటర్ల నుంచి బయటకు పరుగులు తీశారట. ఈ సినిమా జూలియా డుకోర్నౌ తెరకెక్కించారు. 

3. రా(2016)

డ్యూకోర్నౌ తెరకెక్కించిన ఈ సినిమాను చూడాలంటే నిజంగా ఎంతో ధైర్యం కావాలి. ఈ సినిమాలో కొంత మంది మానవ మాంసాన్ని తినడం ఒళ్లు గగుర్పొడిచేలా చేస్తుంది. టొరంటో ఫిల్మ్ ఫెస్టివల్‌లో దాన్ని ప్రదర్శించినప్పుడు చాలా మంది వాంతులు చేసుకున్నారట.

4. మమ్మీ (2014)

సెవెరిన్ ఫియాలా, వెరోనికా ఫ్రాంజ్ కలిసి తెరకెక్కించిన ఈ సినిమాను చూసి థియేటర్లలో ప్రేక్షకులు స్పృహ తప్పి పడిపోయారు. ఈ మూవీలో ఇద్దరు పిల్లల తల్లి ముఖానికి శస్త్రచికిత్స చేస్తారు. ఆ తర్వాత ఆమె ముఖాన్ని చూసి ఆ పిల్లలు ఎలా భయపడతారు? అనేది ఈ సినిమాలో చూపించారు.   

5. యాంటీక్రిస్ట్(2009)

ఓ ఫ్యామిలీకి చెందిన చిన్న కొడుకు ప్రమాదంలో మరణించిన తర్వాత ఆ ఇంట్లో ఎలాంటి ఘటనలు జరిగాయి అనేది ఈ సినిమాలో చూపించారు. కేన్స్ ఫిల్మ్ ఫెస్టివల్‌లో ఈ చిత్రం ప్రదర్శన సమయంలో చాలా మంది థియేటర్ నుంచి బయటకు వెళ్లిపోయారు. కొంత మంది సృహతప్పి పడిపోయారు. ఫ్రాన్స్‌ లో కొంతకాలం ఈ సినిమాను నిషేధించారు. 

6. ఇర్రెవర్సిబుల్ (2002)

ఈ భయానక ఫ్రెంచ్ చిత్రాన్ని కేన్స్ లో ప్రదర్శిస్తుండగా, సుమారు 250 మంది బయటకు వెళ్లిపోయారు. కొందరు అనారోగ్యంతో ఆస్పత్రిలో చేరారు. దర్శకుడు గాస్పర్ నోయే ఈ సినిమాను తెరకెక్కించారు.  

7. ది బ్లెయిర్ విచ్ ప్రాజెక్ట్(1999)

లోవ్స్ సినీప్లెక్స్ తెరకెక్కించిన ఈ సినిమా చాలా మంది ప్రేక్షకులను భయపెట్టింది. సినిమాకు వచ్చిన చాలా మంది కొద్ది సేపు చూడకముందే బయటకు వెళ్లిపోయారు.

8. V/H/S (2012)

ఈ సినిమా స్క్రీనింగ్ సమయంలో పలువురు ప్రేక్షకులు స్పృహ తప్పి పడిపోయారు. ఆడం వింగార్డ్, డేవిడ్ బ్రూక్నర్, టి వెస్ట్, గ్లెన్ మెక్‌క్వైడ్, జో స్వాన్‌బెర్గ్ దర్శకత్వం వహించిన ఈ సినిమా ఆరు వేర్వేరు హారర్ చిత్రాల సమూహం.

9. సా III (2006)

సా ఫ్రాంచైజీలోని మూడో చిత్రాన్ని చూసి ప్రేక్షకులు భయంతో వణికిపోయారు. గత చిత్రాలతో పోల్చితే ఈ సినిమా  విపరీతమైన హింస ఉంటుంది. ఈ సినిమా చూస్తూ చాలా మంది ప్రేక్షకులలు స్పృహ కోల్పోవడంతో థియేటర్ల దగ్గరికి అంబులెన్స్ లు రావడం విశేషం.

10. 127 అవర్స్ (2010)

ఆస్కార్ కు నామినేట్ అయిన ఈ సినిమాను చూస్తూ చాలా మంది స్పృహ తప్పి పడిపోయారు.  బయోగ్రాఫికల్ సైకలాజికల్ సర్వైవల్ డ్రామాగా తెరకెక్కిన ఈ సినిమాను చూస్తూ ఏకంగా 16 మంది మూర్చపోయారు. ఈ సినిమాలతో పాటు మరికొన్ని చిత్రాలు కూడా ప్రపంచ వ్యాప్తంగా సంచలను కలిగించాయి. హింసకు కేరాఫ్ అడ్రస్ గా నిలిచాయి.