Bullet Bike Price Hiked: బ్యాడ్ న్యూస్, మీకు ఇష్టమైన బుల్లెట్ బైక్ రేటు పెరిగింది - కొత్త ధర ఎంతంటే?
Royal Enfield Bullet 350: రాయల్ ఎన్ఫీల్డ్ బుల్లెట్ 350 ధర రూ.2,000 పెరిగి రూ.3,000 వరకు పెరిగింది. ఇప్పుడు ఏ వేరియంట్ ధర ఎంత & ఎలాంటి ప్రత్యేక ఫీచర్లు అందుబాటులో ఉన్నాయో తెలుసుకుందాం.
Royal Enfield Bullet 350 New Price: రాయల్ ఎన్ఫీల్డ్ బుల్లెట్ 350 అనేది కేవలం ఒక బైక్ మాత్రమే కాదు, అది ఒక గుర్తింపు. దాదాపు ప్రతి బైక్ ప్రియుడు పిచ్చిగా ఇష్టపడే మోటార్ సైకిల్ ఇది. ఈ బైక్ 349cc J-సిరీస్ ఇంజిన్తో రోడ్డును దడదడలాడిస్తుంది. ఈ ఇంజిన్ 20.2 hp పవర్ను & 27 Nm టార్క్ను జనరేట్ చేస్తుంది. ఈ ఇంజిన్కు యాడ్ చేసిన 5-స్పీడ్ గేర్బాక్స్ ప్రతి రైడ్ను స్మూత్గా & స్ట్రాంగ్గా మారుస్తుంది. సుదీర్ఘ పర్యటనలోనూ ఈ బండి మిమ్మల్ని అలిసిపోనివ్వదు, పైగా అద్భుతమైన అనుభూతిని ఇస్తుంది. Bullet 350 లో బిగించిన ఇంజినే Classic 350 & Hunter 350లోనూ కనిపిస్తుంది.
డిజైన్ ఎలా ఉంది?
ఈ బైక్ ఇప్పటికీ రెట్రో లుక్తోనే ఉంది. రౌండ్ హెడ్లైట్లు, మెటల్ ఫ్యూయల్ ట్యాంక్, వైడ్ సైడ్ ప్యానెళ్లు & పవర్ఫుల్ థంప్ సౌండ్ ఈ బండి క్లాసిక్ టచ్ను అలాగే ఉంచాయి.
బుల్లెట్ 350 కొత్త ధరలు
రాయల్ ఎన్ఫీల్డ్, తన ఐకానిక్ బైక్ బుల్లెట్ 350 ధరలను రూ. 2,000 నుంచి రూ. 3,000 వరకు పెంచింది, వేరియంట్ను బట్టి ఈ రేటు మారుతుంది. జూన్ 2025లో అప్డేట్ చేసిన రేట్ లిస్ట్ ప్రకారం...
మిలిటరీ రెడ్ & బ్లాక్ వేరియంట్ల ధర గతంలో రూ. 1,73,562 గా ఉంది, ఇది ఇప్పుడు రూ. 1,75,562కి పెరిగింది.
స్టాండర్డ్ బ్లాక్ & మెరూన్ వేరియంట్ల ధర గతంలోని రూ.1,79,000 నుంచి ఇప్పుడు రూ.1,81,000 కి పెరిగింది.
అత్యంత ఖరీదైన బ్లాక్ గోల్డ్ వేరియంట్ ఇప్పుడు రూ. 2,15,801 కు బదులు రూ. 2,18,801 కు అందుబాటులో ఉంటుంది, అంటే రూ. 3,000 పెరిగింది. ఈ ధరలన్నీ ఎక్స్-షోరూమ్ రేట్లు.
ధరలు ఎందుకు పెంచాల్సి వచ్చిందన్న కారణాన్ని ఈ కంపెనీ ఇప్పటి వరకు అధికారికంగా ప్రకటించలేదు. అయితే, వాహన పరిశ్రమలో ఇన్పుట్ ఖర్చుల్లో (ఉక్కు, శ్రమ, సరఫరా గొలుసు వంటివి) పెరుగుదల, కొత్త రంగులు లేదా గ్రాఫిక్స్ & మార్కెట్ పొజిషనింగ్ దృష్ట్యా ఇటువంటి మార్పులు సాధారణంగా జరుగుతుంటాయి. రాయల్ ఎన్ఫీల్డ్, మార్కెట్ ట్రెండ్స్కు అనుగుణంగా తన ఉత్పత్తులను నిరంతరం అప్డేట్ చేస్తోందని కూడా ఇది సూచిస్తుంది.
ఫీచర్లు ఎలా ఉన్నాయి?
బుల్లెట్ 350లో 349cc సింగిల్-సిలిండర్, ఎయిర్-ఆయిల్ కూల్డ్ ఇంజిన్ ఉంది, ఇది 6,100 rpm వద్ద 20.2 పవర్ను శక్తిని & 4,000 rpm వద్ద 27 Nm టార్క్ను జనరేట్ చేస్తుంది. 5-స్పీడ్ గేర్బాక్స్ కారణంగా ఎలాంటి రోడ్లపై అయినా స్మూత్ రైడింగ్ ఎక్స్పీరియన్స్ ఉంటుంది. బ్రేకింగ్ సిస్టమ్ విషయానికి వస్తే... బ్రేక్ కొట్టిన చోటే బండి ఆగేలా ముందు భాగంలో డిస్క్ బ్రేక్లు & వెనుక భాగంలో డ్రమ్ బ్రేక్లు ఉన్నాయి. రైడర్ భద్రత కోసం ఈ మోటార్ సైకిల్కు ABS (Anti-lock Braking System) ఉంది, అత్యవసర పరిస్థితుల్లో ఈ బండి బ్రైకులు బిగుసుకుపోవు. మిలిటరీ వేరియంట్లో సింగిల్ ఛానల్ ABS & బ్లాక్ గోల్డ్ వేరియంట్లో డ్యూయల్ ఛానల్ ABS అందుబాటులో ఉన్నాయి. మిలిటరీ రెడ్, బ్లాక్, స్టాండర్డ్ మెరూన్ & బ్లాక్ గోల్డ్ కలర్ ఆప్షన్స్లో ఈ బండిని కొనవచ్చు.
టాప్ హెడ్ లైన్స్
ట్రెండింగ్ వార్తలు
