Bigg Boss 10: బిగ్బాస్ 10 కోసం మంచిర్యాల యువకుడి పాదయాత్ర! అవకాశం ఇవ్వాలని నాగార్జునకు రిక్వస్ట్!
Bigg Boss 10: బిగ్బాస్లోకి వెళ్లి టాలెంట్ నిరూపించుకున్న సామాన్యులు చాలా మంది ఉన్నారు. అదే జాబితాలో తనకూ అవకాశం ఇవ్వాలని డిమాండ్ చేస్తూ మంచిర్యాల జిల్లా వాసి ఒకరు పాదయాత్ర చేస్తున్నాడు.
Bigg Boss 10: మంచిర్యాల జిల్లా జన్నారం మండలం కవ్వాల్ గ్రామానికి చెందిన తుడుం నాగార్జున అనే యువకుడు బిగ్బాస్ కోసం పాదయాత్ర చేపట్టారు. తనకు అవకాశం ఇస్తే టాలెంట్ నిరూపించుకుంటానంటూ పట్టుబడుతున్నారు. బిగ్ బాస్ షోలో అవకాశం కల్పించాలని కోరుతూ కవ్వాల్ గ్రామం నుంచి హైదరాబాదులోని బిగ్ బాస్ హౌస్ వరకు పాదయాత్ర చేపట్టాడు.
ఈ నెల 17న నాగార్జున తన పాదయాత్ర ప్రారంభించాడు. ప్రస్తుతం మంచిర్యాల జిల్లా దాటి కరీంనగర్ జిల్లాలోకి ప్రవేశించాడు. దారిలో పాదయాత్రగా వెళ్తున్న నాగార్జునను ప్రతి ఒక్కరూ ఆల్ ది బెస్ట్ అంటూ ఎంకరేజ్ చేస్తున్నారు. కచ్చితంగా బిగ్బాస్ టీం నాగార్జున పాదయాత్ర గురించి తెలుసుకుంటుందని అవకాశం కల్పిస్తుందని అంటున్నారు.
బిగ్ బాస్ కోసం పాదయాత్ర చేస్తున్న తుడుం నాగార్జున మాట్లాడుతూ "ఉమ్మడి ఆదిలాబాద్ జిల్లా నుంచి ఇప్పటివరకు ఒక్కరు కూడా బిగ్ బాస్ షోలో పాల్గోలేదు. ఎంతోమంది కళాకారులున్న జిల్లా నుంచి ప్రాతినిధ్యం అందడం లేదు' అని ఆవేదన వ్యక్తం చేశాడు. బిగ్ బాస్ యాంకర్ అక్కినేని నాగార్జున తన కల నెరవేరుస్తారని ధీమా వ్యక్తం చేశాడు. పాదయాత్రగా వెళ్లి నాగార్జునను కలిసి బిగ్ బాస్ షోలో తనకు అవకాశం కల్పించాలని కోరనునట్లు తెలిపారు.
పాదయాత్రగా వెళ్తున్న తుడుం నాగార్జునకు పలువురు మద్దతు తెలిపి అవకాశం కల్పించాలని కోరారు. బిగ్ బాస్ షోలో వివిధ రంగాల్లో నైపుణ్యం ఉన్న వ్యక్తులకు అవకాశాలు కల్పించారని తుడుం నాగార్జునకు అవకాశం ఇవ్వాలని రిక్వస్ట్ చేస్తున్నారు. ఆటో నడుపుతూ జీవనం సాగిస్తున్న నాగార్జున కచ్చితంగా వారి జీవితాలను షోలో చూపిస్తాడని ఆయన స్నేహితులు అంటున్నారు. మరికొద్ది రోజుల్లోనే హైదరాబాద్కు చేరుకోనున్న నాగార్జునను నాగార్జున కలుస్తారా?
టాప్ హెడ్ లైన్స్
ట్రెండింగ్ వార్తలు
