Piyanka Chopra Injured: తలకు గాయం.. చిందే రక్తం.. అయినా ఆగని షూటింగ్‌.. ప్రియాంక ఫొటో వైరల్‌

నుదిటిపై రక్తం కారుతున్న ప్రియాంక చోప్రా ఫొటో సోషల్ మీడియాలో వైరల్ అవుతోంది. ఇంతకీ ఏం జరిగింది..ఫేక్ ఫొటోనా..నిజంగా ఏదైనా ప్రమాదం జరిగిందా అని కంగారు పడిన ఫ్యాన్స్ కి మళ్లీ క్లారిటీ ఇచ్చింది బ్యూటీ

గాయపడిన ప్రియాంకా చోప్రా

షూటింగ్స్ లో హీరో-హీరోయిన్లు గాయపడడం అప్పుడప్పుడూ జరుగుతుంటుంది. రిస్కీ స్టంట్స్ చేసేటప్పుడు చిన్న చిన్న ప్రమాదాలు జరుగుతుంటాయి. ఇప్పుడు బాలీవుడ్ బ్యూటీ ప్రియాంక చోప్రాకిఇదే పరిస్థితి ఎదురైంది. ఓ హాలీవుడ్ సిరీస్ కోసం సాహసాలు చేస్తుండగా ఈ ప్రమాదం జరిగింది. గాయపడిన ఫొటోను సోషల్ మీడియాలో షేర్ చేసింది. నుదురు చిట్లి రక్తం కారుతోంది. అలాగే బుగ్గపై గాటుపడింది. అదే సమయంలో మరో ఫొటోని దానికి యాడ్ చేసిన ప్రియాంక చోప్రా…ఏది నిజమైన గాయం..ఏది ఫేక్ గాయమో గుర్తించండని అడిగింది.

కొందరైతే చెంపపై ఉన్న గాయం నిజం..నుదిటిపై ఉన్నది కాదని చెప్పగానే ప్రియాంగా వెంటనే స్పందించింది. రాంగ్ ఆన్సర్ అంటూ ముఖం క్లోజప్ ఫొటో షేర్ చేసింది.  ఫోటోలో ప్రియాంక కనుబొమ్మపై కోసుకుపోయినట్టు కనిపిస్తోంది. అయితే అస్సలు గాయం గురించి పట్టించుకోని పిగ్గీచాప్స్ షూటింగ్ కొనసాగించింది. ఈ యాక్షన్ సిరీస్ కి గతంలో `ఎవెంజర్స్ ఎండ్ గేమ్`కు దర్శకవిభాగంలో సాయపడిన రస్సో బ్రదర్స్ దర్శకత్వం వహించారు.  ఈ యాక్షన్ వెబ్ సిరీస్ త్వరలోనే అమెజాన్ ప్రైమ్ లో విడుదల కానుంది.

 అందం, అభినయంతో ఎంతో మంది అభిమానుల్ని సంపాదించుకున్న ప్రియాంక  హాలీవుడ్‌లోనూ పలు చిత్రాల్లో నటించి తనకంటూ ఓ ప్రత్యేకగుర్తింపును సంపాదించుకుంది. అమెరికన్‌ సింగర్‌ నిక్‌ జోనస్‌ను పెళ్లిచేసుకున్నాక ఎక్కువగా అమెరికాలోనే ఉంటోంది. ‘సిటాడెల్’ తో పాటూ టామ్ క్రూయిస్ “మిషన్ ఇంపాజిబుల్ 7″లో కూడా నటిస్తోంది. కత్రినా కైఫ్, అలియా భట్ లతో కలిసి “జీ లే జారా” చిత్రంలో ప్రధాన పాత్ర పోషిస్తోంది. ఓ వైపు సినిమాలు చేస్తూనే మరోవైపు వ్యాపార రంగంలోనూ సత్తాచాటుకుంటోంది. న్యూయార్క్‌లో సోనా పేరుతో రెస్టారెంట్‌ను స్టార్ట్ చేసింది. ఈ విలాసవంతమైన రెస్టారెంట్‌లో అనేక రకాల భారతీయ వంటకాలు రుచి చూపిస్తున్నారు.