Tata Sierra vs Kia Seltos Comparison: టాటా సియెరా వర్సెస్‌ కియా సెల్టోస్‌! మధ్యతరగతి బడ్జెట్‌కు సరిపోయే ఎస్‌యూవీ ఏదీ? ధర, ఫీచర్లు ఇతర పోలికలు తెలుసుకోండి!

Tata Sierra vs Kia Seltos: భారత్‌ ఎస్‌యూవీ మార్కెట్‌లో టాటా సియెరా, కియా సెల్టోస్‌ మధ్య ఆసక్తికరమైన పోటీ ఉంది. 10.99 లక్షల ప్రారంభ ధరతో సెల్టోస్ లభిస్తే, సియెరా 11. 49 లక్షల ధరకు కొనుగోలు చేయొచ్చు. 

టాటా సియెరా వర్సెస్‌ కియా సెల్టోస్‌! మధ్యతరగతి బడ్జెట్‌కు సరిపోయే ఎస్‌యూవీ ఏదీ?

Source : Social Media

Show Quick Read

Key points generated by AI, verified by newsroom

• సెల్టోస్ ఎక్కువ టెక్ ఫీచర్లు, సియెరా క్లాసిక్ డిజైన్ ఆకర్షిస్తాయి.

Tata Sierra vs Kia Seltos Comparison: భారతీయ ఆటోమొబైల్ రంగంలో ఎస్‌యూవీల హవా కొనసాగుతోంది. ముఖ్యంగా మధ్యతరగతి కుటుంబాలను ఆకట్టుకునేలా పది నుంచి 15 లక్షల బడ్జెట్‌లో కంపెనీలు పోటాపోటీగా కొత్త మోడల్స్ ప్రవేశ పెడుతున్నాయి. ఈ క్రమంలో నోస్టాలజీని గుర్తు చేసేలా సరికొత్త హంగులతో వచ్చిన టాటా సియెరా, ఆధునిక టెక్నాలజీకి మారుపేరుగా ఉన్న కియా సెల్టోస్‌ మధ్య చాలా పెద్ద పోటీ ఉంది. ఈ రెండు కార్లలో దేని ప్రత్యేకత ఏంటీ? మీ అవసరాలకు ఏ వాహనం సరిపోతుంది? అనే విషయాలను లోతుగా పరిశీలిద్దాం. 

ధర, వేరియంట్ల మధ్య తేడా 

ధర పరంగా చూస్తే కియా సెల్టోస్ ముందంజలో ఉంది. తక్కువ ధరకే లభిస్తుంది. కియో సెల్టోస్‌ బేసిక్ మోడల్‌ HTE పెట్రోల్‌ 1.5L మాన్యువల్ మోడల్‌ 10.99 లక్షలకు వస్తుంది. టాటా సియెరాలోని స్మార్ట్‌ ప్లస్ పెట్రోల్ 1.5 L మాన్యువల్‌ ప్రారంభ ధర 11.49 లక్షలుగా ఉంది. ప్రస్తుతం రెండు కార్లు తమ సెగ్మెంట్‌లో అత్యంత ప్రజాదరణ పొందిన బేసే వేరియంట్లుగా నిలిచాయి. 

ఇంజన్, ఫెర్మార్మెన్స్‌లో పోలికలు 

సామర్థ్యంలో విషయంలో రెండు కార్లు దాదాపు ఒకే రకమైన ఇంజిన్లు కలిగి ఉన్నాయి. అయితే పవర్ అవుట్‌పుట్‌లో స్వల్ప తేడాలు ఉన్నాయి. టాటా సియెరా 1498cc ఇంజిన్‌తో వస్తుండగా, కియో సెల్టోస్‌ 1497 cc ఇంజన్ కలిగి ఉంది. సెల్టోస్ పవర్‌లో ముందజలో ఉంది. ఇది 113bhp పవర్‌ను ఉత్పత్తి చేస్తుంది. సియెరా 105bhpకే పరిమితమైంది. 

టార్క్ విషయంలానికి వస్తే సియెరా 145Nm టార్క్‌ను అందిస్తే, సెల్టోస్‌ 144Nm టార్క్‌ను ఇస్తుంది. మైలేజీ గురించి చెప్పుకుంటే టాటా సియెరా లీటర్‌కు 17.4 కిలోమీటర్ల మైలేజీని అందిస్తుంది. 

