Singer Chinmayi : అయోధ్యకు రేపిస్టులా? - ఘాటుగా స్పందించిన సింగర్ చిన్మయి
Singer Chinmayi : అత్యాచార కేసులో దోషిగా తేలిన ఆశారాం బాపు అయోధ్య సందర్శనపై తీవ్ర విమర్శలు వస్తున్నాయి. దీనిపై సింగర్ చిన్మయి రియాక్ట్ అయ్యారు.
Singer Chinmayi Reaction On Asaram Bapu Visits Ayodhya Mandir : చిన్మయి శ్రీపాద... పరిచయం అక్కర్లేని పేరు. సింగర్గా మంచి పాటలు పాడడమే కాకుండా... మహిళల సమస్యలు, క్యాస్టింగ్ కౌచ్, సామాజిక అంశాలపై సోషల్ మీడియాలో ఎప్పుడూ యాక్టివ్గా ఉంటూ తన గళం వినిపిస్తుంటారు. రీసెంట్గా మహిళల డ్రెస్సింగ్ విషయంలో శివాజీ కామెంట్స్పైనా ఆమె రియాక్ట్ అయ్యారు. తాజాగా... మరో అంశంపై ఇన్ స్టాలో స్టోరీ పోస్ట్ చేస్తూ వీడియోస్ రిలీజ్ చేశారు.
అత్యాచార దోషి అయోధ్య సందర్శనపై...
ఆధ్యాత్మిక వేత్త ఆశారాం బాపు అత్యాచార కేసులో జీవిత ఖైదు అనుభవిస్తున్న సంగతి తెలిసిందే. ఆయనకు అనారోగ్య కారణాలతో సుప్రీంకోర్టు మధ్యంతర బెయిల్ మంజూరు చేసింది. బుధవారం ఆశారాం అయోధ్య రామాలయాన్ని సందర్శించారు. రామ్ లల్లాను దర్శించుకుని సరయూ నది ఒడ్డున ఆరతిలో పాల్గొన్నారు. దాదాపు 30 నిమిషాల పాటు ఆలయ ప్రాంగణంలో ఉన్నారు. దీనిపై సోషల్ మీడియాలో తీవ్ర విమర్శలు వ్యక్తం అవుతున్నాయి.
అత్యాచార కేసులో దోషిగా ఉండి బెయిల్పై బయట ఉన్న వ్యక్తి పవిత్ర స్థలంలోకి ఎలా వెళ్తారంటూ కొందరు కామెంట్స్ చేశారు. దీనిపై సింగర్ చిన్మయి శ్రీపాద తనదైన శైలిలో రియాక్ట్ అవుతూ ఇన్ స్టాలో వీడియోస్ రిలీజ్ చేశారు.
అప్పుడలా... ఇప్పుడెందుకిలా?
కొన్నాళ్ల ముందు బాలీవుడ్ హీరోయిన్ సన్నీ లియోన్ మధురకు ఓ ఈవెంట్కు వెళ్తే ఆమె రాకూడదంటూ అక్కడ ఉన్న పూజారులు నిరసన తెలిపారని గుర్తు చేశారు చిన్మయి. ఆ ఈవెంట్నే క్యాన్సిల్ చేయించారని చెప్పారు. 'కానీ ఇవాళ అత్యాచార కేసులో దోషిగా తేలిన వ్యక్తి అయోధ్యను సందర్శించారు. ఇప్పుడు ఏమీ ప్రాబ్లం లేదా?. అదీ కాక సదరు వ్యక్తి అనారోగ్యమంటూ బెయిల్పై ఉన్నారు. అయోధ్యకే వెళ్లేంత హెల్తీగానే ఉన్నారు కదా?
జైలుకు పంపెయ్యొచ్చు కదా. కానీ అలా చేయలేదు. ఇప్పుడు ఏ ఇన్ఫ్లుయెన్సర్ కానీ, ఏ భక్తులు కానీ రియాక్ట్ కాలేదు. అందరూ మూసుకుని కూర్చుంటారు.' అని అన్నారు.
Also Read : దేవిశ్రీ ప్రసాద్కు బదులుగా తమన్ - ఉస్తాద్ భగత్ సింగ్ బీజీఎంపై డైరెక్టర్ హరీష్ శంకర్ రియాక్షన్
అలా చెప్పడం తప్పేంటి?
'మీ అందరికీ మీ బాబాజీలు రేప్ చేస్తే పర్వాలేదు. మీ పూజారులు రేప్ చేస్తే పర్వాలేదు. లైంగిక వేధింపులు చేసే వారికి వారు సపోర్ట్ చేస్తే పర్వాలేదు. నా లాంటి ఎవరో ఒకరు సోషల్ మీడియాలో దీని గురించి మాట్లాడితే మీ అందరికీ కోపం వస్తుంది. ఎందుకంటే ఆరోపణలు ఎదుర్కొనే వారిలో పొటిలికల్ లీడర్స్, పేరొందిన వారు ఉండొచ్చు. వారికి దండలు వేస్తారు. మీది రేప్ కల్చర్ అని చెప్పడంలో తప్పేముంది.' అంటూ ఘాటుగా రియాక్ట్ అయ్యారు.
దీంతో పాటే చైనాలో ముగ్గురు మైనర్ రేపిస్టులకు బహిరంగంగా శిక్ష విధించారని... ఇండియాలో రేపిస్టులు ఆలయాలను సందర్శిస్తున్నారంటూ ఫోటోస్ షేర్ చేశారు. ప్రస్తుతం ఈ వీడియోస్ వైరల్ అవుతోంది. కొందరు నెటిజన్లు దీనిపై చిన్మయికి సపోర్ట్ చేస్తూ పోస్టులు పెడుతున్నారు.
Before You Go
Gundenininda Gudigantalu Serial August 19 | ప్రభావతి, రోహిణిలకు ఊహించని షాక్
టాప్ హెడ్ లైన్స్
ట్రెండింగ్ వార్తలు
