Allari Naresh Nara Rohith : నారా రోహిత్ విత్ అల్లరి నరేష్ - కామెడీ ఎంటర్టైనర్‌తో మల్టీ స్టారర్స్

Allari Naresh : యంగ్ హీరోస్ అల్లరి నరేష్, నారా రోహిత్ ఒకే మూవీలో నటించబోతున్నారు. కామెడీ ఎంటర్టైనర్ జానర్‌లో ఈ మూవీ తెరకెక్కనుండగా త్వరలోనే అధికారిక ప్రకటన రానుంది.

అల్లరి నరేష్‌తో నారా రోహిత్

Source : https://www.instagram.com/p/DMh1W0EzP0-/?hl=en

Allari Naresh Team Up With Nara Rohith : టాలీవుడ్ యంగ్ హీరోస్ అల్లరి నరేష్, నారా రోహిత్ ఓ మూవీ కోసం జత కట్టనున్నట్లు తెలుస్తోంది. కామెడీ ఎంటర్టైనర్‌గా ఈ మూవీ తెరకెక్కనున్నట్లు సమాచారం. ఇద్దరు మల్టీ స్టారర్స్ కామెడీ మూవీలో నటిస్తుండడంతో హైప్ క్రియేట్ అవుతోంది.

'సుందరకాండ' డైరెక్టర్‌తో...

ఈ మూవీకి నారా రోహిత్ లాస్ట్ మూవీ 'సుందరకాండ'తో డైరెక్టర్‌గా పరిచయం అయిన వెంకటేష్ నిమ్మలపూడి దర్శకత్వం వహిస్తుండగా... హరీష్ పెద్ది నిర్మించనున్నారు. ఈయన ప్రముఖ నిర్మాత సాహు గారపాటితో కలిసి పలు సినిమాలు నిర్మించారు. అతి త్వరలోనే దీనిపై అఫీషియల్ అనౌన్స్‌మెంట్ రానుంది. 

'సుందరకాండ'తో మంచి హిట్ అందుకున్నారు నారా రోహిత్. ఆ తర్వాత ఎలాంటి సినిమాలకు సైన్ చేయలేదు. ఇక అల్లరి నరేష్ విషయానికొస్తే... ఇటీవల కాలంలో ఆయన ఖాతాలో సరైన హిట్ పడలేదు. లాస్ట్‌గా నటించిన '12A రైల్వే కాలనీ' కూడా అనుకున్నంత స్థాయిలో సక్సెస్ కాలేకపోయింది. ప్రస్తుతం నరేష్ చేతిలో చాలా సినిమాలు ఉన్నా ఇంకా షూటింగ్ దశలోనే ఉన్నాయి. లేటెస్ట్ మూవీ 'ఆల్కహాల్' షూటింగ్ పూర్తి కాగా ఈ సమ్మర్‌కు ప్రేక్షకుల ముందుకు రానుంది. త్వరలోనే రోహిత్, నరేష్ మూవీ ట్రాక్ ఎక్కే అవకాశాలు కనిపిస్తున్నాయి.

మరిన్ని చదవండి

బాలకృష్ణ సినిమా కథ మారిందండోయ్... ప్లాన్ మార్చిన గోపీచంద్ మలినేని