IPOs This Week: డబ్బుల వర్షమే..! ఈ వారం ఐపీవోకు 4 కంపెనీలు ..! వివరాలు ఇవే

దలాల్‌ స్ట్రీట్‌లో ఐపీవో బూమ్‌ మాత్రం తగ్గలేదు. ఈ వారం ఏకంగా నాలుగు కంపెనీలు ఐపీవోకు వస్తున్నాయి.

ఐపీవో న్యూస్‌

భారత స్టాక్‌ మార్కెట్లు అత్యంత ఒడుదొడుకులకు లోనవుతున్నాయి! అయినప్పటికీ దలాల్‌ స్ట్రీట్‌లో ఐపీవో బూమ్‌ మాత్రం తగ్గలేదు. ఈ వారం ఏకంగా నాలుగు కంపెనీలు ఐపీవోకు వస్తున్నాయి. ఏ కంపెనీలు, ఏ ధరతో, ఎప్పుడెప్పుడు వస్తున్నాయంటే..!

రేట్‌గెయిన్‌ I RateGain Travel Technologies: ఇది ట్రావెలింగ్‌ రంగానికి చెందిన కంపెనీ. ట్రావెల్‌, హాస్పిటాలిటీ కంపెనీలకు సాఫ్ట్‌వేర్‌ సేవలు అందిస్తోంది. డిసెంబర్‌ 7న ఐపీవో మొదలవుతోంది. ధర రూ.405-425గా నిర్ణయించారు. ఒక లాట్‌కు 35 షేర్లు ఉన్నాయి. డిసెంబర్‌ 9న సబ్‌స్క్రిప్షన్‌ ముగుస్తుంది. కనీస పెట్టుబడి రూ.14,175.

శ్రీరామ్‌ ప్రాపర్టీస్‌ I Shriram Properties: ఈ కంపెనీ స్థిరాస్తి రంగానికి చెందింది. చెన్నై కేంద్రంగా సేవలు అందిస్తోంది. రియల్‌ ఎస్టేట్‌లో ఈ కంపెనీకి మంచి పేరే ఉంది! డిసెంబర్‌ 8న ఐపీవో సబ్‌స్క్రిప్షన్లు మొదలవుతాయి. దరఖాస్తు చేసేందుకు 10 చివరి తేదీ. ధరను రూ.113-118 గా నిర్ణయించారు. ఒక లాట్‌కు 125 షేర్లు కేటాయించారు. కనీస పెట్టుబడి రూ.14,125.

మ్యాప్‌ మై ఇండియా I MapmyIndia: దీని మాతృసంస్థ సీఈ ఇన్ఫో సిస్టమ్‌ లిమిటెడ్‌. ఇదో డేటా, టెక్‌ కంపెనీ. డిసెంబర్‌ 9 నుంచి 13 వరకు ఐపీవోకు దరఖాస్తు చేసుకోవచ్చు. ధర రూ.1000-1033గా నిర్ణయించారు. కనీస పెట్టుబడి రూ.14000.

మెట్రోబ్రాండ్స్‌ I Metro Brands: ఈ కంపెనీని రాకేశ్‌ ఝున్‌ఝున్‌వాలా ప్రమోట్‌ చేస్తున్నారు. ఇదో పాదరక్షల కంపెనీ. ఐపీవో డిసెంబర్‌ 10న మొదలై 14న ముగుస్తుంది. ధర రూ.485-500గా నిర్ణయించారు. కనీస పెట్టుబడి రూ.14,550.

 

 

 

 

 

View this post on Instagram

 

 

 

 

 

 

 

 

 

 

 

A post shared by Rachana Phadke Ranade (@ca_rachanaranade)

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి