Avika Gor: అవికా గోర్ బాయ్‌ఫ్రెండ్ పెద్ద కారే కొన్నాడు!

హీరోయిన్ అవికా గోర్ రిలేష‌న్షిప్‌లో ఉన్న సంగతి తెలిసిందే. ఆమె బాయ్‌ఫ్రెండ్ ఓ పెద్ద కారే కొన్నాడు. దాంతో అవికా గోర్ ఫుల్ హ్యాపీగా ఉన్నారు.

By: ABP Desam | Updated at : 25 Dec 2021 02:36 PM (IST)

అవికా గోర్, మిళింద్ (Image Credir: Avika Gor Instagram)

అవికా గోర్ (Avika Gor)... బాలీవుడ్ ప్రేక్షకులకు 'బాలికా వధు'గా తెలుసు. బుల్లితెరపై ఆ సీరియల్ ఆమెకు ఎంతో గుర్తింపు తెచ్చింది. అదే సీరియల్ తెలుగు బుల్లితెరకు 'చిన్నారి పెళ్లికూతురు'గా వచ్చింది. ఇక్కడ కూడా హిట్టే. ఆ తర్వాత 'ఉయ్యాలా జంపాలా'తో అవికా గోర్ కథానాయికగా మారడం, హిట్ సినిమాలు చేయడం తెలిసిన సంగతే. అయినా... చాలా మంది ఆమెను చిన్నారిగా చూస్తారు. కానీ, అవికా గోర్ పెరిగి పెద్దయ్యారు. ప్రేమలో పడ్డారు. ఐఐఎం అహ్మదాబాద్ లో ఎంబీఏ చేసిన మిళింద్ చాంద్‌వానీ (Milind Chandwani) తో ఆమె రిలేష‌న్షిప్‌లో ఉన్నారు. కొన్ని రోజుల క్రితం తన ప్రేమ గురించి ఆమె ఓపెన్ అయ్యారు. లేటెస్ట్ అప్‌డేట్ ఏంటంటే... వాళ్లిద్దరూ లివ్-ఇన్ రిలేష‌న్‌ (Avika Gor and Milind Chandwani in Live-In Relationship?) లో ఉన్నారట.

అవికా గోర్ బాయ్‌ఫ్రెండ్ రీసెంట్‌గా బీఏండ‌బ్ల్యూ కారు కొన్నారు. ల‌గ్జ‌రీ, ఎస్‌యువి మోడ‌ల్‌కు చెందిన‌ కారు ఇంటికి వచ్చింది. "వెల్కమ్ థిస్ బీస్ట్ హోమ్. కంగ్రాట్స్ మిళింద్" అని అవికా గోర్ తన ఇన్‌స్టాగ్రామ్ స్టోరీలో పేర్కొన్నారు. దాన్ని బట్టి ఇద్దరూ ఒకే ఇంటిలో ఉంటున్నారని కొందరు అనుకుంటున్నారు. వ్యక్తిగతంగా, మానసికంగా తనకు మిళింద్ ఎంతో సహాయం చేశాడని అవికా గోర్ గతంలో తెలిపారు. అన్నట్టు... కాంప్ డైరీస్ అనే సంస్థకు మిళింద్ సీఈవోగా పని చేస్తున్నారు.

సినిమాలకు వస్తే... ఈ ఏడాది 'నెట్', 'హ్యాష్ ట్యాగ్ బ్రో' సినిమాలతో అవికా గోర్ ఓటీటీ ప్రేక్షకులను పలకరించారు. తెలుగులో మరో రెండు మూడు సినిమాలు చేస్తున్నారు.