EPFO New Update: జాబ్ మారారా? పీఎఫ్ బదిలీ చేయాల్సిన అవసరం లేదు.. మరో మార్పు చేశారు!
ఈపీఎఫ్వో సిస్టమ్స్ను పూర్తిగా అప్గ్రేడ్ చేస్తున్నారు. దశలవారీగా సమాచారం సెంట్రల్ డేటాబేస్కు చేరుకుంటుంది. ఫలితంగా ఈపీఎఫ్వో ఖాతా నంబర్ మార్చుకోవాల్సిన అవసరం లేదు.
ఉద్యోగ భవిష్య నిధి (ఈపీఎఫ్వో) చకచకా కీలక నిర్ణయాలు తీసుకుంటోంది. సంస్థను పూర్తిగా డిజిటలీకరణ చేసేస్తోంది. ఉద్యోగి ఇకపై ఉద్యోగం మానేసి మరో సంస్థకు వెళ్తే పీఎఫ్ ఖాతా సంఖ్య ఇకపై అదే ఉంటుంది. ఫండ్ అందులోకి బదిలీ అవుతుంది. ఈ మేరకు ఈపీఎఫ్వో ధర్మకర్తల మండలి నిర్ణయం తీసుకుంది.
ఈపీఎఫ్వో సీడాక్ సిస్టమ్స్ను అప్గ్రేడ్ చేస్తున్నారు. డుప్లికేషన్ వంటి ఇబ్బందులు లేకుండా డేటాను సరళీకరిస్తున్నారు. అందుకే ఎవరైనా ఒక సంస్థ నుంచి మరో సంస్థలో ఉద్యోగానికి మారితే ఖాతాను బదిలీ చేసుకోవాల్సిన అవసరం లేదు. ఖాతా బదిలీ గురించి ఆందోళన చెందాల్సిన పన్లేదు. దశల వారీగా వేర్వేరు కార్యాలయాల్లో ఉన్న డేటా అంతా సెంట్రల్ డేటాబేస్కు బదిలీచేస్తారు. దీంతో డుప్లికేషన్లు తొలగిపోయి వేర్వేరు ఖాతాలతో ఉన్న అన్నీ కలిసిపోయే ఒకే ఖాతాగా ఉంటాయి.
ఈపీఎఫ్వో 229వ ధర్మకర్తల మండలి సమావేశంలో డిజిటలీకరణకు సంబంధించిన నిర్ణయం తీసుకున్నారు. కేంద్ర కార్మిక మంత్రి భూపేంద్ర యాదవ్ సమావేశానికి అధ్యక్షత వహించారు. ఇదే సమావేశంలో పీఎఫ్ డబ్బుల్లో కొంత భాగం ప్రభుత్వ సెక్యూరిటీలు, మౌలిక ప్రాజెక్టుల్లో పెట్టుబడులు పెట్టేందుకు నిర్ణయం తీసుకున్నారు. అయితే సంస్థ ఆర్థిక, పెట్టుబడుల ఆడిట్ కమిటీ దీనిని పరిశీలించాల్సి ఉంది. 'కొత్తగా వచ్చిన ప్రభుత్వ బాండ్లు, మౌలిక సాధనాల్లో పెట్టుబడి పెట్టాలని నిర్ణయం తీసుకున్నాం. అయితే ఎంత శాతం పెట్టాలని ఇంకా నిర్ణయించుకోలేదు' అని యాదవ్ తెలిపారు.
Also Read: Multibagger share: 6 నెలల్లో లక్షకు రూ.2.62 కోట్ల రాబడి ఇచ్చిన పెన్నీ స్టాక్ ఇది!
Also Read: Go Fashion IPO: గ్రే మార్కెట్ ప్రీమియం ఏం చెబుతోంది? గో ఫ్యాషన్ సూపర్ హిట్టవుతుందా?
Also Read: GST Hike: బట్టలు, పాదరక్షలు కొనాలా? వెంటనే చేసేయండి.. లేదంటే జనవరిలో ధరల మోత తప్పదు!
Also Read: Ian Chappell on T20 WC: ప్రపంచకప్ టాస్ గెలువు కప్పు కొట్టుగా మారిందన్న ఇయాన్ ఛాపెల్..!
ఇంట్రస్టింగ్ వీడియోలు, విశ్లేషణల కోసం ABP Desam YouTube Channel సబ్స్క్రైబ్ చేయండి
టాప్ హెడ్ లైన్స్
ట్రెండింగ్ వార్తలు
