HIT 2: అమెజాన్ ప్రైమ్ నుంచి ‘HIT 2’ తొలగింపు, అసలు కారణం ఏంటంటే?

‘HIT 2’ సినిమా బుధవారం(జనవరి 4) నాడు అమెజాన్ ప్రైమ్ లో విడుదల అయ్యింది. రెంట్ ప్రాతినదిక వినియోగదారులకు అందుబాటులో ఉంచింది. ఏం జరిగిందో తెలియదు కానీ, ఆ తర్వాత ఈ మూవీని తొలగించింది.

Photo@AdiviSesh/twitter

అడవి శేష్ హీరోగా నటించిన ‘HIT 2’ మూవీ గత డిసెంబర్ 2న థియేటర్లలో విడుదల అయ్యింది. ‘హిట్: ది ఫస్ట్ కేస్’కు సీక్వెల్ గా తెరకెక్కిన ఈ క్రైమ్ థ్రిల్లర్ ఆడియెన్స్ ను బాగా ఆకట్టుకుంది. శైలేష్ కొల‌ను దర్శకత్వం వహించిన ఈ సినిమాలో అడవి శేష్ పోలీసు అధికారిగా నటించి మెప్పించారు. ఈ మూవీ పాన్ ఇండియా రేంజ్‌లో హిట్ అందుకోవడంతో పాటు ఓవర్సీస్ లోనూ మంచి వసూళ్లు వచ్చాయి. ‘మేజర్’ సినిమా తర్వాత అడవి శేష్ ‘HIT 2’తో మరో విజయాన్ని ఖాతాలో వేసుకున్నారు. ఈ సూపర్ హిట్ సినిమా ఓటీటీ హక్కులను అమెజాన్ ప్రైమ్ భారీ ధరకు కొనుగోలు చేసింది. ఈ సినిమా రైట్స్ కోసం డిస్నీ ప్లస్‌ హాట్‌ స్టార్‌ కూడా పోటీ పడింది. అధిక మొత్తం చెల్లించి అమెజాన్‌ ప్రైమ్‌ సొంతం చేసుకుంది.

విడుదలైన కాసేపటికే తొలగింపు

‘HIT 2’ మూవీని బుధవారం (జనవరి 4) నాడు అమెజాన్ ప్రైమ్ ఓటీటీలో విడుదల చేసింది. రెంట్ ప్రాతిపదికన వినియోగదారులకు అందుబాటులోకి తెచ్చింది. కానీ, ఆ తర్వాత ఓటీటీ ఫ్లాట్ ఫామ్ నుంచి దీన్ని తొలగించింది. ప్రస్తుతం ఈ సినిమా అమెజాన్ ప్రైమ్ లో కనిపించడం లేదు. నిజానికి ఈ సినిమాను అమెజాన్ ప్రైమ్ జనవరి 6, 2023 నుంచి అందుబాటులో ఉంచనున్నట్లు వెల్లడించింది. కానీ, ముందుగానే స్ట్రీమింగ్ కు ఉంచింది. ఆ తర్వాత ఎలాంటి అప్ డేట్ లేకుండా ఓటీటీ ఫ్లాట్ ఫామ్ నుంచి తొలగించింది.  దీంతో యూజర్లు ఆశ్చర్యపోయారు. ఎందుకు ముందుగా విడుదల చేశారు? ఎందుకు మళ్లీ తొలగించారు? అనే విషయం తెలియక జుట్టు పీక్కుంటున్నారు. అటు ప్రైమ్ వీడియో కూడా తొలగింపుకు సంబంధించి ఎలాంటి వివరణ ఇవ్వలేదు. ముందుగా ప్రకటించినట్లుగానే జనవరి 6 నుంచి ఈ సినిమాను స్ట్రీమింగ్ కు పెట్టేందుకు ఈ నిర్ణయం తీసుకుంటున్నట్లు తెలుస్తోంది.

 

 

 

 

 

View this post on Instagram

 

 

 

 

 

 

 

 

 

 

 

A post shared by prime video IN (@primevideoin)

విశ్వక్ సేన్ స్థానంలో అడవి శేష్

మాస్ హీరో విశ్వక్ సేన్ నటించిన ‘HIT’ సినిమాకు సీక్వెల్ గా ‘HIT 2’ వచ్చింది. ‘HIT’ సినిమాలో విశ్వక్ సేన్ హీరోగా నటించగా, ‘HIT 2’ వచ్చే సరికి విశ్వక్ సేన్ స్థానంలో అడవి శేష్ హీరోగా వచ్చారు. క్రైమ్ థ్రిల్లర్ గా వచ్చిన ఈ సినిమాకు సంబంధించి పెద్దగా డిస్కర్షన్ జరగకపోయినా, సినిమా మాత్రం బాగానే హిట్ అయ్యింది. వసూళ్లు కూడా బాగానే సాధించింది. ఈ సినిమాలో అడవి శేష్ కు జంటగా మీనాక్షి చౌదరి నటించింది. అడివి శేష్ ఇటీవలే ‘మేజర్’ సినిమాతో సూపర్ డూపర్ హిట్ అందుకున్నారు. తన సినిమాలకు తనే కథలు రాసుకుంటూ సక్సెస్ అందుకుంటున్నారు.