పరిమాణం సౌకర్యంలో ఎవరిది పైచేయి 

ఒక ఎస్‌యూవీలో ప్రయాణికులు కోరుకునే ప్రధాన అంశం స్పేస్‌. ఈ విషయంలో టాటా సియెరా స్పష్టమైన ఆధిక్యాన్ని ప్రదర్శిస్తోంది. సియెరా 2730mm వీల్‌బేస్‌ను కలిగి ఉంది. దీంతో లోపల లెగ్ రూమ్‌ ఎక్కువగా ఉంది. సెల్టోస్‌ వీల్ బేస్ 2690mm మాత్రమే. బూట్ స్పేస్‌లో సియెరా ఎకంగా 622 లీటర్లు ఉంటే సెల్టోస్‌లో 447 లీటర్లకే పరిమితం అయ్యింది. బారతీయ రోడ్లపై ప్రయాణానికి అత్యంత ముఖ్యమైన గ్రౌండ్ క్లియరెన్స్‌ సియెరాలో 205mmగా ఉంది. ఇది ఎగుడు దిగుడు రోడ్లపై ప్రయాణాన్ని సులభతరం చేస్తుంది. 

భద్రతకు పెద్దపీట

భారతీయ వినియోగదారులు ఇప్పుడు భద్రతకు అత్యధిక ప్రాధాన్యత ఇస్తున్నారు. ఈ రెండు కార్లు కూడా భారత్‌ ఎన్‌క్యాప్ పరీక్షల్లో 5 స్టార్ రేటింగ్ సాధించాయి. రెండింటిలోనూ ఆరు ఎయిర్‌ బ్యాగ్‌లు ఉన్నాయి. డిస్క్‌బ్రేక్‌, ఏబీఎస్‌, ఈబీడీ వంటి ఫీచర్లు రెండు కార్లలోనూ ఉన్నాయి. 

టెక్నాలజీ, ఫీచర్ల విషయంలో తేడా ఏంటీ ? 

కియా సెల్టోస్‌ తన టెక్నాలజీతో కుర్రుకారును ఆకర్షిస్తోంది. ఇందులో 10.25ఇంచ్‌ల హెచ్‌డీ టచ్‌స్క్రీన్‌ డిస్‌ప్లే, వైర్‌లెస్‌ ఆండ్రాయిడ్‌ ఆటో, ఆపిల్ కార్‌ప్లే వంటి ఫీచర్లు ఉన్నాయి. మరోవైపు టాటా  సియెరా తన క్లాసిక్‌ డిజైన్‌తోపాటు ఆధునిక హంగులను అద్దింది. ఇందులో ఇల్యూమినేటెడ్‌ టాటా లోగోతో కూడిన స్టీరింగ్‌ వీల్ ప్రత్యేక ఆకర్షణగా నిలుస్తుంది. 

ఆర్థిక అంశాల్లో ఎవరు ఎక్కడ ఉన్నారు?

ఈ కార్లను కొనుగోలు చేయాలనుకుంటే వారికి ఐదేళ్ల కాలపరిమితితో ఈఎంఐ సౌకర్యం ఉంది. టాటా సియెరా కొనేందుకు నెలకు 21, 971 ఈఎంఐ పడే ాన్స్ ఉంది. కియా సెల్టోస్ కొనాలంటే నెలకు 21,015 ఈఎంఐ పడుతుంది. 

మీకు ఎక్కువ స్పేస్‌, భారీ బూట్ స్టోరేజీ, గంభీరమైన రూపం కావాలనుకుంటే టాటా సియెరా సరైన ఎంపిక. అలా కాకుండా తక్కువ ధరలో ఎక్కువ టెక్ ఫీచర్లు మెరుగైన ఇంజన్ పవర్, సిటీ డ్రైవింగ్‌కు అనువైన కారు కావాలనుకుంటే కియో సెల్టోస్‌ వైపు మొగ్గు చూపవచ్చు.   
 

మరిన్ని చదవండి

హిట్ మ్యాన్ రోహిత్ శర్మ గ్యారేజ్ లో లగ్జరీ కార్ల సందడి.. కోట్లు విలువ చేసే ఆ సూపర్ కార్ల విశేషాలివే!

రేంజ్‌లో టాటా సియెర్రా ఈవీ అన్నింటిని దాటుతుందా ? ఫీచర్లు, మైలేజీపై కస్టమర్లలో ఉత్కంఠ