యూపీఎస్సీ 2026 సివిల్ సర్వీసెస్ ప్రిలిమినరీ పరీక్షలో దరఖాస్తులను పరిశీలించడానికి మొదటిసారిగా ఆర్టిఫిషియల్ ఇంటెలిజెన్స్ (AI) ను ఉపయోగించింది. ఇది పరీక్ష ప్రక్రియను మరింత పారదర్శకంగా మార్చడానికి సహాయపడుతుంది.
అన్వేషించండి
UPSC Prelims 2026: యూపీఎస్సీ పరీక్ష ప్రక్రియలో ఏఐ వాడకం! పరీక్షకు ముందే 569 మంది దరఖాస్తులు తిరస్కరణ!
UPSC Prelims 2026: సివిల్ సర్వీసెస్ ప్రిలిమ్స్ 2026 దరఖాస్తులను ఏఐ రివ్యూ చేసింది. యూపీఎస్సీ తొలిసారిగా వినియోగించిన ఏఐ విశ్లేషణలో 569 దరఖాస్తులు తిరస్కరణకు గురయ్యాయి.
యూపీఎస్సీ పరీక్ష ప్రక్రియలో ఏఐ వాడకం! పరీక్షకు ముందే 569 మంది దరఖాస్తులు తిరస్కరణ!
Source : Social Media
- యూపీఎస్సీ 2026 ప్రిలిమ్స్ దరఖాస్తులను పరిశీలించడానికి AIని ఉపయోగించింది.
- నిబంధనలు పాటించని 569 దరఖాస్తులను AI గుర్తించి తిరస్కరించింది.
- పరీక్షకు ముందే ఫేస్ ఐడెంటిఫికేషన్, ఆధార్ ధృవీకరణ తప్పనిసరి చేశారు.
UPSC Prelims 2026: యూనియన్ పబ్లిక్ సర్వీస్ కమిషన్ (యూపీఎస్సీ) 2026 సివిల్ సర్వీసెస్ ప్రిలిమినరీ పరీక్షను మరింత పారదర్శకంగా చేయడానికి కొత్త సాంకేతికతను ఉపయోగించింది. దరఖాస్తులను పరిశీలించడానికి కమిషన్ మొదటిసారిగా ఆర్టిఫిషియల్ ఇంటెలిజెన్స్ (ఏఐ)ను ఉపయోగించింది. ఈ క్రమంలో నిబంధనలకు అనుగుణంగా లేని 569 దరఖాస్తులను గుర్తించింది. పరీక్ష ప్రారంభం కావడానికి ముందే రూల్స్‌ బ్రేక్ చేసిన వారి ఫారాలన్నింటినీ తిరస్కరించింది.
15 ఏళ్ల రికార్డుల సహాయంతో దర్యాప్తు జరిగింది
దరఖాస్తులను ధృవీకరించడానికి గత 15 సంవత్సరాల రికార్డులు, డేటాను ఉపయోగించినట్లు యూపీఎస్సీ తెలిపింది. ఏఐ (AI) సహాయంతో, ఒకే అభ్యర్థి ఒకటి కంటే ఎక్కువ దరఖాస్తులు సమర్పించడం, నిర్దేశిత పరిమితి కంటే ఎక్కువసార్లు ప్రయత్నించడం లేదా తప్పుడు సమాచారంతో దరఖాస్తును నింపడం వంటి కేసులను గుర్తించారు. ధృవీకరణ పూర్తైన తర్వాత, అటువంటి దరఖాస్తులన్నింటినీ రద్దు చేశారు.
తొలిసారిగా ఫేస్ ఐడెంటిఫికేషన్
ఈ సంవత్సరం, యూపీఎస్సీ పరీక్షా విధానంలో మరో ప్రధాన మార్పు చేసింది. పరీక్ష ప్రారంభం కావడానికి సుమారు 30 నిమిషాల ముందు, అభ్యర్థులు పరీక్షా కేంద్రంలో ఫేస్ ఐడెంటిఫికేషన్ చేశారు. దరఖాస్తు ఫారమ్ నింపేటప్పుడు వెబ్‌క్యామ్ లేదా మొబైల్ ఫోన్ నుంచి లైవ్‌లైవ్ ఫోటోను అప్లోడ్ చేయడాన్ని కూడా తప్పనిసరి చేశారు, తద్వారా వేరొకరు పరీక్ష రాసే అవకాశం లేకుండా చేశారు.
Also Read: సూర్యుడి కంటే ఐదు రెట్లు వేడి కలిగి ఉన్న పిడుగు వెనుక ఉన్న రహస్యాలివే!
ఆధార్ నంబర్ ద్వారా గుర్తింపు
అభ్యర్థులకు స్వచ్ఛందంగా తమ ఆధార్ నంబర్ను అందించే అవకాశాన్ని కూడా కమిషన్ కల్పించింది. దాదాపు 94 శాతం మంది అభ్యర్థులు దరఖాస్తు సమయంలో తమ ఆధార్ నంబర్ను అందించారు. దీనివల్ల గుర్తింపు ధృవీకరణ సులభమైంది. దరఖాస్తు ధృవీకరణ సరళీకృతమైంది.
