Aarti Ravi: సింహాన్ని కెలకొద్దు... నిజాలు బయట పెడతా - 'జయం' రవికి భార్య ఆర్తి కౌంటర్

Aarti Ravi Vs Jayam Ravi: విడాకులు వచ్చే వరకు సినిమాలు చేయనని హీరో రవి మోహన్ స్పష్టం చేయడంతో పాటు భార్య ఆర్తిపై సంచలన ఆరోపణలు చేశారు. వాటిపై ఆర్తి రవి స్పందించారు. ఆమె ఏమన్నారంటే?

నా మౌనాన్ని బలహీనతగా భావించొద్దు... ఆర్తి రవి వార్నింగ్

Source : https://www.instagram.com/p/CzESj1jS_AB/?img_index=1

Show Quick Read

Key points generated by AI, verified by newsroom

• తన పిల్లలను కలవనివ్వడం లేదని, ప్రాణాలు తీయాలని చూస్తున్నారని ఆరోపించారు.
• భార్య ఆర్తి, తన మౌనాన్ని బలహీనతగా భావించవద్దని హెచ్చరించారు.
• రవి మోహన్ తో ఉన్న సింగర్ కెనీషా కూడా విడిపోయినట్లు తెలిపారు.

Jayam Ravi and Aarthi divorce latest news: భార్య ఆర్తి రవి నుంచి విడాకులు కోరుతూ కోర్టుకు వెళ్లారు తమిళ హీరో రవి మోహన్ (Ravi Mohan). ఆ తర్వాత గాయని - థెరపిస్ట్ కెనీషా (Singer Keneeshaa)కు దగ్గరయ్యారు. ఇప్పుడు ఆయన జీవితం నుంచి ఆవిడ కూడా వెళ్లిపోయారు. ఈ తరుణంలో జయం రవి అలియాస్ రవి మోహన్ శనివారం చెన్నై సిటీలో విలేకరుల సమావేశంనిర్వహించారు. తన ప్రాణాలు పోవాలని ఆర్తి, ఆమె కుటుంబ సభ్యులు కోరుకుంటున్నారని... విడాకులు వచ్చే వరకు సినిమాలు చేయను అని... పిల్లలకు తనను దూరం చేస్తున్నారని పేర్కొన్నారు. రవి మోహన్ వ్యాఖ్యలపై ఆర్తి స్పందించారు.

నా మౌనాన్ని బలహీనతగా భావించవద్దు!
రవి మోహన్ ప్రెస్ మీట్ తర్వాత ఆర్తి రవి తన ఇన్‌స్టాగ్రామ్ పోస్టులో చాలా ఘాటుగా స్పందించారు. "నిద్రపోతున్న సింహాన్ని ఎప్పుడూ లేపవద్దు. ఒకవేళ... అది గనుక తల్లి సింహం (సివంగి) అయితే దేవుడే కాపాడాలి" అని ఆర్తి రాశారు. అంతే కాదు... తన మౌనాన్ని ఎవరూ బలహీనతగా భావించవద్దని లేదా ప్రయోజనం పొందాలని అనుకోవద్దని ఆర్తి హెచ్చరించారు.

అవసరమైతే తన పిల్లలను, తన గౌరవాన్ని కాపాడుకోవడానికి కంఫర్ట్ జోన్ నుంచి బయటకు వచ్చి ప్రపంచానికి నిజాలను వెల్లడిస్తానని ఆర్తి స్పష్టం చేశారు. నిజం ఎప్పుడూ విజయం సాధిస్తుందని ఆమె తెలిపారు. దాంతో ఆ నిజం ఏమై ఉంటుంది? అని చర్చ మొదలైంది.

 

 

 

 

 

View this post on Instagram

 

 

 

 

 

 

 

 

 

 

 

A post shared by Aarti (@aarti.ravi)

పిల్లల దగ్గరకు వెళ్లనివ్వడం లేదన్న రవి మోహన్!
ఇన్‌స్టాలో ఆర్తి పోస్ట్ చేయడానికి ముందు జరిగిన ప్రెస్ మీట్‌లో రవి మోహన్ తన పిల్లల గురించి మాట్లాడారు. వాళ్ళ చదువుల కోసం ఎంతో ఖర్చు చేస్తున్నా కనీసం తనను కలవనివ్వడం లేదన్నారు. ఆర్తి పోస్టులోనూ పిల్లల గురించి ప్రస్తావన ఉంది. బహుశా ఆ అంశంతో పాటు విడాకుల వివాదం గురించి ఆవిడ ఏమైనా నిజాలు వెల్లడిస్తారమేమో!?

రవి మోహన్ కోసం చెన్నై వచ్చిన సింగర్ కెనీషా... సోషల్ మీడియాలో మే 15వ తేదీన (శుక్రవారం) బాంబు పేల్చారు. రవి మోహన్ పేరు ప్రస్తావించకుండా... అతని జీవితంలోకి ప్రేమతో వచ్చానని, ఇప్పుడు మౌనంగా చెన్నై నగరంతో పాటు అతని జీవితం నుంచి వెళ్తున్నానని పేర్కొన్నారు. రవి మోహన్ ప్రెస్ మీట్ తర్వాత కెనీషా & రవి మోహన్ మధ్య బ్రేకప్ జరిగినట్టు అర్థం అవుతోంది. రవి మోహన్ కష్టాల్లో ఉన్నప్పుడు అతనికి మానసిక మద్దతు ఇవ్వడానికి మాత్రమే తాను ప్రయత్నించానని, కానీ ఈ ప్రపంచం తనలోని నిఖార్సైన ప్రేమను, విశ్వసనీయతను చూడనివ్వలేదని ఆమె ఆవేదన వ్యక్తం చేశారు. "అతడు ఇప్పుడు పూర్తిగా మీవాడే" అని కెనీషా పేర్కొన్నారు. దాంతో రవి మోహన్, ఆర్తి, కెనీషా జీవితాల్లో ఏం జరుగుతుందోనని చెన్నై సినిమా వర్గాల్లో ఆసక్తి నెలకొంది.

Photo Gallery: Anasuya Bikini Photos - బికినిలో అనసూయ... ప్రేక్షకులకు బర్త్ డే ట్రీట్