Tata Altroz CNG AMT వెర్షన్ వచ్చేసింది.. అదిరిపోయే ఫీచర్లు , ధర చూసి డిసైడ్ అవ్వండి
టాటా మోటార్స్ తన ప్రీమియం హ్యాచ్బ్యాక్ ఆల్ట్రోజ్ సీఎన్జీ లో సరికొత్త ఏఎంటీ గేర్బాక్స్ వెర్షన్ను లాంచ్ చేసింది, ఇది డ్రైవింగ్ ను మరింత సులభం ఇంకా సౌకర్యవంతంగా మారుస్తుంది.
Tata Altroz CNG AMT Launched In India Price Features: టాటా మోటార్స్ భారతీయ ఆటోమొబైల్ మార్కెట్లోకి సరికొత్త ఆల్ట్రోజ్ సీఎన్జీ ఏఎంటీ (AMT) మోడల్ను విడుదల చేసింది. ఈ అప్డేట్తో తన సెగ్మెంట్లో సీఎన్జీ పవర్ట్రెయిన్తో పాటు ఏఎంటీ గేర్బాక్స్ ఆప్షన్ ఇస్తున్న ఏకైక హ్యాచ్బ్యాక్గా ఆల్ట్రోజ్ నిలిచింది. కస్టమర్లు ఈ కారును ఆన్లైన్లో లేదా దగ్గర్లోని షోరూమ్లలో బుక్ చేసుకోవచ్చు. దీని డెలివరీలు త్వరలోనే ప్రారంభం కానున్నాయి. మార్కెట్లో ఇది హ్యుందాయ్ i20, మారుతి సుజుకి బాలెనో ఇంకా టయోటా గ్లాంజా వంటి కార్లతో పోటీ పడుతోంది.
Tata Motors Passenger Vehicles has introduced the AMT variant of the Tata Altroz iCNG, making it the first and only premium hatchback in India to offer an automatic transmission with a CNG powertrain.
— AftermarketandService (@aftermarketweet) May 13, 2026
𝐑𝐞𝐚𝐝 𝐌𝐨𝐫𝐞: https://t.co/X7LRP4kGRE#TataMotors #CarLaunch pic.twitter.com/5UblU54Thj
ధరలు ,వేరియంట్లు..
టాటా ఆల్ట్రోజ్ సీఎన్జీ ఏఎంటీ మొత్తం ఐదు వేరియంట్లలో అందుబాటులో ఉంది. ఇందులో ప్యూర్ (Pure), ప్యూర్ ఎస్ (Pure S), క్రియేటివ్ (Creative), క్రియేటివ్ ఎస్ (Creative S) ఇంకా అకంప్లిష్డ్ ఎస్ (Accomplished S) వేరియంట్లు ఉన్నాయి. వీటి ఎక్స్-షోరూమ్ ధరలు రూ. 8.70 లక్షల నుండి ప్రారంభమై టాప్ మోడల్ రూ. 10.77 లక్షల వరకు ఉన్నాయి. టాటాకు చెందిన పేటెంట్ ట్విన్-సిలిండర్ టెక్నాలజీ వల్ల సీఎన్జీ సిలిండర్లు ఉన్నప్పటికీ ఇందులో 210 లీటర్ల బూట్ స్పేస్ లభిస్తుంది. సాధారణ పెట్రోల్ వెర్షన్లలో ఇది 345 లీటర్లుగా ఉంటుంది.
ఇంజిన్ , పర్ఫార్మెన్స్..
మెకానికల్ పరంగా చూస్తే ఇందులో పాత 1.2 లీటర్ల 3-సిలిండర్ ఇంజిన్నే వాడారు. ఇది పెట్రోల్ మోడ్ లో 88hp పవర్ ఇంకా 115Nm టార్క్ను ఉత్పత్తి చేస్తుంది. సీఎన్జీ మోడ్ లోకి మారినప్పుడు 73.5hp పవర్ తో పాటు 103Nm టార్క్ ఇస్తుంది. ఇందులోని 5-స్పీడ్ ఏఎంటీ గేర్బాక్స్ యూనిట్ ఇప్పటికే పెట్రోల్ వెర్షన్లలో సక్సెస్ అయింది. ఇప్పుడు అదే యూనిట్ను సీఎన్జీ లో ప్రవేశపెట్టడం ద్వారా సిటీ ట్రాఫిక్లో క్లచ్ వాడకుండా హాయిగా డ్రైవ్ చేసే వెసులుబాటు కలుగుతుంది. డ్రైవింగ్ ఈజ్ ఇంకా ఫ్యూయల్ ఎకానమీ కోరుకునే వారికి ఇది ఒక పర్ఫెక్ట్ కాంబినేషన్ అని చెప్పవచ్చు.
ఫీచర్లు , సేఫ్టీ..
ఫీచర్ల విషయంలో టాటా ఎక్కడా తగ్గలేదు. ఆల్ట్రోజ్ సీఎన్జీ ఏఎంటీ లో ఆరు ఎయిర్బ్యాగ్లు, ఎలక్ట్రానిక్ స్టెబిలిటీ ప్రోగ్రామ్, 16-ఇంచ్ మెషిన్-కట్ అలాయ్ వీల్స్ ఉన్నాయి. వెనుక వైపు కనెక్టింగ్ ఎల్ఈడీ లైట్ బార్, 360-డిగ్రీ కెమెరా సెటప్ ఇంకా సన్రూఫ్ వంటి ప్రీమియం ఫీచర్లు ఆకట్టుకుంటాయి. క్యాబిన్ లోపల 10.25-ఇంచ్ టచ్స్క్రీన్, ఆపిల్ కార్ప్లే, ఆండ్రాయిడ్ ఆటో సపోర్ట్, వైర్లెస్ ఛార్జింగ్ ఇంకా ఆంబియంట్ లైటింగ్ వంటి సౌకర్యాలు ఉన్నాయి. టాటా మోటార్స్ చీఫ్ కమర్షియల్ ఆఫీసర్ వివేక్ శ్రీవాత్సవ మాట్లాడుతూ, దేశంలో సీఎన్జీ వాహనాలకు పెరుగుతున్న డిమాండ్ను దృష్టిలో ఉంచుకుని ఈ ఏఎంటీ వెర్షన్ను తీసుకొచ్చినట్లు తెలిపారు. ఇది సేఫ్టీ ఇంకా ప్రాక్టికాలిటీలో ఎక్కడా కాంప్రమైజ్ కాకుండా బెస్ట్ డ్రైవింగ్ ఎక్స్పీరియన్స్ అందిస్తుంది.
టాప్ హెడ్ లైన్స్
ట్రెండింగ్ వార్తలు
