Festive Season Offer: కేవలం 99 రూపాయల EMI కే 'టయోటా గ్లాంజా'ను కొనేయండి - పరిమిత కాలపు ఆఫర్‌

Toyota Glanza Price And Features: టయోటా గ్లాంజా హ్యాచ్‌బ్యాక్‌లో 9 అంగుళాల టచ్‌ స్క్రీన్ ఇన్ఫోటైన్‌మెంట్ సిస్టమ్, రియర్‌ AC వెంట్‌, ఆటోమేటిక్ క్లైమేట్ కంట్రోల్‌ వంటి అడ్వాన్స్‌డ్‌ ఫీచర్లు ఉన్నాయి.

ఈ నెలాఖరు వరకే గోల్డెన్‌ ఛాన్స్‌, త్వరపడండి

Source : https://x.com/

Rs 99 EMI Offer On Toyota Glanza: భారతీయ మార్కెట్లో ఆర్థిక భారం తగ్గించే & మంచి మైలేజీ ఇచ్చే కార్లకు చాలా డిమాండ్ ఉంది. ఆటో కంపెనీలు ఈ ట్రెండ్‌ను క్యాష్‌ చేసుకోవడానికి & కస్టమర్లను ఆకర్షించడానికి ఏ చిన్న అవకాశాన్ని కూడా ఒదిలిపెట్టడం లేదు. కొన్ని కంపెనీలు ఎలక్ట్రిక్‌ వెహికల్స్‌ (EVs) బ్యాటరీపై జీవితకాల వారంటీని ఇస్తుండగా, మరికొన్ని కంపెనీలు నగదు, కార్పొరేట్ & ఎక్స్ఛేంజ్ బోనస్ పేరుతో ఆకర్షించడానికి ప్రయత్నిస్తున్నాయి. టయోటా కంపెనీ, వీటన్నింటినీ తలదన్నే సూపర్‌ ఆఫర్‌ ప్రకటించింది.

'బయ్‌ నౌ పే ఇన్‌ నవరాత్రి' ఆఫర్‌
బయ్‌ నౌ పే లేటర్‌ తరహాలో, 'బయ్‌ నౌ పే ఇన్‌ నవరాత్రి' (Buy Now Pay in Navratri) స్కీమ్‌ను టయోటా  ప్రకటించింది, ఇది పరిమిత కాలపు ఆఫర్‌. అంటే.. కస్టమర్లు "ఇప్పుడు కారు టయోటా కొనవచ్చు, నవరాత్రుల సమయం (ఫెస్టివ్‌ సీజన్‌)లో డబ్బులు చెల్లించవచ్చు". ఈ ఆఫర్ కింద, టయోటా కంపెనీ 2 ప్రసిద్ధ వాహనాలపై ఆకర్షణీయమైన EMI పథకం & రూ. 1 లక్ష వరకు ప్రయోజనాలను అందిస్తోంది. ఈ ఆఫర్ కింద, మీరు ఇప్పటికిప్పుడు టయోటా గ్లాంజాను కొనుగోలు చేయవచ్చు. అయితే, మీ EMI చెల్లింపులు మూడు నెలల తర్వాత ప్రారంభం అవుతాయి.

ఈ ఆఫర్ ఎప్పటి వరకు అందుబాటులో ఉంటుంది?
గ్లాంజాతో పాటు అర్బన్ క్రూయిజర్ హైరైడర్‌ను కూడా ఈ ఆఫర్‌ స్కీమ్‌ కిందకు తీసుకొచ్చింది టయోటా. జూన్ 30 వరకు ఈ ఆఫర్‌ లైవ్‌లో ఉంటుంది, అంటే ఈ నెలాఖరు వరకే మీకు గోల్డెన్‌ ఛాన్స్‌. టయోటా అధికారిక వెబ్‌సైట్ ప్రకారం, మీ EMI 3 నెలల తర్వాత నుంచి కట్‌ కావడం ప్రారంభం అవుతుంది. మొదటి 3 నెలల్లో మీరు కేవలం రూ. 99 EMI చెల్లించాలి. మూడు నెలల తర్వాత, మీరు కారు కొనుగోలు చేసినందుకు అయిన అసలు EMI చెల్లించాలి. రూ. 99 EMI స్కీమ్‌తో పాటు ఈ పాపులర్‌ కార్లపై రూ. 1 లక్ష వరకు ప్రయోజనాలను కూడా టయోటా అందిస్తోంది.

టయోటా గ్లాంజా ఫీచర్లు
టయోటా గ్లాంజా హ్యాచ్‌బ్యాక్ ఫీచర్ల ఫ్యూచరిస్టిక్‌గా ఉంటాయి. కారు క్యాబిన్‌లో 9-అంగుళాల టచ్‌ స్క్రీన్ ఇన్ఫోటైన్‌మెంట్ సిస్టమ్ & రియర్‌ AC వెంట్‌తో ఆటోమేటిక్ క్లైమేట్ కంట్రోల్ ఉన్నాయి. పుష్ బటన్ స్టార్ట్‌తో కీలెస్ ఎంట్రీ, ఆటోమేటిక్ హెడ్‌ల్యాంపులు, హెడ్-అప్ డిస్‌ప్లే ఫీచర్లు కూడా గ్లాంజాలో ఉన్నాయి. ఇంకా.. మల్టీ-ఇన్ఫో డిస్‌ప్లేతో అనలాగ్ డయల్ వంటి మరికొన్ని ఫీచర్లు టయోటా గ్లాంజాలో చూడవచ్చు.

భద్రత విషయంలోనూ గ్లాంజా గట్టిదే
టయోటా గ్లాంజా భద్రత విషయంలోనూ ముందుంది. ఈ కారులో, ప్రయాణీకుల సేఫ్టీ కోసం 6 ఎయిర్‌బ్యాగులు, 360-డిగ్రీ కెమెరా, ISOFIX చైల్డ్ సీట్ యాంకర్, ఎలక్ట్రానిక్ స్టెబిలిటీ కంట్రోల్ (ESC), రియర్‌ పార్కింగ్ సెన్సార్ & హిల్-హోల్డ్ అసిస్ట్ వంటి అడ్వాన్స్‌డ్‌ సేఫ్టీ ఫీచర్లు ఉన్నాయి.

మరిన్ని చదవండి

కారుకు కోటి రూపాయల పెయింట్ వేయించిన అనంత్ అంబానీ - పిచ్చెక్కించే ఫీచర్లు ఈ కార్‌ సొంతం

ఈ నెలలో ఈ SUVలపై రూ.3 లక్షల వరకు డిస్కౌంట్‌ - ఏ కారు కొనడం బెటర్‌?