Anupama Parameswaran: కరెక్టే అన్నా, నేను హీరోయిన్ మెటీరియల్ కాదు - అనుపమా పరమేశ్వరన్

ఇటీవల అనుపమా పరమేశ్వరన్ ను ట్రోల్ చేస్తూ ఓ నెటిజన్ కామెంట్ చేశాడు. ‘అనుపమా హీరోయిన్ మెటీరియల్ కాదు. ఆమెకు పెద్దగా సినిమాలు లేవు’ అంటూ రాసుకొచ్చాడు. అయితే ఈ కామెంట్ కు తన స్టైల్ లో స్పందించింది అనుపమా.

Image Credit:Anupama Parameswaran/Instagram

సినిమా ఇండస్ట్రీలోకి ఎంతో మంది హీరోయన్లు వస్తుంటారు. అయితే వారిలో కొంతమంది మాత్రమే ఇండస్ట్రీలో ఎక్కువ కాలం నిలదొక్కుకోగలుగుతారు. కేవలం అందంతోనే కాకుండా నటనతోనూ అభిమానుల్ని సొంతం చేసుకుంటారు కొంతమంది తారలు. అలాంటి వారిలో అనుపమ పరమేశ్వరన్ కూడా ఒకరు. ‘ప్రేమమ్’ సినిమాతో ఇండస్ట్రీలోకి ఎంట్రీ ఇచ్చిన ఈ బ్యూటి వరుసగా సినిమాలు చేస్తూ ఇప్పటికీ అవకాశాలు దక్కించుకుంటోంది. కేవలం అందంతోనే కాకుండా తన విలక్షణమైన నటనతోనూ ఆకట్టుకుంటుంది. అందుకే అనుపమాకు అభిమానులు ఎక్కువ. సోషల్ మీడియాలోనూ ఈ బ్యూటీ యాక్టీవ్ గా ఉంటుంది. అప్పుడప్పుడు అభిమానుల ప్రశ్నలకు సమాధానాలు చెబుతుంది. అయితే ఇటీవల ఓ అభిమాని అడిగిన ప్రశ్నకు అనుపమా స్పందించిన తీరుకు నెటిజన్స్ ఫిదా అవుతున్నారు.

‘కరెక్టే అన్నా హీరోయిన్ టైప్ కాదు.. నేను యాక్టర్ టైప్’: అనుపమా 

ఇటీవల అనుపమా పరమేశ్వరన్ ను ట్రోల్ చేస్తూ ఓ నెటిజన్ కామెంట్ చేశాడు. ‘అనుపమా హీరోయిన్ మెటీరియల్ కాదు. ఆమెకు పెద్దగా సినిమాలు లేవు’ అంటూ రాసుకొచ్చాడు. అయితే ఈ కామెంట్ కు తన స్టైల్ లో స్పందించింది అనుపమా. ‘కరెక్టే అన్నా, హీరోయిన్ టైప్ కాదు.. నేను యాక్టర్ టైప్’ అని రిప్లై ఇచ్చింది. దీంతో అనుపమా చేసిన కామెంట్ వైరల్ అయింది. ఇది చూసి అనుపమా సమయస్పూర్తిని మెచ్చుకుంటూ కామెంట్లు చేస్తున్నారు. 

వరుస సినిమాలతో బిజీ..

అనుపమ పరమేశ్వరన్ ‘ప్రేమమ్’ సినిమాతో మూవీ కెరీర్ ను ప్రారంభించిది. మలయాళంతో పాటు తెలుగు, తమిళ్, కన్నడ సినిమాల్లో కూడా నటించింది. తెలుగులో అనుపమాకు మంచి క్రేజ్ ఉంది. కేవలం అందంతోనే కాకుండా తన నటనతో తెలుగు ప్రేక్షకుల అభిమానాన్ని సంపాదించింది. గతేడాది హీరో నిఖిల్ తో చేసిన ‘కార్తికేయ 2’ సినిమాతో అనుపమా భారీ సక్సెస్ ను అందుకుంది. తర్వాత వెంటనే నిఖిల్ తో ‘18 పేజెస్’ సినిమాతో డీసెంట్ హిట్ ను అందుకుంది. తర్వాత తెలుగుతో పాటు మలయాళ, తమిళ సినిమాల్లో కూడా నటిస్తోంది. ప్రస్తుతం సిద్దు జొన్నలగడ్డ హీరోగా తెరకెక్కుతోన్న ‘టిల్లు స్క్వేర్’ సినిమాలో హీరోయిన్ గా ఎంపికైంది. ఈ మూవీ షూటింగ్ ఇప్పటికే శరవేగంగా జరుగుతుంది. ఈ మూవీపై కూడా ప్రేక్షకుల్లో భారీ అంచనాలే ఉన్నాయి. 

అలాగే మాస్ మహరాజ్ మహరాజ్ రవితేజ్ కార్తీక్ ఘట్టమనేని దర్శకత్వంలో తెరకెక్కనున్న ‘డేగ’ అనే సినిమాలో హీరోయిన్ గా అనుపమ పరమేశ్వరన్ ఎంపికైనట్టు వార్తలు వస్తున్నాయి. ప్రస్తుం రవితేజ పలు ప్రాజెక్టుల్లో బిజీగా ఉన్నాడు. త్వరలోనే ఈ మూవీ కూడా సెట్స్ పైకి వెళ్లనుంది. అలాగే అనుపమా ‘సినిమా బండి’ ఫేమ్ దర్శకుడు ప్రవీణ్ కండ్రేగులతో ఓ సినిమా చేయనున్నట్లు వార్తలు వస్తున్నాయి. 'హైదయం', 'జయ జయ 'జయ జయహే' వంటి మలయాళ చిత్రాలతో ఆకట్టుకున్న దర్శన రాజేంద్రన్ ఈ సినిమాతో తెలుగు తెరకు పరిచయం అవతున్నారు. అలాగే నటి సంగీత మరో కీలక పాత్రలో కనిపించనున్నారు. ట్రావెల్ బ్యాక్రాప్లో నడిచే విమెన్ ఓరియెంటెడ్ సినిమాగా ఈ మూవీ తెరకెక్కనున్నట్టు తెలుస్తోంది. త్వరలోనే రెగ్యులర్ చిత్రీకరణ మొదలవుతుందని తెలిపారు మేకర్స్. ఈ మూవీను విజయ్ డొంకాడ నిర్మించనున్నారు.