NCERT Survey: విద్యార్థుల్లో ఆందోళనకు పరీక్షలు, ఫలితాలే కారణం! ఎన్‌సీఈఆర్టీ సర్వేలో వెల్లడి!

దేశవ్యాప్తంగా 33 శాతం మంది విద్యార్థులు పరీక్షలు, ఫలితాలతో ఒత్తిడిని ఎదుర్కొంటున్నట్లు నేషనల్ కౌన్సిల్ ఆఫ్ ఎడ్యుకేషనల్ రీసెర్చ్ అండ్ ట్రైనింగ్ (NCERT) నిర్వహించిన సర్వేలో తేలింది.

ఎన్‌సీఈఆర్‌టీ సర్వే ఫలితాలు వెల్లడి

పరీక్షలు అంటేనే విద్యార్థులో ఓ రకమైన భయం ఉంటుంది. ఏం చదవాలి? ఎలా చదవాలి..? పరీక్షలు తప్పితే తల్లిదండ్రులు ఏమంటారో అని ఆందోళనకు గురవుతూ ఉంటారు. అలాగే పరీక్షల ఫలితాల సమయంలో పరిస్థితి ఇక చెప్పాల్సిన అవసరంలేదు. అయితే, పరీక్షలు, ఫలితాలే విద్యార్థుల్లో అధికశాతం మందిలో ఆందోళనకు కారణమని ఎన్‌సీఈఆర్టీ చేసిన ఓ సర్వే స్పష్టం చేసింది. 

దేశవ్యాప్తంగా 33 శాతం మంది విద్యార్థులు పరీక్షలు, ఫలితాలతో ఒత్తిడిని ఎదుర్కొంటున్నట్లు సర్వేలో తేలింది. నేషనల్ కౌన్సిల్ ఆఫ్ ఎడ్యుకేషనల్ రీసెర్చ్ అండ్ ట్రైనింగ్ (NCERT) అన్ని రాష్ట్రాల్లోని 3.79 లక్షల మంది విద్యార్థుల ఆరోగ్యం, మానసిక ఆరోగ్యంపై సర్వే చేపట్టింది. ఇందులో పాఠశాల జీవితం సంతృప్తి కలిగించిందని దాదాపు 73 శాతం మంది చెప్పారు. 

మరో 45శాతం మంది విద్యార్థులు తమ రూపంపై అసంతృప్తి వ్యక్తం చేస్తున్నట్లు తేలింది.  ప్రాథమికోన్నత పాఠశాల.. ఆ తర్వాతి చదువుల విద్యార్థులు చాలామంది తాము అందంగా లేమని.. శరీరాకృతి బాగోలేదనే భావనను వ్యక్తం చేశారని పేర్కొంది. అలాగే పిల్లలు మాధ్యమిక తరగతికి మారిన సమయంలో పాఠశాల జీవితంపై పాఠశాల జీవితంపై సంతృప్తి తగ్గుతున్నట్లు గుర్తించారు. 

Also Read:   నిరుద్యోగ యువతకు ఉచిత ఉపాధి శిక్షణ, ఆపై ఉద్యోగాలు!

సెకండరీ స్థాయిలో గుర్తింపు, సంబంధాలపట్ల సున్నితత్వం పెరగడం, తోటివారి ఒత్తిడి, బోర్డు పరీక్షల అంటే భయం, భవిష్యత్‌లో అడ్మిషన్ల గురించి ఆందోళన చెందుతున్నట్లు సర్వేలో తేలింది. 73శాతం మంది పాఠశాల జీవితంపై సంతృప్తి వ్యక్తంచేయగా.. మరో 28 శాతం మంది ప్రశ్నలు అడగడంలో తడబడుతున్నారు. ఎన్‌సీఈఆర్‌టీకి చెందిన మనోదర్పన్ ఈ సర్వేను నిర్వహించింది. ఈ ఏడాది జనవరి నుంచి మార్చి మధ్య 6 నుంచి 8, 9 నుంచి 12 తరగతుల విద్యార్థులపై సర్వే జరిపారు.

51 శాతం మంది విద్యార్థులు ఆన్‌లైన్‌లో చదువుకునేందుకు ఇబ్బందులు పడుతున్నారు. 81శాతం మంది పిల్లలు తమ ఆందోళనకు చదువులు, పరీక్షలు, ఫలితాలు ముఖ్య కారణాలుగా పేర్కొన్నారు. చిన్నారుల మానసిక ఆరోగ్యం, శేయస్సుకు సంబంధించిన అంశాలపై వారి అవగాహనలను అర్థం చేసుకోవడంలో సహకరించేందుకు సర్వే నిర్వహించినట్లు ఎన్‌సీఈఆర్‌టీ వర్గాలు తెలిపాయి. అయితే, ఒత్తిడిని ఎదుర్కొనేందుకు యోగా, ధ్యానం, విద్యార్థుల ఆలోచనలు మార్చడం, ఒత్తిడిని తగ్గించేందుకు ఉపకరిస్తాయని నిపుణులు సూచిస్తున్నారు.

TS EAMCET: ఎంసెట్‌ తొలివిడత సీట్ల కేటాయింపు పూర్తి, వివరాలు ఇలా!
తెలంగాణలో ఎంసెట్ ఇంజినీరింగ్ మొదటి విడత సీట్ల కేటాయింపు ప్రక్రి పూర్తయింది. ఎప్పటిలాగే ఈ ఏడాది కూడా ఎంసెట్‌ కౌన్సెలింగ్‌లో అత్యధిక శాతం విద్యార్థులు కంప్యూటర్‌ సైన్స్‌ ఇంజినీరింగ్‌ (సీఎస్‌ఈ) కోర్సునే ఎంచుకొన్నారు. సీఎస్‌ఈ, ఐటీ తత్సమాన కోర్సుల్లో 98.49% సీట్లు భర్తీ అయ్యాయి. సీఎస్‌ఈలో మొత్తం 18,682 సీట్లు ఉంటే 18,666 సీట్లు భర్తీ అయ్యాయి. కేవలం 6 సీట్లు మాత్రమే ఖాళీగా ఉన్నాయి. డేటా సైన్స్‌లో 99.64%, ఆర్టిఫిషియల్‌ ఇంటెలిజెన్స్‌ అండ్‌ మెషిన్‌లర్నింగ్‌లో 98.97% సీట్లు భర్తీ అయ్యాయి. ఎంసెట్‌ తొలి విడుత సీట్ల కేటయింపును సాంకేతిక విద్యాశాఖ అధికారులు సెప్టెంబరు 6న పూర్తిచేశారు. యూనివర్సిటీ కాలేజీల్లో 84.99%, ప్రైవేట్‌ యూనివర్సిటీల్లో 77.94%, ప్రైవేట్‌ కాలేజీల్లో 84.56% చొప్పున సీట్లు భర్తీ అయ్యాయి. మొత్తంగా తొలి విడతలో 84.45% సీట్లు భర్తీ అయినట్టు అధికారులు ప్రకటించారు. ఈడబ్ల్యూఎస్‌ కోటాలో 4,943 మంది విద్యార్థులు సీట్లు దక్కించుకొన్నారు. సీట్లు పొందిన విద్యార్థులు సెప్టెంబరు 13లోగా ఫీజు చెల్లించాలని, 17 నుంచి 21లోపు జిరాక్స్‌ సర్టిఫికెట్లను కాలేజీల్లో సమర్పించి రిపోర్ట్‌చేయాలని అధికారులు సూచించారు.
కాలేజీల వారీగా సీట్ల కేటాయింపు వివరాల కోసం క్లిక్ చేయండి..