కేటగిరి మార్చిన వారికి సమాచారం
కేటగిరీని ఎందుకు మార్చుకున్నారో వివరించాలని చెబుతూ, యూపీఎస్సీ సుమారు 43,497 మంది అభ్యర్థులకు ఇమెయిల్స్ పంపింది. కేటగిరీని మార్చడం వల్ల అభ్యర్థి అటెంప్ట్స్‌ సంఖ్యపై ప్రభావం పడొచ్చని కమిషన్ వివరించింది. అందువల్ల, తమ కేటగిరీని మార్చుకున్న అభ్యర్థులను అందుకు స్పష్టమైన కారణం చెప్పమని కోరింది.
Also Read: చీకటిలో మనుషులు కూడా మెరుస్తారు! ఆ సీక్రెట్ ఏంటో తెలుసా?
అవకతవకలు ఇప్పటికే గుర్తింపు
గతంలో, ఇంటర్వ్యూలు లేదా పత్రాల ధృవీకరణ సమయంలో అనేక ఉల్లంఘనలు గుర్తించేవారు. అయితే, ఏఐ, డిజిటల్ ధృవీకరణ సహాయంతో, ఇప్పుడు అటువంటి అవకతవకలు పరీక్షకు ముందే గుర్తిస్తున్నారు. దీనివల్ల నియామక ప్రక్రియ మరింత పారదర్శకంగా, వేగవంతంగా, విశ్వసనీయంగా మారుతుందని ఆశిస్తున్నారు.
ఎంత మంది అభ్యర్థులు దరఖాస్తు చేసుకున్నారు?
UPSC సివిల్ సర్వీసెస్ ప్రిలిమినరీ పరీక్ష 2026 కోసం దాదాపు 8.18 లక్షల మంది అభ్యర్థులు దరఖాస్తు చేసుకున్నారు. వీరిలో, దాదాపు 4.49 లక్షల మంది పరీక్షకు హాజరయ్యారు. AI-ఆధారిత ధృవీకరణ, కొత్త భద్రతా వ్యవస్థల ద్వారా, పరీక్షా ప్రక్రియను మరింత నిష్పక్షపాతంగా, సురక్షితంగా మార్చే దిశగా కమిషన్ ఒక కీలకమైన అడుగు వేసింది.
Frequently Asked Questions
UPSC 2026 ప్రిలిమినరీ పరీక్షలో ఏ కొత్త సాంకేతికతను ఉపయోగించింది?
AI ద్వారా ఎన్ని దరఖాస్తులు తిరస్కరించబడ్డాయి?
AI సహాయంతో నిబంధనలకు అనుగుణంగా లేని 569 దరఖాస్తులను గుర్తించి, పరీక్ష ప్రారంభం కావడానికి ముందే వాటిని తిరస్కరించారు. ఇది ఒకే అభ్యర్థి ఎక్కువ దరఖాస్తులు లేదా తప్పుడు సమాచారం ఇవ్వడం వంటివి గుర్తించింది.
2026 సివిల్ సర్వీసెస్ పరీక్షలో ప్రవేశానికి కొత్తగా ప్రవేశపెట్టిన నిబంధన ఏమిటి?
ఈ సంవత్సరం, పరీక్షా కేంద్రంలో పరీక్ష ప్రారంభం కావడానికి సుమారు 30 నిమిషాల ముందు అభ్యర్థులు ఫేస్ ఐడెంటిఫికేషన్ చేయించుకోవాలి. అప్లికేషన్ నింపేటప్పుడు లైవ్ ఫోటో అప్లోడ్ చేయడం తప్పనిసరి చేశారు.
అభ్యర్థులు తమ ఆధార్ నంబర్ అందించడం వల్ల కలిగిన ప్రయోజనం ఏమిటి?
అభ్యర్థులు తమ ఆధార్ నంబర్ను స్వచ్ఛందంగా అందించే అవకాశం కల్పించారు. దాదాపు 94% మంది అభ్యర్థులు దీన్ని ఉపయోగించడంతో, గుర్తింపు ధృవీకరణ సులభమైంది మరియు దరఖాస్తు ధృవీకరణ సరళీకృతమైంది.
టాప్ హెడ్ లైన్స్
ఎడ్యుకేషన్
జేఈఈ మెయిన్ జనవరి సెషన్ రిజిస్ట్రేషన్లు ప్రారంభం.. ముఖ్య తేదీలు, దరఖాస్తు విధానం ఇలా!
ఎడ్యుకేషన్
విద్యార్థులకు అలర్ట్.. ఏపీ ఇంటర్ ఎగ్జామ్స్ షెడ్యూల్ విడుదల
ఎడ్యుకేషన్
ములుగు ఎఫ్‌సీఆర్ఐ ఎంఎస్సీ, పీహెచ్‌డీ ఫారెస్ట్రీ కోర్సుల్లో ప్రవేశాలు.. అర్హతలు, సీట్లు వివరాలు ఇలా!
ఎడ్యుకేషన్
తల్లికి వందనం రెండో విడత లబ్ధిదారులు ఖరారు.. నిధుల విడుదలకు ఉత్తర్వులు జారీ
ట్రెండింగ్ వార్తలు
