Bigg Boss 5 Telugu: సన్నీ వర్సెస్ కాజల్.. ఎవరు గెలుస్తారో..?

ఈరోజు కెప్టెన్సీ కంటెండర్స్ టాస్క్ లో భాగంగా సన్నీ, కాజల్ పోటీపడ్డారు. 

సన్నీ వర్సెస్ కాజల్.. ఎవరు గెలుస్తారో..?

ఈ వారం బిగ్ బాస్ హౌస్ నుంచి ఎలిమినేట్ అవ్వడానికి మొత్తం ఆరుగురు కంటెస్టెంట్స్ నామినేట్ అయ్యారు. ఇక ఈ వారం కెప్టెన్సీ పోటీదారుల టాస్క్ ను భిన్నంగా ప్లాన్ చేశారు బిగ్ బాస్. ఈ టాస్క్ లో భాగంగా ఇల్లు మొత్తం లాక్ డౌన్ లో ఉంటుందన్న బిగ్ బాస్... చాలెంజ్ గెలిచిన సభ్యులకు కెప్టెన్సీ పోటీదారులయ్యే అవకాశంతో పాటూ ఇంట్లోకి ప్రవేశిస్తారని చెప్పారు. ఐదు ఛాలెంజ్ లను ఇవ్వడం జరుగుతుందని చెప్పారు బిగ్ బాస్. 

ఈ టాస్క్‌లో భాగంగా ఇప్పటివరకు మూడు ఛాలెంజ్‌లు పూర్తి కాగా వాటిలో షణ్ముఖ్‌, సిరి, శ్రీరామ్‌ గెలిచారు. ఈరోజు జరగబోయే ఛాలెంజ్ ఎలా ఉంటుందో ప్రోమో ద్వారా చెప్పేశారు బిగ్ బాస్. టాస్క్ లో భాగంగా బయట పడుకోవాల్సి రావడంతో ఇది అన్యాయం సార్ అంటూ సన్నీ బిగ్ బాస్ తో ఫన్నీగా మాట్లాడాడు. గేమ్ నాల్గో రౌండ్ లో తను కచ్చితంగా పాల్గొంటానని తేల్చి చెప్పింది కాజల్. దీంతో ఆమెతో ఆడదానికి సన్నీ రెడీ అయ్యాడు. 

ఇద్దరి మధ్య బొమ్మ కార్ టాస్క్ ఇచ్చారు బిగ్ బాస్. దీంతో ఇద్దరూ పోటీకి దిగారు. మధ్యలో సన్నీ.. కాజల్ తో జెన్యూన్ గా ఆడు అంటూ కామెంట్ చేశాడు. ఆ తరువాత షణ్ముఖ్-సిరి మళ్లీ గొడవపడ్డారు. దీంతో ఎప్పటిలాగే సిరికి సారీ చెప్పాడు షణ్ముఖ్. బెడ్ పై పడుకొని ఉన్న సిరి.. 'ఎవడికి కావాలి నీ సారీ.. అనాల్సిన మాటలన్నీ అనేసి' అంటూ అరవగానే.. డైనింగ్ టేబుల్ మీద తింటున్న శ్రీరామ్ ఉలిక్కిపడ్డాడు. 
హౌస్ మేట్స్ అందరికీ కెప్టెన్సీ కంటెండర్ గా అవ్వడానికి మరో ఛాన్స్ ఇచ్చారు బిగ్ బాస్. ఓ సర్కిల్‌ మధ్యలో బంతిని పెట్టి దాన్ని ముందుగా అందుకున్నవాళ్లు కెప్టెన్సీకి పోటీపడే అర్హత సాధిస్తారని ప్రకటించాడు. దీంతో గేమ్ మొదలవ్వగానే హౌస్ మేట్స్ అందరూ ఆ బాల్ పై వెళ్లి పడ్డారు. 

Captaincy poti lo #Sunny Vs #Kajal .. One last time offer for all#BiggBossTelugu5 today at 10 PM on #StarMaa #FiveMuchFun pic.twitter.com/JftBNWtCAc

— starmaa (@StarMaa) October 27, 2021

 

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి