Bigg Boss 8 Telugu Day 23 Promo: నేను కావాలంటే నిఖిల్నే చూస్తా... సోనియాకు స్ట్రాంగ్ కౌంటర్ ఇచ్చిన యష్మి గౌడ
బిగ్ బాస్ తెలుగు సీజన్ 8 డే 23కి సంబంధించిన తాజా ప్రోమోలో యష్మి గౌడ, సోనియా మధ్య జరిగిన గొడవ హైలెట్ గా నిలిచింది. నామినేషన్లలో జరిగిన గొడవను ఇద్దరూ కంటిన్యూ చేస్తూ వచ్చారు.
బిగ్ బాస్ తెలుగు సీజన్ 8 షో 23వ రోజుకు చేరుకోగా, తాజాగా రిలీజ్ అయిన ప్రోమోలో సోనియా పరువు తీసేసింది యష్మి గౌడ. "సెంటిమెంట్ తో ఎమోషనల్ బ్లాక్ మెయిల్ చేస్తూ వాళ్లను వాడుకుంటున్నావు" అంటూనే కన్నీళ్లు పెట్టుకొని షాక్ ఇచ్చింది. డేరింగ్ అండ్ డాషింగ్ గా కనిపించే ఈ కన్నడ బ్యూటీ అసలు ఎందుకు ఏడ్చింది? సోనియాకు, యష్మి గౌడకు మధ్య ఏం జరిగింది? అనే విషయాలను తెలుసుకుందాం పదండి.
చల్లారని నామినేషన్ హీట్
నాలుగో వారానికి సంబంధించిన నామినేషన్లలో యష్మి గౌడ "నువ్వు ఇండిపెండెంట్ గేమ్ ఆడట్లేదు" అంటూ సోనియాను నామినేట్ చేసిన విషయం తెలిసిందే. తాజాగా రిలీజ్ అయిన ప్రోమోలో ఆ హీట్ ఇంకా చల్లారినట్టుగా కనిపించలేదు. ఇద్దరి మధ్య మరింత గొడవ పెరిగిపోయింది. తాజాగా రిలీజ్ చేసిన ప్రోమోలో "నువ్వు మదర్, సిస్టర్ అంటే నేను ఎందుకు నమ్ముతాను. అది కరెక్ట్ కాదు... అలా తీయకూడదు. అంటే మీరిద్దరూ పేరు తీసి దానికి ఏదైనా అటాచ్మెంట్ ను యాడ్ చేయొచ్చా?" అంటూ పృథ్వి దగ్గర ఫైర్ అయ్యింది యష్మి గౌడ.
వెంటనే అక్కడికి వచ్చిన సోనియా "నేను అంత క్లియర్ గా చెప్పాను కదా" అని వివరించబోతే, వెంటనే యష్మి గౌడ మధ్యలోకి దూరి "నేను గేమ్ పరంగా చూశానమ్మా... హలో నువ్వు మాత్రం దానికి ఒక అటాచ్మెంట్ ని అటాచ్ చేసి నేను సిస్టర్ ని, మదర్ అని ఇష్టం వచ్చినట్టు వాళ్ళను వాడుకుంటున్నావు అని నాకనిపిస్తోంది. నువ్వు ఆ ముగ్గురికి ఇస్తున్న ఇంపార్టెన్స్ క్లాన్ లో ఎవ్వరికీ ఇవ్వలేదు నాన్సెన్స్" అంటూ మళ్ళీ చంద్రముఖిలా మారి వాదించుకుంటూ అక్కడి నుంచి వెళ్ళిపోయింది. ఆ తర్వాత మళ్లీ బెడ్రూంలో ఇద్దరూ వాదించుకున్నట్టుగా కనిపించింది ప్రోమోలో.
నిఖిల్ నే చూస్తా... సోనియాకు కౌంటర్
"వాళ్ళిద్దరికీ క్లారిటీ ఉంది కదా" అని సోనియా ఏదో చెప్పబోతే యష్మి గౌడ ఏ మాత్రం వినకుండా "ఏం క్లారిటీ ఉంది.. నెక్స్ట్ టైం నువ్వు నన్ను చూడు. నేను నిఖిల్ చూస్తున్నానా? పృథ్విని చూస్తున్నానా ? గేమ్ ఆడుతున్నానా?.. నెక్స్ట్ టైం నువ్వు చూడు" అంటూ మరోసారి ఫైర్ అయింది. దానికి సోనియా యాటిట్యూడ్ తో స్మైలిస్తూ కనిపించింది. "తను చేస్తే నామినేషన్స్.. అదే మేం చెప్తే నామినేషన్స్ కాదు" అంటూ మరోసారి గట్టిగా అరిచింది యష్మి గౌడ. ఇక సోనియా అక్కడి నుంచి వెళ్ళిపోగా ఆశ్చర్యకరంగా తానే అరిచి, తానే ఏడవడం మొదలు పెట్టింది యష్మి గౌడ.
"ప్రతిసారి నువ్వు నాతో మాట్లాడినప్పుడు ఎంత తప్పుగా అర్థం చేసుకుంది . ఇష్టం వచ్చినట్టు నోటికొచ్చినట్టు మాట్లాడుతోంది" అంటూ నిఖిల్ దగ్గర వాపోయింది. ఆ టైంలో అక్కడే ఉన్న సీత యస్మి గౌడను హగ్ చేసుకోగా, నిఖిల్ కూడా అక్కడికి వచ్చి ఆమెను ఓదార్చే ప్రయత్నం చేశాడు. అయితే ఇక్కడ గమనించాల్సిన విషయం ఏమిటంటే హౌస్లో ఉన్న ఒక్కరు కూడా వీళ్ళ గొడవలు ఆపే ప్రయత్నం చేయలేదు. యష్మి గౌడ, సోనియాకు మధ్య ఎవరి గురించైతే గొడవ జరుగుతుందో వాళ్లు కూడా కనీసం మధ్యలో కల్పించుకోలేదు. మరి ఈ గొడవలో ఎవరిది తప్పు, ఎవరిది ఒప్పు ? అనే విషయం తెలియాలంటే ఎపిసోడ్ వచ్చేదాకా ఆగాల్సిందే.
టాప్ హెడ్ లైన్స్
ట్రెండింగ్ వార్తలు
