Mumbai Rave Party: సముద్రం మధ్యలో రేవ్ పార్టీ.. భారీగా డ్రగ్స్ పట్టివేత, అదుపులో టాప్ హీరో కొడుకు..!

ఎన్సీబీ టీమ్ అదుపులోకి తీసుకున్న వారిలో బాలీవుడ్‌కు చెందిన అగ్ర హీరో తనయుడు కూడా ఉన్నట్లు తెలుస్తోంది. ఆదివారం ఉదయం వారందరినీ ముంబయికి తీసుకొని వచ్చారు.

సముద్రం మధ్యలో రేవ్ పార్టీ.. భారీగా డ్రగ్స్ పట్టివేత, అదుపులో టాప్ హీరో కొడుకు..!

సముద్రంలో ఉన్న కోర్డేలియా క్రూయీజ్ ఎంప్రెస్ షిప్‌లో జరుగుతున్న రేవ్ పార్టీలో భారీ ఎత్తున డ్రగ్స్ రాకెట్ బయటపడింది. ఆ ప్రయాణికుల ఓడలో నార్కోటిక్స్ కంట్రోల్‌ బ్యూరో (ఎన్సీబీ) అధికారులు శనివారం అర్ధరాత్రి దాడులు జరిపారు. ఈ రేవ్‌ పార్టీలో పెద్ద ఎత్తున డ్రగ్స్ చెలామణి అవుతుందని విశ్వసనీయ సమాచారం రావడంతో ఎన్సీబీ అధికారులు తనిఖీలు చేశారు. పార్టీలో మత్తు పదార్థాలను వినియోగిస్తున్నట్లు గుర్తించారు. అక్కడే ఎన్సీబీ అధికారులకు అధిక మొత్తంలో కొకైన్‌ సహా ఇతర మత్తు పదార్థాలను స్వాధీనం చేసుకున్నారు. అందులోనే ఉన్న యువతీయువకులను అదుపులోకి తీసుకున్నారు. 

ఎన్సీబీ టీమ్ అదుపులోకి తీసుకున్న వారిలో బాలీవుడ్‌కు చెందిన అగ్ర హీరో తనయుడు కూడా ఉన్నట్లు తెలుస్తోంది. ఆదివారం ఉదయం వారందరినీ ముంబయికి తీసుకొని వచ్చారు. అదుపులోకి తీసుకున్న వారిలో 8 నుంచి 10 మందిని విచారణ జరుపుతున్నామని ఎన్సీబీ జోనల్ డైరెక్టర్ సమీర్ వాంఖడే తెలిపారు. సెలబ్రిటీల గురించి విలేకరులు ప్రశ్నించగా.. దానిపై తాను స్పందించబోనని చెప్పారు.

అయితే, షారూఖ్ ఖాన్ కుమారుడు ఆర్యన్ ఖాన్‌ను ఈ కేసులో పోలీసులు ప్రశ్నిస్తున్నట్లుగా జాతీయ వార్తా పత్రికలు రాశాయి. కానీ, వాంఖడే మాత్రం సెలబ్రిటీలను అదుపులోకి తీసుకున్నారనే విలేకరుల ప్రశ్నకు ప్రస్తుతం ఆ విషయంపై తాను స్పందించబోనని తేల్చి చెప్పారు. కానీ, ఎన్సీబీలోని విశ్వసనీయ వర్గాల సమాచారం మేరకు ఆర్యన్ ఖాన్‌కు ఈ రేవ్ పార్టీతో సంబంధం ఉందా లేదా అనే అంశంపై అతణ్ని విచారణ జరుపుతున్నారని జాతీయ వార్తా పత్రికలు పేర్కొన్నాయి. అతని ఫోన్ సీజ్ చేశామని, ఛాటింగ్, ఫోన్ కాల్ డేటా ఇతర వివరాలను పరిశీలిస్తున్నామని వారు తెలిపారు.

కోర్డేలియా క్రూయీజ్ ఎంప్రెస్ షిప్‌లో మూడు రోజుల పాటు ‘మ్యూజికల్ వోయేజ్’ పార్టీ జరగాల్సి ఉంది. బాలీవుడ్ ప్రముఖులు ఇందులో పాల్గొననున్నారు. ఈ పార్టీలో పాల్గొనేందుకు ఇద్దరు అమ్మాయిలు సహా ఓ వ్యాపారవేత్త ఢిల్లీ నుంచి ముంబయికి వచ్చినట్లుగా అధికారులు గుర్తించారు.

What is he saying?? #mumbai drugs #ncb #aryankhan https://t.co/RVKt1wEoUA

— Dinesh Kumar S (@dinz04_s) October 3, 2021

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి