Jailer Theatrical Business : 'జైలర్' థియేట్రికల్ బిజినెస్ ఎంత? రజనీకాంత్ సినిమా బ్రేక్ ఈవెన్ అవుతుందా?

సూపర్ స్టార్ రజనీకాంత్ (Rajinikanth) కథానాయకుడిగా నటించిన 'జైలర్' (Jailer Movie) మరికొన్ని గంటల్లో థియేటర్లలోకి రానుంది. ఆల్రెడీ విడుదలైన ట్రైలర్ ప్రేక్షకులను ఆకట్టుకుంది. సినిమాపై అంచనాలు పెంచింది. మరి, బిజినెస్ సంగతి ఏంటి? థియేట్రికల్ రైట్స్ ఎన్ని కోట్లకు అమ్మారు? తెలుగు రాష్ట్రాల్లో ఈ సినిమా ప్రీ రిలీజ్ బిజినెస్ ఎలా జరిగింది? ప్రపంచవ్యాప్తంగా ఎలా జరిగింది? అనే వివరాల్లోకి వెళితే... 

'జైలర్' తెలుగు రైట్స్ రూ. 12 కోట్లు!
Jailer Movie Telugu Rights : తెలుగు రాష్ట్రాల్లో 'జైలర్' థియేట్రికల్ రైట్స్ కేవలం రూ. 12 కోట్లకు మాత్రమే ఇచ్చారు. రజనీకాంత్ లాస్ట్ సినిమా 'పెద్దన్న' రైట్స్ కూడా అంతే! సూపర్ స్టార్ నటించిన గత కొన్ని సినిమాలు తెలుగు రాష్ట్రాల్లో ఆశించిన విజయాలు సాధించలేదు. అందుకని, డిస్ట్రిబ్యూటర్లు ఎక్కువ రేటు పెట్టి కొనడం లేదు. సేఫ్ గేమ్ ఆడుతున్నారు.

'జైలర్' పంపిణీ హక్కులను ఆంధ్ర ఏరియా వరకు 5 కోట్ల రూపాయల రేషియోలో విక్రయించారు. నైజాం హక్కులను రూ. 4.50 కోట్లకు ఇచ్చారని తెలిసింది. సీమ (సీడెడ్) హక్కులను రూ. 2.5 కోట్లకు ఇచ్చారట. తెలుగు రాష్ట్రాల వరకు బ్రేక్ ఈవెన్ కావాలంటే రూ. 13 కోట్లు కలెక్ట్ చేయాలి.

రూ. 30 కోట్ల నుంచి రూ. 12 కోట్లకు...
రజనీకాంత్ మార్కెట్ కిందకు పడిందా?
ఆరేడేళ్ళ క్రితం వరకు రజనీకాంత్ సినిమాలకు తెలుగులో అగ్ర కథానాయకుల సినిమాలతో సమానంగా బిజినెస్ జరిగింది. 'కబాలి' (2016) సినిమా రైట్స్ తెలుగు రాష్ట్రాల్లో రూ. 31 కోట్లకు అమ్మారు. 'కాలా' అయితే రూ. 33 కోట్ల బిజినెస్ చేసింది. '2.0' సినిమాకు హిందీ హీరో అక్షయ్ కుమార్ విలన్ రోల్, శంకర్ డైరెక్షన్ యాడ్ కావడంతో బిజినెస్ విపరీతంగా జరిగింది. తెలుగులో ఆ సినిమా 70 కోట్లకు పైగా బిజినెస్ చేసింది. 'పేట' రూ. 13 కోట్లు, 'దర్బార్' రూ. 14 కోట్లు బిజినెస్ చేశాయి అంతే!

Also Read : మానస్, దీపికల 'బ్రహ్మముడి' - ఈ సీరియల్ చెబుతోన్న జీవిత సత్యాలు

నిజం చెప్పాలంటే... రజనీకాంత్ సినిమాల బిజినెస్ తెలుగు రాష్ట్రాల్లో మునుపటి స్థాయిలో జరగడం లేదు. 'జైలర్' సినిమాతో మళ్ళీ సూపర్ స్టార్ పూర్వ వైభవం సాధిస్తారని అభిమానులు ఆశిస్తున్నారు. అదీ సంగతి!

టోటల్ ప్రీ రిలీజ్ బిజినెస్ చూస్తే...
వంద కోట్లు క్రాస్ చేసిన 'జైలర్'!
తమిళనాడులో ప్రీ రిలీజ్ బిజినెస్ బాగా జరిగింది. సూపర్ స్టార్ ఇమేజ్ ఇంపాక్ట్ చూపించింది. తమిళనాట 'జైలర్'ను రూ. 62 కోట్లకు అమ్మారు. తెలుగు రాష్ట్రాల్లో రూ. 12 కోట్ల బిజినెస్ జరిగింది. 

కర్ణాటక రూ. 10 కోట్లు, కేరళ రూ. 5.50 కోట్లు, రెస్టాఫ్ ఇండియా రూ. 3 కోట్లు, ఓవర్సీస్ రూ. 30 కోట్లు ప్రీ రిలీజ్ బిజినెస్ జరిగాయి. వరల్డ్ వైడ్ 'జైలర్' ప్రీ రిలీజ్ బిజినెస్ రూ. 122.50 కోట్లు జరిగాయి. 

బ్రేక్ ఈవెన్ కావాలంటే ఎంత కలెక్ట్ చేయాలి?
'జైలర్' సినిమా కొన్న డిస్ట్రిబ్యూటర్లకు లాభాలు రావాలంటే... తెలుగు రాష్ట్రాల్లో రూ. 13 కోట్ల షేర్ కలెక్ట్ చేయాలి. వరల్డ్ వైడ్ చూస్తే... 124 కోట్ల రూపాయల షేర్ రావాలి. గ్రాస్ పరంగా చూస్తే... సుమారు 240 కోట్లు రావాలి. అదీ సంగతి!

Also Read : మోసాన్ని సహించలేడు, ఇబ్బంది పడితే తట్టుకోలేడు - ఇదీ 'బ్రహ్మముడి'లో రాజ్ రోల్

ముఖ్యమైన, మరిన్ని ఆసక్తికర కథనాల కోసం ‘టెలిగ్రామ్’లో ‘ఏబీపీ దేశం’లో జాయిన్ అవ్వండి.
Join Us on Telegram: https://t.me/abpdesamofficial