Rhea Chakraborty : నాతో వర్క్ చేసేందుకు ఎవరూ ఇష్టపడలేదు - కెరీర్ క్లోజ్ అనుకున్నా... రీ ఎంట్రీపై బాలీవుడ్ హీరోయిన్ రియాక్షన్
Rhea Chakraborty Reaction : బాలీవుడ్ హీరోయిన్ రియా చక్రవర్తి దాదాపు ఏడేళ్ల తర్వాత వెబ్ సిరీస్తో రీఎంట్రీ ఇస్తున్నారు. తన కెరీర్లో పడ్డ ఇబ్బందుల గురించి ఆమె తాజాగా ఇంట్రెస్టింగ్ కామెంట్స్ చేశారు.
Rhea Chakraborty Reaction About Difficult Phase In Career : బాలీవుడ్ ఇండస్ట్రీలోనే హీరో సుశాంత్ సింగ్ రాజ్పుత్ మరణం సంచలనం సృష్టించింది. ఈ కేసులో హీరోయిన్ రియా చక్రవర్తిని అప్పట్లో అదుపులోకి తీసుకున్నారు పోలీసులు. సుశాంత్ సింగ్ మృతి కేసులో కొన్ని రోజులు జైలు జీవితం గడిపిన ఆమె దాదాపు ఐదేళ్లు ఎన్నో స్ట్రగుల్స్ ఫేస్ చేశారు. ఫైనల్గా సుశాంత్ మృతికి ఆమెకు ఎలాంటి సంబంధం లేదని సీబీఐ క్లీన్ చిట్ ఇవ్వడంతో బిగ్ రిలీఫ్ లభించింది.
ఏడేళ్ల తర్వాత రీ ఎంట్రీ
దాదాపు ఏడేళ్ల తర్వాత మళ్లీ రియా చక్రవర్తి 'ఫ్యామిలీ బిజినెస్' వెబ్ సిరీస్లో కనిపించనున్నారు. ఈ సందర్భంగా తాజాగా ఓ ఇంటర్వ్యూలో గత ఏడేళ్లలో తాను ఎదుర్కొన్న అవమానాలు, ఇబ్బందుల గురించి వెల్లడించారు. 'నాతో కలిసి పని చేసేందుకు ఎవరూ ఇష్టపడలేదు. దశాబ్ద కాలంగా నటన కోసం నేను ఎంతో కష్టపడ్డాను. దీన్ని వదులుకునేందుకు ఎంతో మదన పడాల్సి వచ్చింది. నాకు ఛాన్సెస్ రాలేదు. ఈ వెబ్ సిరీస్ కోసం మేకర్స్ నన్ను సంప్రదించినప్పుడు నేను చేయలేను అని చెప్పాను.
వారు ఎందుకు అని ప్రశ్నిస్తే నటన మానేశాను అని అన్నా. వారు నన్ను కన్విన్స్ చేశారు. ఆ తర్వాత అవునని చెప్పినందుకు సంతోషంగా ఉంది. ఏళ్ల తర్వాత సెట్లోకి రావడం కొత్తగా ఉంది. ఇది ఎప్పటికీ మర్చిపోలేను. నా కష్ట సమయంలో నా ఫ్రెండ్స్ నాకు సపోర్ట్గా ఉన్నారు. వారి కెరీర్ను సైతం ఫణంగా పెట్టి నా కోసం నిలబడ్డారు. గాయని, నటి శిబానీ దండేకర్ ఓ సోదరిలా నాకు సపోర్ట్ ఇచ్చారు. ఓ వైపు మనుషుల మూర్ఖత్వం చూశాను. మరోవైపు మానవత్వం కూడా చూశాను.' అంటూ ఎమోషనల్ అయ్యారు.
Also Read : 'రామాయణ'లో యంగ్ హీరో - తన ప్లేస్లో అంటూ ప్రచారం... '12th ఫెయిల్' హీరో క్లారిటీ
'కెరీర్ క్లోజ్ అనుకున్నా'
ఏడేళ్ల తర్వాత మళ్లీ కెమెరా ముందుకు రావడం ఓ కలలా అనిపించిందని రియా తెలిపారు. 'మళ్లీ నటిస్తానని నేను అస్సలు ఊహించలేదు. 17 ఏళ్ల వయసులో నా కెరీర్ మొదలుపెట్టినా మధ్యలోనే ఆగిపోయింది. నటన క్లోజ్ అనుకున్న టైంలో మళ్లీ యాక్ట్ చేసే అవకాశం వచ్చింది. ఇది నా జీవితంలో రెండో చాప్టర్.' అంటూ తాజాగా పోస్ట్ చేశారు రియా. ఇది చూసిన నెటిజన్లు కంగ్రాట్స్, ఆల్ ది బెస్ట్ చెబుతూ కామెంట్స్ చేశారు.
వీడియో జాకీగా కెరీర్ స్టార్ట్ చేసిన రియా చక్రవర్తి... ఆ తర్వాత హిందీ సినిమాల్లో నటించారు. తెలుగులో 'తూనీగ తూనీగ' సినిమాలో హీరోయిన్గా ఎంట్రీ ఇచ్చారు. ఆ తర్వాత మేరే డాడ్కీ మారుతి, సోనాలి కేబుల్, బ్యాంక్ చోర్, హాఫ్ గర్ల్ ఫ్రెండ్, జిలేబీ వంటి మూవీస్లో నటించారు. ఫైనల్గా చెహ్రే మూవీలో నటించారు.
View this post on Instagram
Before You Go
National Award for Committee Kurrollu | మెగా డాటర్ చిత్రానికి నేషనల్ అవార్డ్
టాప్ హెడ్ లైన్స్
ట్రెండింగ్ వార్తలు
