Bigg Boss 7 Promo : ఇన్ని వారాలు ఎలా ఉండగలిగావు అని ప్రశ్నించిన శ్రీకాంత్ - నరకంగా ఉంది, తలుపు తీస్తే వెళ్లిపోతానన్న శివాజీ!

Bigg Boss 7 : బిగ్ బాస్ సీజన్ 7 లేటెస్ట్ ప్రోమో రిలీజ్ అయ్యింది. ఈ ప్రోమోలో 'కోట బొమ్మాలి PS' మూవీ టీమ్ సందడి చేసింది.

Photo Credit : Star Maa/Youtube

Bigg Boss 7 Sunday Promo : బిగ్ బాస్ హౌస్ లో సండే అంటే ఫన్ డే అనే విషయం తెలిసిందే. సండే ఎపిసోడ్ లో సరదా ఆటలతోపాటు సెలబ్రిటీ గెస్ట్ లు బిగ్ బాస్ స్టేజ్ పై సందడి చేస్తుంటారు. ఈ క్రమంలోనే బిగ్ బాస్ సీజన్ 7 నవంబర్ 19 సండే ఎపిసోడ్ కు సంబంధించి తాజా ప్రోమో విడుదలైంది. ఈ ప్రోమోలో 'కోటబొమ్మాలి PS' మూవీ టీం బిగ్ బాస్ వేదికపై సందడి చేసింది. మూవీ టీమ్ నుంచి సీనియర్ హీరో శ్రీకాంత్, రాహుల్ విజయ్, శివాని రాజశేఖర్, వరలక్ష్మి శరత్ కుమార్ షోకి హాజరయ్యారు. ఇక ఒకసారి ప్రోమోని పరిశీలిస్తే.. రాహుల్ విజయ్, శివాని డాన్స్ తో ప్రోమో స్టార్ట్ అయింది.

సినిమా గురించి శ్రీకాంత్ ని నాగార్జున అడగగా.." కోటబొమ్మాలి PS క్రైమ్ థ్రిల్లర్ ఫిలిం. ఇక్కడ మేము ముగ్గురం పోలీసులు. ఈ సినిమాలో  పోలీసులు పోలీసులనే ఛేజ్ చేస్తారు. అది ఎందుకు? ఏంటి అనేది సినిమా చూసి తెలుసుకోవాలి" అని శ్రీకాంత్ అన్నారు. 'మీరు బిగ్ బాస్ చూస్తారా?' అని అడిగితే అందుకు శ్రీకాంత్.." నేను ఫస్ట్ సీజన్ నుంచి ఏడవ సీజన్ వరకు ఒక్క ఎపిసోడ్ కూడా మిస్ అవ్వలేదు" అని చెప్పారు. 'మీకు హుషారు రావాలని నాతో పాటు ఫ్రెండ్స్ ని తీసుకొచ్చాను. వాళ్లని చూపించనా? శివాజీకి అయితే క్లోజ్ ఫ్రెండ్' అని నాగార్జున హౌస్ మేట్స్ తో చెబుతూ సెలబ్రిటీ గెస్ట్ లను పరిచయం చేశారు.

దాంతో శ్రీకాంత్ హౌస్ మేట్స్ అందరికి హాయ్ చెబుతూ.. శివాజీ కొంచెం పక్కకు రా అబ్బా అని చెబితే శివాజీ పక్కకు వస్తారు. దాంతో ఎలా ఉండగలిగావు ఇన్ని వారాలు? అని శ్రీకాంత్ శివాజీని అడగగా, మండే రోజు లెగుస్తాం. మండే తర్వాత అని చెబుతుండగా మధ్యలో నాగర్జున శివాజీ శ్రీకాంత్ కి తేలియంది ఏం లేదు అని అన్నారు. ఏడు సీజన్ లలో ఒక్క సీజన్ కూడా మిస్ అవ్వలేదు. శివాజీ నువ్వు చాలా బాగా ఆడుతున్నావు. చాణక్యుడు, ఇప్పుడు చంద్రగుప్తుడు కూడా అయ్యాడు మళ్ళీ" అంటూ శ్రీకాంత్ శివాజీ గురించి చెప్పాడు.

ఆ తర్వాత.." బాబు నువ్వు లక్కు లేదు, నాకు లక్కు లేదు అనే ఫీలింగ్ మాత్రం మైండ్ లో పెట్టేసుకున్నావ్. ఫస్ట్ కష్టపడు ఆటోమేటిగ్గా నీ పక్కకు వచ్చి చేరుతుంది" అని అమర్ గురించి, "శోభా శెట్టి ఒక ఫైర్ క్రాకర్ సూపర్బ్" అంటూ శోభాని మెచ్చుకున్నాడు. 'సార్ వీళ్లు ఎవరూ? దేనికి వచ్చారు అది తెలియలేదు అంటూ శివాజీ చెప్పడంతో.." నిన్ను చూడ్డానికి ఇక్కడికి వచ్చాం. చాలా రోజులైంది" అంటూ శ్రీకాంత్ శివాజీ తో సరదాగా అంటుండగా వాళ్లు వచ్చింది కోటబొమ్మాలి పిఎస్ ప్రమోషన్ కోసం అని నాగర్జున చెప్పారు.

"శ్రీకాంత్ అన్నని జిమ్ లో చూసి మీరే చిన్న శివాజీ అన్న పెద్ద అనుకున్నాను" అని అర్జున్ శివాజీ తో చెబితే.." ఇప్పుడు బయట అందరూ కూడా అదే అనుకుంటున్నారు శివాజీని నాకంటే పెద్ద అని. మీరు కూడా ఆయన్ని పెద్దయ్యని చేసేసారు కదా" అంటూ శ్రీకాంత్ బదులిచ్చారు. దాంతో శివాజీ.." తలుపు తీస్తే వెళ్ళిపోతా సర్, ఇది నరకంగా ఉంది" అని చెప్పడంతో అందరూ నవ్వేశారు. అక్కడితో ప్రోమో ఎండ్ అయ్యింది.