Brahmamudi May 4th: గదిలో కావ్య అరుపులు, కేకలు- ఇంద్రాదేవి ముందు అడ్డంగా బుక్కైన రాజ్, ఫుల్ కామెడీ

రాజ్, కావ్య పెళ్లి జరగడంతో సీరియల్ ఇంట్రెస్టింగ్ గా సాగుతోంది. ఈరోజు ఎపిసోడ్లో ఏం జరిగిందంటే..

Image Credit: Disney Plus Hotstar/ Star Maa

ఎట్టకేలకు రాజ్ గదిలోకి కావ్య భార్యగా అడుగుపెడుతుంది. ఇద్దరూ కాసేపు గదిలో వాదించుకుంటారు. బ్రహ్మముడి తీయకూడదని చెప్పేసరికి దాన్ని అలాగే ఉంచుకుని నిద్రపోతారు. కావ్య కింద పడుకుంటే బెడ్ మీద రాజ్ పడుకుంటాడు. నిద్రలో కావ్య వేరే వైపు తిరిగే సరికి రాజ్ మంచం మీద నుంచి దొర్లుకుంటూ పెళ్ళాం మీద పడిపోతాడు. దీంతో కావ్య గట్టిగా కేకలు వేసి దగ్గరకు రావద్దని అరుస్తుంది. మీరు పెద్ద విలన్ అనుకోలేదు దగ్గరకి రావద్దని అంటుంది. అప్పుడే ఇంద్రాదేవి ఏమైందని గది డోర్ తీస్తుంది. కావ్య అమ్మమ్మ అని ఒక్క ఉదుటున వెళ్ళి తనని కౌగలించుకుని వణికిపోతుంది. ఇంద్రాదేవి రాజ్ అని కొంటెగా చూస్తుంది. ఏమి లేదు నువ్వు అయినా చెప్పమని కావ్యని అడుగుతాడు. ఏం చెప్పాలి ఏడుపు వస్తుందని అనడం భలే ఫన్నీగా ఉంటుంది.

బుధవారం నాటి ఎపిసోడ్లో ఏం జరిగిందంటే..

భార్యాభర్తలను కలిపేందుకు రుద్రాణి చెప్పిన విధంగా ఇంద్రాదేవి పూజారిని పిలిపించి పూజ చేయిస్తుంది. అబద్ధం చెప్పి ఇద్దరికీ బ్రహ్మముడి వేసి కలిసి ఉండేలా చేశానని దీని వల్ల అపరాధం ఏమి జరగదు కదా అని భర్త సీతారామయ్యతో అంటుంది. మంచి పని కోసం చేసిన దాన్ని దేవుడి దీవిస్తాడని సర్ది చెప్తాడు. ఇక స్వప్న ఒక్కతే ఇంటికి రావడంతో అప్పు ఎక్కడని కనకం గుమ్మంలోనే నిలదీస్తుంది. తనకి ఏదో ఆర్డర్ వచ్చిందని డెలివరీ ఇవ్వడం కోసం వెళ్ళిందని చెప్తుంది. కనకం ఒక అబ్బాయి ఫోటో ఇచ్చి రేపు పెళ్లి చూపులకు వస్తున్నారని పెళ్ళికి సిద్ధమవమని చెప్తుంది. మీ నాన్న ఈ సంబంధం చూశారు చేసుకోవాల్సిందేనని తేల్చి చెప్తుంది.

రాహుల్ త్వరలోనే నన్ను పెళ్లి చేసుకుంటాడు అప్పుడు మహారాణిలా దర్జాగా ఆ ఇంట్లో అడుగు పెడతాను ఈ చిన్న కొంపలో ఉండే గతి తనకి ఉండదని మనసులో అనుకుంటుంది. ఇక రాజ్ నిద్ర వస్తుంటే ఆపుకుని కూర్చుంటాడు. అది చూసి ఇంద్రాదేవి గదికి వెళ్ళమని చెప్తుంది. నేను వెళ్తే కళావతి కూడా వస్తుందిగా అంటాడు. తను నీ భార్య స్టోర్ రూమ్ లో ఉండాల్సిన అవసరం లేదని తీసుకెళ్లామని గదమాయిస్తుంది. తనని భార్యగా ఇంకా అంగీకరించలేదు ఎలా వెళ్తుందని అపర్ణ అంటుంటే శుభాష్ అడ్డుపడతాడు. భార్యాభర్తలను విడదీస్తే నిన్ను నేను భార్యగా యాక్సెప్ట్ చేయనని అనేసరికి అపర్ణ మౌనంగా ఉంటుంది. దీంతో చేసేది లేక రాజ్ గదికి వెళ్ళడానికి లేస్తుంటే కావ్య రానని అంటుంది. భార్యగా మనస్పూర్తిగా పిలిస్తేనే వస్తానని చెప్తుంది. పూర్తిగానే పిలుస్తున్నా రా అనేసి కావ్యని తన గదికి తీసుకుని వెళతాడు. కాసేపు ఇద్దరూ గదిలో కీచులాడుకుంటారు. తర్వాత రాజ్ భయంకరంగా గురక పెడుతూ కావ్యకి నిద్ర పట్టకుండా చేస్తాడు.

 

 

 

 

 

 

View this post on Instagram

 

 

 

 

 

 

 

 

 

 

 

A post shared by STAR MAA (@starmaa)