![ABP Premium](https://cdn.abplive.com/imagebank/Premium-ad-Icon.png)
Ante Sundaraniki Promo Song:పెళ్లిలో తాళి, ఉంగరం మాయం, ‘అంటే సుందరానికి’ పెళ్లి కాదా? ఇదిగో ప్రోమో సాంగ్!
నాని, నజ్రియా జంటగా నటించిన 'అంటే సుందరానికీ' ప్రోమో సాంగ్ నేడు విడుదల అయ్యింది. ఇది ఎలా ఉంది? ఏంటి?
![Ante Sundaraniki Promo Song:పెళ్లిలో తాళి, ఉంగరం మాయం, ‘అంటే సుందరానికి’ పెళ్లి కాదా? ఇదిగో ప్రోమో సాంగ్! Ante Sundaraniki Promo Song Out Now Nani Nazriya Starrer Ante Sundaraniki Ante Sundaraniki Promo Song:పెళ్లిలో తాళి, ఉంగరం మాయం, ‘అంటే సుందరానికి’ పెళ్లి కాదా? ఇదిగో ప్రోమో సాంగ్!](https://feeds.abplive.com/onecms/images/uploaded-images/2022/06/06/58ea8b2b678c2d8a3e2515fb261491c2_original.jpg?impolicy=abp_cdn&imwidth=1200&height=675)
'అంటే సుందరానికీ' (Ante Sundaraniki Movie) చిత్రం మరికొన్ని గంటల్లో ప్రేక్షకుల ముందుకు రానుంది. జూన్ 10... అనగా శుక్రవారం సినిమా విడుదల కానున్న సంగతి తెలిసిందే. ఇప్పుడు సినిమా ప్రోమో సాంగ్ విడుదల చేశారు. సంగీత దర్శకుడు వివేక్ సాగర్ (Vivek Sagar) అందించిన బాణీకి 'సరస్వతి పుత్ర' రామజోగయ్య శాస్త్రి సాహిత్యం రాయగా... శంకర్ మహదేవన్, శ్వేతా మోహన్ ఆలపించారు.
'అంటే సుందరానికీ' ప్రోమో సాంగ్ మాంచి కలర్ఫుల్గా పిక్చరైజ్ చేశారు. ఒక్కసారి లిరిక్స్, సాంగ్ మధ్యలో డైలాగ్స్ గమనిస్తే... సినిమా స్టోరీ, స్క్రీన్ ప్లే గురించి హింట్ ఇచ్చారా? అనే డౌట్ కలుగుతోంది.
'అంటే సుందరానికీ' సినిమాలో హీరోది బ్రాహ్మణ కుటుంబం. హీరోయిన్ ఏమో క్రిస్టియన్. ఆ రెండు సంప్రదాయాలను ప్రోమో పాటలో చూపించారు. హీరో 'చెంగుచాటు చేగువేరా', హీరోయిన్ 'విప్లవాల సితార' అంటూ వాళ్ళ క్యారెక్టరైజేషన్లను పరిచయం చేశారు. 'అటువారు ఆవకాయ ఫ్యాన్సు', 'ఇటు వీరు కేక్ అండ్ వైన్ ఫ్రెండ్సు' అంటూవాళ్ళిద్దరి ఫ్యామిలీల గురించి కూడా చెప్పారు.
సుందరం, లీలా పెళ్లికి మధ్య ఆటంకాలు వచ్చాయేమో?... తాళిబొట్టు, పెళ్లి ఉంగరాలు మిస్ అయినట్టు పాటలో చూపించారు. 'సుందరానికి పెళ్లి అయినా కాకపోయినా ఏమైనా సెలబ్రేషనే. ఏంటి నమ్మడం లేదా? కావాలంటే థియేటర్లకు వచ్చి చూడు' అంటూ నానితో డైలాగ్ చెప్పించారు. మొత్తం మీద పాట ప్రేక్షకులను ఆకట్టుకోవడం గ్యారెంటీ. నాని (Nani), నజ్రియా నజీమ్ (Nazriya Nazim Fahadh) జోడీ చూడముచ్చటగా ఉంది.
Also Read: అంటే థియేటర్లలో నానికి ఎదురు లేదా? ఈ వారం థియేటర్లు, ఓటీటీల్లో వస్తున్న సినిమాలు, వెబ్ సిరీస్లు
వివేక్ ఆత్రేయ దర్శకత్వంలో 'అంటే సుందరానికీ' సినిమాను మైత్రీ మూవీ మేకర్స్ పతాకంపై నవీన్ ఎర్నేని, రవిశంకర్ .వై నిర్మించారు. ఇందులో నదియా, నరేష్, తులసి తదితరులు కీలక పాత్రల్లో నటించారు.
View this post on Instagram
టాప్ హెడ్ లైన్స్
ట్రెండింగ్ వార్తలు
![ABP Premium](https://cdn.abplive.com/imagebank/metaverse-mid.png)