Bimbisara Prequel: 'బింబిసార'కు ప్రీక్వెల్ - 'రొమాంటిక్' దర్శకుడితో కళ్యాణ్ రామ్ సినిమా!

Nandamuri Kalyan Ram: నందమూరి కళ్యాణ్ రామ్ పుట్టినరోజు సందర్భంగా ఈ రోజు 'బింబిసార' ప్రీక్వెల్ అనౌన్స్ చేశారు. ఈ సినిమా దర్శకుడు ఎవరు? అనేది కూడా అధికారికంగా అనౌన్స్ చేశారు.

'బింబిసార'లో కళ్యాణ్ రామ్... 'బింబిసార' ప్రీక్వెల్ పోస్టర్

Source : Other

NKR22 Movie Announced On Nandamuri Kalyan Ram Birthday: విశ్వ విఖ్యాత నట సార్వభౌమ ఎన్టీఆర్ మనవడు, వైవిధ్యమైన చిత్రాలు చేస్తూ ప్రేక్షకులలో ప్రామిసింగ్ హీరోగా పేరు తెచ్చుకున్న కథానాయకుడు నందమూరి కళ్యాణ్ రామ్. ఈ రోజు ఆయన బర్త్ డే (Kalyan Ram Birthday). ఈ సందర్భంగా కొత్త సినిమాను అనౌన్స్ చేశారు. హీరో కళ్యాణ్ రామ్ 22వ చిత్రమిది. అందుకని #NKR22 అని వ్యవహరిస్తున్నారు. 

'బింబిసార'కు సీక్వెల్ కాదు... ప్రీక్వెల్!
హీరోగా కళ్యాణ్ రామ్ ప్రయాణంలో 'బింబిసార' ఎంతో ప్రత్యేకం! బింబిసార, దేవ దత్త... రెండు పాత్రల్లో ఆయన అద్భుతమైన అభినయం కనబరిచారు. నటుడిగా ఎంతో పేరు తెచ్చుకున్నారు. బాక్స్ ఆఫీస్ బరిలోనూ ఆ సినిమా భారీ వసూళ్లు సాధించింది. ఆ సినిమా పార్ట్ 2 ఉంటుందని ముందు నుంచి ప్రచారం జరిగింది. అయితే... 'బింబిసార'కు సీక్వెల్ కాదు, ప్రీక్వెల్ చేస్తున్నట్టు ఇవాళ కళ్యాణ్ రామ్ పుట్టినరోజు సందర్భంగా వెల్లడించారు. 

'బింబిసార' కంటే కొన్నేళ్ల ముందు త్రిగర్తల సామ్రాజ్యాన్ని పాలించిన లెజెండ్ (Bimbisara Prequel Concept)ను చూడటానికి సిద్ధం అవ్వండని చిత్ర బృందం పేర్కొంది.

𝗚𝗲𝘁 𝗿𝗲𝗮𝗱𝘆 𝘁𝗼 𝘄𝗶𝘁𝗻𝗲𝘀𝘀 𝘁𝗵𝗲 𝗩𝗜𝗥𝗧𝗨𝗘 𝗼𝗳 𝗮 𝗟𝗘𝗚𝗘𝗡𝗗 𝘄𝗵𝗼 𝗿𝘂𝗹𝗲𝗱 𝗧𝗿𝗶𝗴𝗮𝗿𝘁𝗵𝗮𝗹𝗮 𝗮𝗴𝗲𝘀 𝗯𝗲𝗳𝗼𝗿𝗲 𝗕𝗜𝗠𝗕𝗜𝗦𝗔𝗥𝗔 👑#NKR22 - A PREQUEL to the blockbuster #Bimbisara ❤️‍🔥

Happy Birthday, @NANDAMURIKALYAN ✨

Exciting updates soon!… pic.twitter.com/yXEKzfVqRa

— NTR Arts (@NTRArtsOfficial) July 5, 2024

'రొమాంటిక్' దర్శకుడితో 'బింబిసార' ప్రీక్వెల్!
Who Is Bimbisara Prequel Director: 'బింబిసార'కు వశిష్ఠ మల్లిడి దర్శకత్వం వహించారు. దర్శకుడిగా ఆయనకు తొలి చిత్రమది. ఆ తర్వాత ఆయనకు మెగాస్టార్ చిరంజీవి కథానాయకుడిగా 'విశ్వంభర' చేసే అవకాశం వచ్చింది. దాంతో 'బింబిసార' ప్రీక్వెల్ దర్శకుడు మారారు. దీనికి అనిల్ పాడూరి దర్శకత్వం వహించనున్నారు. ఈ చిత్రాన్ని నందమూరి తారక రామారావు ఆర్ట్స్ పతాకం మీద కొసరాజు హరికృష్ణ నిర్మిస్తున్నారు.

విజువల్ ఎఫెక్ట్స్ బ్యాక్ డ్రాప్ నుంచి వచ్చిన అనిల్ పాడూరి.... పూరి జగన్నాథ్ తనయుడు ఆకాష్ పూరి హీరోగా వచ్చిన 'రొమాంటిక్' సినిమాకు దర్శకత్వం వహించారు. 'బింబిసార' ప్రీక్వెల్ (Bimbisara Prequel Updates)కు సంబంధించిన మరిన్ని వివరాలు త్వరలో వెల్లడించనున్నారు.

మరో సినిమాలో కళ్యాణ్ రామ్ ఫస్ట్ లుక్ చూశారా?
'బింబిసార' ప్రీక్వెల్ కాకుండా కళ్యాణ్ రామ్ మరొక సినిమా చేస్తున్నారు. ప్రదీప్ చిలుకూరి దర్శకత్వంలో అశోక్ వర్ధన్ ముప్పా, సునీల్ బలుసు ప్రొడ్యూస్ చేస్తున్న సినిమాలో నటిస్తున్నారు. అందులో ఆయన స్టైలిష్ ఫస్ట్ లుక్ కూడా ఈ రోజు బర్త్ డే సందర్భంగా విడుదల చేశారు.

𝐈𝐟 𝐲𝐨𝐮 𝐜𝐚𝐧'𝐭 𝐛𝐞 𝐚 𝐠𝐨𝐨𝐝 𝐞𝐱𝐚𝐦𝐩𝐥𝐞, 𝐛𝐞 𝐚 𝐭𝐞𝐫𝐫𝐢𝐛𝐥𝐞 𝐰𝐚𝐫𝐧𝐢𝐧𝐠 ⚠️

Here's the Fiery First Look of #NKR from #NKR21 🔥

Happy Birthday, @NANDAMURIKALYAN ❤‍🔥#HappyBirthdayNKR ❤️‍🔥@vijayashanthi_m @saieemmanjrekar @PradeepChalre10 @SunilBalusu1981… pic.twitter.com/6ErzgpmOOE

— NTR Arts (@NTRArtsOfficial) July 5, 2024