Temple Priest Ganja Cultivate: గుళ్లోనే పూలమొక్కల మధ్య గంజాయి సాగు - ఈ పూజారి నిర్వాకం చూస్తే అవాక్కవాల్సిందే!
Temple Priest Ganja: భక్తి ముసుగులో గంజాయి సాగు చేస్తున్న పూజారి నిర్వాకం నారాయణఖేడ్లో వెలుగు చూసింది. పోలీసులు ఇలా జరిగదని అనుకున్నారు కానీ తీరా రెయిడ్ చేస్తే రూ. 70 లక్షల విలువైన గంజాయి దొరికింది.
Temple Priest Cultivating Ganja alongside marigold flower plants: ఆధ్యాత్మిక మార్గంలో నడవాల్సిన ఒక పూజారి, అడ్డదారిలో డబ్బు సంపాదించాలనే ఆశతో ఏకంగా ఆలయ ప్రాంగణాన్నే గంజాయి తోటగా మార్చేశాడు. సంగారెడ్డి జిల్లా నారాయణఖేడ్ మండలం పంచగాం గ్రామంలో వెలుగుచూసిన ఈ ఘటన స్థానికంగా తీవ్ర కలకలం రేపుతోంది. గ్రామంలోని ఆలయంలో పూజారిగా, ఆధ్యాత్మిక గురువుగా చలామణి అవుతున్న అవుటి నాగయ్య , భక్తి ముసుగులో గంజాయి సాగు చేస్తూ ఎక్సైజ్ అధికారులకు అడ్డంగా దొరికిపోయాడు. పూల తోటల మధ్య గుట్టుచప్పుడు కాకుండా సాగు చేస్తున్న ఈ వ్యవహారాన్ని చూసి అధికారులు సైతం విస్మయానికి గురయ్యారు.
బంతి పూల తోటలో గంజాయి సాగు
సంగారెడ్డి డిస్ట్రిక్ట్ టాస్క్ ఫోర్స్ బృందం శుక్రవారం పంచగాం గ్రామంలోని సర్వే నంబర్ 45/15/1 వద్ద మెరుపు దాడులు నిర్వహించింది. ఆలయ ప్రాంగణంలో బంతి పూల సాగు చేస్తున్నట్లు నమ్మిస్తూ, వాటి మధ్యలో గంజాయి మొక్కలను పెంచుతున్నట్లు అధికారులు గుర్తించారు. ఎవరికీ అనుమానం రాకుండా పూల మొక్కల మాటున ఈ అక్రమ దందాను సాగిస్తున్న నాగయ్యను టాస్క్ ఫోర్స్ బృందం అదుపులోకి తీసుకుంది. ఈ దాడుల్లో భారీగా గంజాయి మొక్కలతో పాటు నిల్వ ఉంచిన డ్రగ్స్ను కూడా స్వాధీనం చేసుకున్నారు.
రూ. 70 లక్షల విలువైన గంజాయి స్వాధీనం
ఈ సోదాల్లో అధికారులు 685 గంజాయి మొక్కలు, 17.741 కిలోల ఎండు గంజాయి, సుమారు ఒక కిలో గంజాయి విత్తనాలను స్వాధీనం చేసుకున్నారు. గంజాయిని ప్యాకెట్లుగా మార్చి విక్రయించేందుకు సిద్ధం చేసినట్లు అధికారులు గుర్తించారు. వీటితో పాటు రూ. 30,000 నగదు, ఒక డిజిటల్ తూకం యంత్రం ,ఒక మొబైల్ ఫోన్ను సీజ్ చేశారు. స్వాధీనం చేసుకున్న మొత్తం సొత్తు విలువ సుమారు రూ. 70 లక్షల వరకు ఉంటుందని అంచనా వేస్తున్నారు. చుట్టుపక్కల గ్రామస్తులకు ఆధ్యాత్మిక బోధనలు చేసే వ్యక్తి ఇలాంటి మాదకద్రవ్యాల దందాకు పాల్పడటం అందరినీ దిగ్భ్రాంతికి గురిచేసింది.
Shocking, #TemplePriest was Cultivating and selling #Ganja [#Drugs], alongside marigold flower plants in #Temple Premises, in #Narayankhed, #Telangana . The DTF #Sangareddy team Arrested the #priest, seized Ganja, worth ₹70 lakhs.
— Surya Reddy (@jsuryareddy) January 31, 2026
A Temple Priest Posing as a Spiritual guide… pic.twitter.com/OAE3mcFzAy
కటకటాల్లోకి పూజారి
నిందితుడు నాగయ్యను అరెస్టు చేసిన ఎక్సైజ్ పోలీసులు, స్వాధీనం చేసుకున్న సొత్తుతో పాటు కేసు ను తదుపరి చర్యల నిమిత్తం నారాయణఖేడ్ ఎస్హెచ్ఓ కు అప్పగించారు. ఈ గంజాయిని ఎక్కడికి సరఫరా చేస్తున్నాడు? ఈ ముఠాలో ఇంకా ఎవరైనా ఉన్నారా? అనే కోణంలో పోలీసులు విచారణ జరుపుతున్నారు. ఆధ్యాత్మిక కేంద్రాలను ఇలాంటి అసాంఘిక కార్యకలాపాలకు వేదికగా మార్చడంపై భక్తులు , స్థానికులు తీవ్ర ఆగ్రహం వ్యక్తం చేస్తున్నారు.
టాప్ హెడ్ లైన్స్
ట్రెండింగ్ వార్తలు
