(Source: ECI/ABP News)
TS EDCET: టీఎస్ ఎడ్సెట్-2024 ప్రవేశ పరీక్ష హాల్టికెట్లు విడుదల, పరీక్ష ఎప్పుడంటే?
TS EDCET 2024: తెలంగాణలోని బీఈడీ కళాశాలల్లో ప్రవేశాలకు నిర్వహించే టీఎస్ఎడ్సెట్-2024 పరీక్ష హాల్టికెట్లను మే 20న విడుదలచేశారు. అధికారిక వెబ్సైట్లో హాల్టికెట్లను అందుబాటులో ఉంచారు.
TS EDCET 2024 Halltickets: తెలంగాణలోని బీఈడీ కళాశాలల్లో ప్రవేశాలకు నిర్వహించే టీఎస్ఎడ్సెట్-2024 (TS EDCET-2024) పరీక్ష హాల్టికెట్లను మే 20న విడుదలచేశారు. అధికారిక వెబ్సైట్లో హాల్టికెట్లను అందుబాటులో ఉంచారు. అభ్యర్థులు తమ రిజిస్ట్రేషన్ నెంబరు, పుట్టినతేదీ వివరాలు నమోదుచేసి హాల్టికెట్లు డౌన్లోడ్ చేసుకోవచ్చు. ప్రకటించిన షెడ్యూలు ప్రకారంజజ మే 23న ఉదయం 10 నుంచి మధ్యాహ్నం 12 గంటల వరకు, మధ్యాహ్నం 2 నుంచి సాయంత్రం 4 గంటల వరకు ప్రవేశపరీక్ష నిర్వహించనున్నారు. ఈ ఏడాది నల్గొండలోని మహాత్మాగాంధీ యూనివర్సిటీ ఎడ్సెట్ పరీక్షల బాధ్యత చేపట్టిన సంగతి తెలిసిందే.
ఎడ్సెట్-2024 హాల్టికెట్లు ఇలా డౌన్లోడ్ చేసుకోండి..
➥ ఫలితాల కోసం విద్యార్థులు మొదట ఎన్టీఏ అధికారిక వెబ్సైట్లోకి వెళ్లాలి - https://edcet.tsche.ac.in/
➥ అక్కడ హోంపేజిలో కనిపించే ''Download Hall Ticket'' లింక్ మీద క్లిక్ చేయాలి.
➥ ఆ తర్వాత వచ్చే పేజీలో విద్యార్థులు తమ హాల్టికెట్ నెంబరు లేదా ఫోన్ నెంబరు, పుట్టినతేదీ, వెరిఫికేషన్ కోడ్ వివరాలు నమోదుచేసి 'Get Result' బటన్ మీద క్లిక్ చేయాలి.
➥ ప్రవేశ పరీక్ష ఫలితాలు కంప్యూటర్ స్క్రీన్ మీద కనిపిస్తాయి.
➥ విద్యార్థులు ఫలితాలు డౌన్లోడ్ చేసుకోవాలి. ప్రింట్ తీసి భవిష్యత్ అవసరాల కోసం భద్రపరచుకోవాలి.
టీఎస్ ఎడ్సెట్-2024 హాల్టికెట్ల కోసం క్లిక్ చేయండి..
వివరాలు..
* టీఎస్ ఎడ్సెట్ – 2024
అర్హతలు: 50 శాతం మార్కులతో ఏదైనా డిగ్రీ లేదా పీజీ డిగ్రీ ఉండాలి. 50 శాతం మార్కులతో ఇంజినీరింగ్ డిగ్రీ ఉండాలి. ఎస్సీ, ఎస్టీ, బీసీ, దివ్యాంగులకు 40 శాతం మార్కులు ఉంటే సరిపోతుంది. డిగ్రీ చివరిసంవత్సరం చదువుతున్న విద్యార్థులు కూడా దరఖాస్తు చేసుకోవడానికి అర్హులు.
వయోపరిమితి: 01.07.2024 నాటికి 19 సంవత్సరాలు నిండాలి.
దరఖాస్తు విధానం: ఆన్లైన్ ద్వారా.
ఎంపిక విధానం: ప్రవేశ పరీక్షలో వచ్చిన ర్యాంకు ఆధారంగా ప్రవేశాలు కల్పిస్తారు.
దరఖాస్తు ఫీజు: రూ.750 చెల్లించాల్సి. ఎస్సీ, ఎస్టీ, పీహెచ్ అభ్యర్థులు రూ.550.
పరీక్ష విధానం: మొత్తం 150 మార్కులకు కంప్యూటర్ ఆధారిత రాతపరీక్ష నిర్వహిస్తారు. వీటిలో మ్యాథ్స్, సైన్స్, సోషల్ స్టడీస్ (10వ తరగతి వరకు)- 60 ప్రశ్నలు-60 మార్కులు, టీచింగ్ ఆప్టిట్యూడ్-20 ప్రశ్నలు-20 మార్కులు, జనరల్ ఇంగ్లిష్-20 ప్రశ్నలు-20 మార్కులు, జనరల్ నాలెడ్జ్ & ఎడ్యుకేషనల్ ఇష్యూస్-30 ప్రశ్నలు-30 మార్కులు, కంప్యూటర్ అవేర్నెస్-20 ప్రశ్నలు-20 మార్కులు.
అర్హత మార్కులు: పరీలో అర్హత మార్కులను 25 శాతం(38 మార్కులు)గా నిర్ణయించారు. ఎస్సీ, ఎస్టీ అభ్యర్థులకు ఎలాంటి అర్హత మార్కులు లేవు. అయితే ఎన్సీసీ/స్పోర్ట్స్ కోటా/పీహెబ్/ఆర్మ్డ్ పర్సనల్ కోటాకు చెందిన ఎస్సీ, ఎస్టీ అభ్యర్థులు మాత్రం నిర్ణీత కనీస అర్హత మార్కులు సాధించాల్సి ఉంటుంది.
ముఖ్యమైన తేదీలు..
➥ TS Ed.CET – 2024 షెడ్యూలు వెల్లడి: 10.02.2024.
➥ TS Ed.CET – 2024 నోటిఫికేషన్ వెల్లడి: 04.03.2024.
➥ ఆన్లైన్ దరఖాస్తు ప్రక్రియ ప్రారంభం: 06.03.2024.
➥ ఆన్లైన్ దరఖాస్తుకు చివరితేది: 06.05.2024.
➥ రూ.250 ఆలస్యరుసుముతో ఆన్లైన్ దరఖాస్తుకు చివరితేది: 13.05.2024.
➥ దరఖాస్తుల సవరణ: 13.05.2024 - 15.05.2024.
➥ TS Ed.CET-2023 హాల్టికెట్ డౌన్లోడ్: 20.05.2024.
➥ TS Ed.CET-2023 పరీక్ష తేది: 23.05.2024.
➥ పరీక్ష సమయం: మొదటి సెషన్: 10.00 AM -12.00 AM, రెండో సెషన్: 2.00 PM - 4.00 PM.
టాప్ హెడ్ లైన్స్
ట్రెండింగ్ వార్తలు
