Pakka Commercial 2nd Single: రాశి, అందాల రాశి - హీరోయిన్ పేరు మీద 'పక్కా కమర్షియల్' సినిమాలో సాంగ్, రిలీజ్ ఎప్పుడు అంటే?

Pakka Commercial Second Song Andala Raashi Will Be Releasing On June 1st: గోపీచంద్, రాశీ ఖన్నా జంటగా నటిస్తున్న సినిమా 'పక్కా కమర్షియల్'. ఇందులో రెండో పాట విడుదలకు ముహూర్తం ఖరారు అయ్యింది.

'పక్కా కమర్షియల్' సినిమాలో గోపీచంద్, రాశీ ఖన్నా

'రాశి... అందాల రాశి' అంటూ జూన్ 1న గోపీచంద్, రాశీ ఖన్నా జోడీ కొత్త పాటతో ప్రేక్షకుల ముందుకు వస్తున్నారు. వీళ్ళిద్దరూ జంటగా నటిస్తున్న సినిమా 'పక్కా కమర్షియల్'. యూవీ క్రియేషన్స్, జీఏ (గీతా ఆర్ట్స్) 2 పిక్చర్స్ పతాకాలపై తెరకెక్కుతోన్న ఈ చిత్రానికి 'బన్నీ' వాసు నిర్మాత. సినిమాలో రెండో పాట 'అందాల రాశి'ని జూన్ 1న విడుదల చేయనున్నట్టు నేడు వెల్లడించారు. హీరోయిన్ రాశీ ఖన్నా పేరు వచ్చేలా ఈ పాట రాయడం విశేషం.  

జూలై 1న 'పక్కా కమర్షియల్' విడుదల
కామెడీ అండ్ యాక్షన్ మేళవించిన లాయర్ పాత్రలో గోపీచంద్ కనిపించనున్న చిత్రమిది. ఇందులో ఆయనకు జంటగా కనిపించనున్న రాశీ ఖన్నాది సైతం లాయర్ రోల్. జూలై 1న సినిమా విడుదల కానుంది. 'ప్ర‌తిరోజు పండ‌గే' లాంటి బ్లాక్ బ‌స్ట‌ర్ స‌క్సెస్ తర్వాత విల‌క్ష‌ణ ద‌ర్శ‌కుడు మారుతి చేస్తున్న చిత్రమిది. 

టైటిల్ సాంగ్ రాసిన 'సిరివెన్నెల'
'పక్కా కమర్షియల్' సినిమా టైటిల్ సాంగ్ దివంగత గేయ రచయిత 'సిరివెన్నెల' సీతారామశాస్త్రి రాశారు. 'జన్మించినా... మరణించినా... ఖర్చే ఖర్చు... పక్కా కమర్షియల్' అంటూ సాగిన ఆ గీతం కొన్ని రోజుల క్రితం విడుదల అయ్యింది. జేక్స్ బిజాయ్ ఈ చిత్రానికి సంగీతం అందిస్తున్నారు.

 

 

 

 

 

View this post on Instagram

 

 

 

 

 

 

 

 

 

 

 

A post shared by Geetha Arts (@geethaarts)