Mega Family: మెగాఫ్యామిలీతో బన్నీ సందడి... వైభవంగా దీపావళి వేడుకలు

దీపావళి వేడుకలకు మెగా కుటుంబం సిద్ధమైపోయింది. ఒకే ఫ్రేమ్ లో యంగ్ జెనరేషనంతా సందడి చేశారు.

మెగా ఫ్యామిలీతో అల్లు అర్జున్ (Image credit: Instagram)

సోషల్ మీడియాలో యాక్టివ్ గా ఉండే సెలెబ్రిటీల్లో రామ్ చరణ్ కూడా ఒకరు. తరచూ షూటింగ్ ఫోటోలతో పాటూ వ్యక్తిగత ఫోటోలను కూడా అభిమానుల కోసం షేర్ చేస్తుంటారు. ప్రస్తుతం చెర్రీ రాజమౌళి దర్శకత్వంలో ఆర్ఆర్ఆర్ సినిమా చేస్తున్నారు. ఈ సినిమాలో చెర్రీతో పాటూ ఎన్టీఆర్, అజయ్ దేవగన్, అలియా భట్ వంటి స్టార్లు కూడా నటిస్తున్నారు. ఈ సినిమా విడుదల కోసం రామ్ చరణ్ ఎంతో ఉత్సుకతతో ఎదురుచూస్తున్నారు. కాగా ఇన్ స్టా ఖాతాలో ఆయన తాజాగా ఓ ఫోటో షేర్ చేశారు. ఆ ఫోటోలో మెగా ఫ్యామిలీ దీపావళి వేడుకల సందడి కనిపిస్తోంది. కొణిదెల ఫ్యామిలీతో పాటూ, అల్లు ఫ్యామిలీ వారసులు కూడా ఆ ఫోటోలో ఉన్నారు. అల్లు అర్జున్ తన భార్య స్నేహతో కలిసి కనిపించారు. అలాగే అల్లు బాబీ కుటుంబం, నీహారిక - చైతన్య జంట, సుస్మిత దంపతులు, ఉపాసన, వైష్ణవ్ తేజ్... మెగా కుటుంబంలోని యంగ్ జెనరేషన్ అంతా అందంగా ముస్తాబై ఫోటోకు ఫోజిచ్చారు. ఆ ఫోటోలను ఇన్ స్టా లో షేర్ చేసిన రామ్ చరణ్ తన అభిమానులకు ‘దీపావళి శుభాకాంక్షలు’ తెలిపారు. బన్నీ, చెర్రీని ఒకే ఫ్రేమ్ లో చూసిన అభిమానులకు దీపావళి పండుగ రోజు డబుల్ ఆనందం కలిగినట్లయింది. 

ఫోటోలను బట్టి మెగా కుటుంబం తమ ఇంట్లో దీపావళి వేడుకలు నిర్వహించినట్టు తెలుస్తోంది. ఆ వేడుకకు కొంతమంది సినీ ప్రముఖులను కూడా ఆహ్వానించారు. దిల్ రాజు కూతురు హన్షితా రెడ్డి కూడా భర్తతో పాటూ హాజరైంది. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Ram Charan (@alwaysramcharan)

ఇక రామ్ చరణ్ బుధవారమే దివంగత కన్నడ స్టార్ పునీత్ రాజ్ కుమార్ కుటుంబాన్ని పరామర్శించి వచ్చారు. బుధవారం ఉదయం పునీత్ అన్నయ్య శివరాజ్ కుమార్ ను కలిసి ఓదార్చి వచ్చారు. 

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి