ABP Smart Ed Conclave : టెక్స్ట్ బుక్ని రిప్లేస్ చేస్తూ.. 3Dలో 15,000 ఇంజనీరింగ్ అంశాలు - ఏబీపీ ఎడ్యూ కాన్క్లేవ్లో నరేశ్ వట్టికూటి
Naresh Vattikuti Speech : ట్రెడీషనల్ స్టడీ నుంచి ఆన్లైన్ విద్యకు జరిగిన మార్పులను వివరిస్తూ.. ఈ కళాశాల తీసుకొచ్చిన ఇన్నోవేషన్స్ గురించి ఏబీపీ ఎడ్యూ కాన్క్లేవ్లో నరేశ్ వట్టికూటి వివరించారు.
Replacing Textbooks with Virtual Experiences : టెక్స్ట్ బుక్ని రిప్లేస్ చేస్తూ.. వర్చువల్ విధానంలో చదువును స్టూడెంట్స్కు అందిస్తున్నామని.. ఈ కళాశాల మేనేజింగ్ డైరెక్టర్ శ్రీ నరేశ్ వట్టికూటి గారు ఏబీపీ దేశం స్మార్ట్ ఎడ్ కాన్క్లేవ్లో తెలిపారు. అంతేకాకుండా ఈ కళాశాలతో.. ఆన్లైన్ ద్వారా విద్యను అందిస్తున్నామని.. దీనివల్ల విద్యార్థులకు కలిగే లాభాలతో పాటు.. మరెన్నో ఇతర కీలక అంశాల గురించి ఆయన చర్చించారు. ఆ హైలెట్స్ చూసేద్దాం.
ట్రెడీషనల్ టీచింగ్ టూ ఆన్లైన్ టీచింగ్..
కొవిడ్ సమయంలో ట్రెడీషనల్ టీచింగ్ నుంచి ఆన్లైన్ టీచింగ్కి మారిన విధానం గురించి ఆయన మాట్లాడారు. ఆన్లైన్ టీచింగ్కు ఈ కళాశాల ఎలా మారింది. విద్యార్థులకు ట్రెడీషనల్ టీచింగ్ని ఎలా దూరం చేసిందనే అంశంపై వివరణ కోరగా.. ''ఈ కళాశాలలో ప్రారంభంలో మేము ఇండస్ట్రీ ఎలా 4.0 గురించి విన్నాము. ఇండస్ట్రీ 1.0 నుంచి 2.0కి.. అక్కడి నుంచి 3.0కి అప్డేట్ అయింది. ఇప్పుడు 4.0లో ఉన్నాము. కానీ 1.0 నుంచి 2.0కి మారడానికి దాదాపు 90 సంవత్సరాలు పట్టింది. 2.0 నుంచి 3.0కి మారేందుకు 70 ఏళ్లు.. 3.0 నుంచి 4.0కి 50 సంవత్సరాలు పట్టింది. దీనిని పరిగణలోకి తీసుకుని విద్యను కూడా మేము అదే విధంగా మార్చాము. కానీ చదువులో ఎవరు 1.0, 2.0 అనేవి వివరించలేదు. కానీ.. ఇప్పుడు మనం విద్యలో 4.0లో ఉన్నామని ఈకళాశాల నిరూపించింది.'' అంటూ వివరణ ఇచ్చారు.
ఈ కళాశాల విధానం ఏంటంటే.. విద్యార్థికి కావాల్సిన అన్ని అంశాలను ఒకే చోటు అందించాలనేదే మా కాన్సెప్ట్. విద్యను నేర్చుకునే విధానం, కాంపీటేషన్ను ఎదుర్కొనే విధానం, స్కిల్స్ డెవలెప్ చేసుకునే విధానాన్ని అందరూ ఒకటే అనుకుంటారు. కానీ అవి వేరు. వాటికి తగ్గట్లుగా స్టూడెంట్స్ని తయారు చేయడమే ఈ కళాశాల లక్ష్యమని చెప్పారు.
టెక్స్ట్ బుక్స్ని 3డితో రిప్లేస్ చేస్తే..
సాంకేతిక విద్యలో ముఖ్యంగా వర్చువల్ విధానంలో ఈ కళాశాల చాలా ముందుంది. ముఖ్యంగా ఇంజనీరింగ్లో పలు అంశాలపై దృష్టి పెట్టి దీనిని రూపొందించాము. IT, ECE, EEE, మెకానికల్, సివిల్ కోర్సులపై దృష్టి పెట్టి.. వాటిని 3డిలో రూపొందించాము. టెక్స్ట్ బుక్లోని అంశాన్ని అధ్యాపకులు వివరిస్తున్నప్పుడు స్టూడెంట్ ఆ ఇంజిన్ ఎలా ఉంటుందో.. లోపలి భాగాలు ఎలా ఉంటాయో ఊహించడం కష్టంగా ఉంటుంది.
ఓ వాహనం ఎలా ఉంటుందనేది ఊహించినా... దానిలోపలి భాగాలు ఎలా ఉంటాయనేది టెక్స్ట్ బుక్ నుంచి ఊహించుకోవడం కష్టంగానే ఉంటుంది. దానికోసం స్టూడెంట్ని ఇండస్ట్రీలకు, గ్యారేజీలకు తీసుకువెళ్లే బదులు.. గ్యారేజ్ లేదా ల్యాబ్నే క్లాస్రూమ్కి తీసుకురావాలనుకుని 3డి విధానాన్ని అందుబాటులోకి తెచ్చాము. వర్చువల్ రియాలటీ విధానంలో గేమ్స్ ఎలా ఆడుతారో.. అదే విధంగా ఓ స్టూడెంట్ తనకు కావాల్సిన అంశాన్ని వర్చువల్ రియాలటీలో నేర్చుకుంటాడు. వాటిని టచ్ చేయడం, వాటిని డిస్మ్యాటిల్ చేయడం వంటి వాటిని నిజంగా ఎక్స్పీరియన్స్ చేసిన అనుభూతి పొందుతారు. ఇప్పటివరకు ఇంజనీరింగ్లో దాదాపు 15,000 3D మోడళ్లను నిర్మించామని.. దాదాపు అన్ని ఇంజనీరింగ్ స్ట్రీమ్లలో 3D మోడళ్లను రూపొందిస్తామని తెలిపారు.
దీనికి సంబంధించిన ఎన్నో అంశాలపై నరేశ్ వట్టికూటి ఏబీపీ ఎడ్యూ కాంక్లేవ్ లో వివరించారు. ఆ లింక్ ఇక్కడుంది. క్లిక్ చేసి చూసేయండి.
టాప్ హెడ్ లైన్స్
ట్రెండింగ్ వార్తలు
