Nikhil Vijayendra Simha: డిజిటల్ స్టార్ నిఖిల్ విజయేంద్ర సింహ.. యూట్యూబ్ నుంచి బిగ్ బాస్ రేస్ వరకు.. కెరీర్, రియల్ లైఫ్ ముచ్చట్లు!

Nikhil Vijayendra Simha: యాంకర్, డిజిటల్ కంటెంట్ క్రియేటర్ నిఖిల్ విజయేంద్ర సింహ.. బిగ్ బాస్ 10 తెలుగులో ఎంట్రీ ఇస్తారని ప్రచారం జరుగుతోంది. అతడి రియల్ లైఫ్ గురించి తెలుసుకుందాం.

డిజిటల్ స్టార్ నిఖిల్ విజయేంద్ర సింహ.. యూట్యూబ్ నుంచి బిగ్ బాస్ రేస్ వరకు.. కెరీర్, రియల్ లైఫ్ ముచ్చట్లు!

Source : instagram

Show Quick Read

Key points generated by AI, verified by newsroom

• నిఖిల్ విజయేంద్ర సింహ డిజిటల్ మీడియాలో ప్రముఖ యువ యాంకర్.
• 'కాస్కో' యూట్యూబ్ ఛానెల్, టాక్ షోలతో నిఖిల్ గుర్తింపు పొందాడు.
• బిగ్ బాస్ 10వ సీజన్‌లో ఎంట్రీపై ఊహాగానాలు, ప్రచారం విస్తృతంగా సాగుతోంది.

Nikhil Vijayendra Simha: డిజిటల్ మీడియాలో తనకంటూ ఒక ప్రత్యేకమైన గుర్తింపును తెచ్చుకున్న వర్సటైల్ ప్రెజెంటర్, యాంకర్, కంటెంట్ క్రియేటర్ నిఖిల్ విజయేంద్ర సింహ. యూట్యూబ్ ఇంటర్వ్యూలు, కామెడీ స్కిట్‌లతో యూత్‌లో మంచి క్రేజ్ సంపాదించుకున్నాడు నిఖిల్. ఆయన వ్యక్తిగత విశేషాలు, కెరీర్, బిగ్ బాస్ ఎంట్రీ గురించి తెలుసుకుందాం.  

రియల్ లైఫ్  

హైదరాబాద్‌కు చెందిన నిఖిల్ చదువు పూర్తిచేసుకుని డిజిటల్ మీడియా వైపు అడుగులు వేశాడు. ఇతని కుటుంబ నేపథ్యం కూడా సినీ పరిశ్రమతో ముడిపడి ఉండటం విశేషం. 'హాయ్ నాన్న' చిత్ర దర్శకుడు శౌర్యవ్‌కు నిఖిల్ సొంత తమ్ముడు. 

కెరీర్  

డిజిటల్ క్రియేటర్‌గా కెరీర్ ప్రారంభించి, తన కామెడీ టైమింగ్, యాంకరింగ్ శైలితో విజయేంద్ర సింహ ఆకట్టుకుంటున్నాడు. 

యూట్యూబ్ & ఇంటర్వ్యూలు 

'కాస్కో' (Kaasko) యూట్యూబ్ ఛానల్‌ ద్వారా పాపులర్ అయిన నిఖిల్, సినీ సెలబ్రెటీలతో వినూత్నంగా ఇంటర్వ్యూలు చేస్తూ గుర్తింపు పొందాడు. 'Nikhil Tho Naatakalu' పేరుతో తన సొంత యూట్యూబ్ ఛానల్‌లో టాక్ షోలతో యూత్‌ను అలరిస్తున్నాడు.  ఈటీవీ లాంటి ప్రధాన ఛానెల్స్‌లో ప్రసారమయ్యే వినోదాత్మక షోలలో తన వంతు యాంకరింగ్‌తో ప్రేక్షకులను నవ్విస్తున్నాడు. 

సోషల్ మీడియా క్రేజ్

ఇన్‌స్టాగ్రామ్‌, యూట్యూబ్‌లలో లక్షలాది మంది ఫాలోవర్లతో నిఖిల్ బాగా యాక్టివ్‌గా ఉంటాడు. టాలీవుడ్‌ ప్రముఖ హీరోలు, హీరోయిన్లతో ఆయనకున్న మంచి పరిచయాలు, ఫ్రెండ్లీ బాండింగ్ సోషల్ మీడియా రీల్స్ ద్వారా నెటిజన్లను ఎంతగానో ఆకట్టుకుంటాయి.

ఆసక్తికర విషయాలు  

టీవీ, సినీ రంగానికి చెందిన వితికా షేరు, దేత్తడి హారిక, నోయెల్ వంటి పలువురు పాపులర్ సెలబ్రెటీలు నిఖిల్‌కు క్లోజ్ ఫ్రెండ్స్.  గ్లోబల్ స్టార్ రామ్ చరణ్ సైతం ఒక సందర్భంలో నిఖిల్ కంటెంట్ గురించి, అతని పాపులారిటీ గురించి సరదాగా మాట్లాడిన వీడియో సోషల్ మీడియాలో వైరల్ అయ్యింది.

బిగ్ బాస్ 10 ఎంట్రీపై ఊహాగానాలు

గతంలో పలు సీజన్లలో (బిగ్ బాస్ 7, బిగ్ బాస్ 8) నిఖిల్ పేరు గట్టిగా వినిపించినప్పటికీ కంటెస్టెంట్‌గా ఎంట్రీ ఇవ్వలేదు. అయితే, ప్రస్తుతం రాబోయే బిగ్ బాస్ తెలుగు సీజన్ 10 ప్రొబబుల్ కంటెస్టెంట్స్ లిస్ట్‌లో ఇతని పేరు ప్రముఖంగా ప్రచారంలో ఉంది. యూత్‌లో ఉన్న క్రేజ్, ఎంటర్‌టైన్ చేసే సత్తా కారణంగా ఈసారి అతడు బిగ్ బాస్ హౌస్‌లోకి అడుగుపెట్టడం ఖాయమనే ప్రచారం జోరుగా సాగుతోంది. 

మరిన్ని చదవండి

Kadali Satyanarayana in Bigg Boss 10 | బిగ్ బాస్ 10 లోకి రచయిత్రి కడలి సత్యనారాయణ?