Arthamainda ArunKumar Season 2 : 'అర్థమైందా అరుణ్ కుమార్' రెండో సీజన్ వచ్చేస్తోంది, స్ట్రీమింగ్ ఎప్పటి నుంచి అంటే?
‘ఆహా’ ఓటీటీ వేదికగా విడుదలై ప్రేక్షకులకు అద్భుతంగా అలరించి వెబ్ సిరీస్ 'అర్థమైందా అరుణ్ కుమార్'. త్వరలో ఈ సిరీస్ కు కొనసాగింపుగా సీజన్ 2 వచ్చేస్తోంది. తాజాగా ఈ సిరీస్ రిలీజ్ డేట్ అనౌన్స్ అయ్యింది.
Arthamainda ArunKumar Season2 Streaming Dates: తెలుగు ఓటీటీ దిగ్గజం ఆహాలో విడుదలైన మంచి ఆదరణ దక్కించుకున్న వెబ్ సిరీస్ 'అర్థమైందా అరుణ్ కుమార్'. ఈ వెబ్ సిరీస్కు కొనసాగింపుగా రెండో సీజన్ రాబోతోంది. తాజాగా ఈ సిరీస్ కు సంబంధించి స్ట్రీమింగ్ డేట్ ను మేకర్స్ అనౌన్స్ చేశారు. దీపావళి కానుకగా ఈ నెల 31 నుంచి అందుబాటులోకి తీసుకురాబోతున్నట్లు వెల్లడించారు. ఈ మేరకు “కొత్త సీజన్, కొత్త కష్టాలు, సరికొత్త పాత్రలు.. 'అర్థమైందా అరుణ్ కుమార్' సీజన్ 2 స్ట్రీమింగ్ అక్టోబర్ 31 నుంచి ఆహాలో మాత్రమే” అంటూ సోషల్ మీడియా వేదికగా ఓ పోస్టు పెట్టారు. తొలి సీజన్ కు మాంచి క్రేజ్ లభించడంతో రెండో సీజన్ పై భారీగా అంచనాలు నెలకొన్నాయి.
గతేడాది విడుదలైన 'అర్థమైందా అరుణ్ కుమార్'
కామెడీ డ్రామాగా రూపొందిన 'అర్థమైందా అరుణ్ కుమార్' వెబ్ సిరీస్ గత ఏడాది జూన్ 30న ఆహాలో విడుదల అయ్యింది. ఈ వెబ్ సిరీస్ లో అనన్య శర్మ, తేజస్వి మదివాడ కీలక పాత్రలు పోషించారు. అదిరిపోయే కామెడీతో అందరినీ అలరించారు. ఇప్పుడు దానికి మరింత ఫన్, ఎమోషన్స్ ను జోడిస్తూ రెండో సీజన్ ను అందుబాటులోకి తీసుకురాబోతున్నారు. ఈ వెబ్ సిరీస్ కు జోనాథన్ దర్శకత్వం వహిస్తున్నారు. త్వరలోనే ఈ వెబ్ సిరీస్ కు సంబంధించిన టీజర్ ను మేకర్స్ విడుదల చేయబోతున్నట్లు తెలుస్తోంది.
మరింత క్రేజీగా 'అర్థమైందా అరుణ్ కుమార్' రెండో సీజన్
'అర్థమైందా అరుణ్ కుమార్' అనే వెబ్ సరీస్ ఓ పల్లెటూరు నుంచి హైదరాబాద్ కు వచ్చి కార్పొరేట్ ఆఫీసులో ఇబ్బందులు పడే యువకుడి చుట్టూ తిరుగుతుంది. కార్పొరేట్ జీవితం ఎలా ఉంటుంది? పల్లెటూరి యువకుడు ఆ వాతావరణానికి అలవాటు పడేందుకు ఎలాంటి ఇబ్బందులు పడ్డాడు? అనేది చూపించారు. ఈ వెబ్ సిరీస్ యువతను బాగా ఆకట్టుకుంది. ఆహాలో అత్యధిక వ్యూస్ సాధించిన వెబ్ సిరీస్ లలో ఒకటిగా నిలిచింది. ఫస్ట్ సీజన్ లో హర్షిత్, అనన్య, తేజస్వి,వాసు ఇంటూరి, జై ప్రవీణ్, శ్రావ్య మృదుల కీలక పాత్రల్లో నటించారు. ఇక 'అర్థమైందా అరుణ్ కుమార్' రెండో సీజన్ ను మరింత క్రేజీగా రూపొందించినట్లు తెలుస్తోంది.
రెండో సీజన్లో మెయిన్ లీడ్గా పవన్ సిద్ధూ చేస్తున్నారు. గత సీజన్లో హర్షిత్ ఈ పాత్రలో అద్భుతమైన పర్ఫార్మెన్స్ ఇచ్చారు. మరి ఈ సీజన్లో సిద్ధూ ఎంతవరకు ఆకట్టుకుంటాడో వేచి చూడాల్సిందే. పవన్ సిద్ధూ కూడా ఎన్నో యూట్యూబ్ సిరీస్లో నటించారు. సీరియల్స్, పలు టీవీ కార్యక్రమాల్లో కనిపించి ప్రజలను ఎంటర్టైన్ చేశారు. ఇప్పుడు అర్థమైందా అరుణ్ కుమార్లో ఎలా నటిస్తాడో చూడాలి. అయితే అరుణ్ కుమార్ కు జాబ్లో ఎలాంటి ఇబ్బందులు ఎదురయ్యాయి? వాటిని ఎలా ఎదుర్కొన్నాడు? అనేది ఇందులో చూపించనున్నారు. ఈ వెబ్ సిరీస్ ను అరీ స్టూడియోస్, లాఫింగ్ కౌ ప్రొడక్షన్స్ బ్యానర్లపై బి.సాయికుమార్, తన్వి దేశాయ్ ప్రొడ్యూస్ చేస్తున్నారు. అజయ్ అరసాడ మ్యూజిక్ అందిస్తున్నారు.
View this post on Instagram
Also Read: రీసెంట్గా ఓటీటీలోకి వచ్చిన రెజీనా సినిమా - ఎందులో స్ట్రీమింగ్ అవుతుందో తెలుసా?
Before You Go
Gundenininda Gudigantalu Serial August 11 | మనోజ్కు శీలా డార్లింగ్ వార్నింగ్
టాప్ హెడ్ లైన్స్
ట్రెండింగ్ వార్తలు
