Renault Car Discounts: రెనో కార్లపై అదిరిపోయే మే ఆఫర్లు.. క్విడ్, ట్రైబర్, కైగర్‌లపై భారీ డిస్కౌంట్లు! ఏ మోడల్‌పై ఎంత సేవింగ్స్ అంటే?

మే నెలలో రెనో ఇండియా తన పాపులర్ కార్లపై భారీ తగ్గింపులను ప్రకటించింది. కైగర్, ట్రైబర్, క్విడ్ మోడళ్లపై రూ. 65,000 వరకు బెనిఫిట్స్ పొందే అవకాశం ఉంది.

రెనో ఇండియా

Source : x.com/RenaultIndia

Show Quick Read

Key points generated by AI, verified by newsroom

• రెనో మే నెలలో కైగర్, ట్రైబర్, క్విడ్ లపై డిస్కౌంట్లు ప్రకటించింది.
• కైగర్ పై రూ. 65,000 వరకు, ట్రైబర్ పై రూ. 45,000 వరకు ఆఫర్లు.
• క్విడ్ మోడల్ పై రూ. 40,000 వరకు తగ్గింపుతో కొత్త కార్లు లభ్యం.
• ఈ ఆఫర్లు మే 31, 2026 వరకు మాత్రమే అందుబాటులో ఉంటాయి.

Renault Car Discounts and Offers for May: కారు కొనుగోలుదారులకు రెనో ఇండియా ఈ మే నెలలో సూపర్ ఆఫర్లను తీసుకొచ్చింది. తన లైనప్‌లో ఉన్న మూడు ప్రధాన మోడళ్లు కైగర్, ట్రైబర్, క్విడ్‌లపై ఆకర్షణీయమైన డిస్కౌంట్లను కంపెనీ ప్రకటించింది. మోడల్, స్టాక్ సంవత్సరాన్ని బట్టి ఈ బెనిఫిట్స్ మారుతుంటాయి. ఈ నెలలో అన్నింటికంటే ఎక్కువగా రెనో కైగర్ ఎస్‌యూవీపై భారీ డిస్కౌంట్ లభిస్తోంది. అయితే తాజాగా లాంచ్ అయిన డస్టర్ మిడ్ సైజ్ ఎస్‌యూవీపై మాత్రం ఎటువంటి ఆఫర్ స్కీమ్ అందుబాటులో లేదు. ఈ ఆఫర్లు అన్నీ మే 31, 2026 వరకు మాత్రమే చెల్లుబాటు అవుతాయి. డీలర్ షిప్, నగరాన్ని బట్టి ఆఫర్ వివరాల్లో స్వల్ప మార్పులు ఉండే ఛాన్స్ ఉంది.

రెనో కైగర్ (Renault Kiger)..
ఈ మే నెలలో కైగర్ పై అన్నింటికంటే పెద్ద డిస్కౌంట్ ప్యాకేజీ అందుబాటులో ఉంది. ప్రస్తుతం ఉన్న విన్ (VIN) 2026 స్టాక్ పై మొత్తం రూ. 65,000 వరకు బెనిఫిట్స్ లభిస్తున్నాయి. ఇందులో రూ. 20,000 క్యాష్ డిస్కౌంట్, రూ. 15,000 వరకు ఎక్స్ఛేంజ్ బోనస్, రూ. 15,000 లాయల్టీ బెనిఫిట్స్ ఉన్నాయి. వీటితో పాటు రూ. 10,000 కార్పొరేట్ డిస్కౌంట్, రూ. 4,000 రూరల్ ఆఫర్ కూడా పొందవచ్చు. ఒకవేళ మీరు పాత మోడల్ ఎంవై (MY) 2025 స్టాక్ తీసుకుంటే ఏకంగా రూ. 88,500 వరకు సేవింగ్స్ చేసుకోవచ్చు. కైగర్ ధర రూ. 5.81 లక్షల నుండి రూ. 10.34 లక్షల (ఎక్స్-షోరూమ్) మధ్యలో ఉంది.

రెనో ట్రైబర్ (Renault Triber)..
ఫ్యామిలీ కారుగా పేరున్న ట్రైబర్ విన్ 2026 స్టాక్ పై రూ. 45,000 వరకు బెనిఫిట్స్ ఆఫర్ చేస్తున్నారు. ఇందులో రూ. 15,000 క్యాష్ డిస్కౌంట్, రూ. 15,000 వరకు ఎక్స్ఛేంజ్ బోనస్ ఉన్నాయి. వీటితో పాటు లాయల్టీ బోనస్, రూ. 10,000 కార్పొరేట్ డిస్కౌంట్ లభిస్తాయి. అర్హులైన కొనుగోలుదారులకు రూ. 4,000 గ్రామీణ ప్రాంత ఆఫర్ కూడా వర్తిస్తుంది. పాత ఎంవై 2025 స్టాక్ ఎంచుకునే వారు రూ. 60,000 వరకు ఆదా చేసుకోవచ్చు. ట్రైబర్ ఎక్స్-షోరూమ్ ధర రూ. 5.81 లక్షల నుండి రూ. 8.48 లక్షల వరకు ఉంటుంది.

రెనో క్విడ్ (Renault Kwid)..
రెనో క్విడ్ హ్యాచ్‌బ్యాక్ పై ఈ నెలలో కొంత తక్కువ ఆఫర్లు ఉన్నాయి. విన్ 2026 స్టాక్ పై రూ. 10,000 క్యాష్ డిస్కౌంట్, రూ. 15,000 లాయల్టీ బోనస్, రూ. 10,000 కార్పొరేట్ డిస్కౌంట్, రూ. 4,000 రూరల్ బెనిఫిట్ కలిపి మొత్తం రూ. 40,000 వరకు ఆఫర్లు లభిస్తాయి. ఎంవై 2025 స్టాక్ పై మాత్రం రూ. 50,000 వరకు బెనిఫిట్స్ ఉన్నాయి. క్విడ్ ధర రూ. 4.30 లక్షల నుండి రూ. 5.88 లక్షల (ఎక్స్-షోరూమ్) రేంజ్ లో అందుబాటులో ఉంది.

పైన చెప్పిన ధరలన్నీ ఎక్స్-షోరూమ్ కి సంబంధించినవి మాత్రమే. ఈ ఆఫర్లు అన్నీ మే 31, 2026 వరకు మాత్రమే అందుబాటులో ఉంటాయి. నగరం, డీలర్ షిప్, స్టాక్ లభ్యతను బట్టి ఆఫర్లు మారుతుంటాయి. కాబట్టి కారు కొనే ముందు మీకు దగ్గరలో ఉన్న రెనో డీలర్ షిప్ కు వెళ్లి పూర్తి వివరాలు తెలుసుకోవడం మంచిది. మంచి ఫీచర్లు, సేఫ్టీ ఉన్న ఈ కార్లను తక్కువ ధరలో సొంతం చేసుకోవడానికి ఇదే సరైన సమయం.

మరిన్ని చదవండి

మారుతి సుజుకి బ్రెజ్జా 2026 ఫేస్‌లిఫ్ట్ టెస్టింగ్ షురూ.. అండర్‌బాడీ సీఎన్‌జీ ట్యాంక్, హైబ్రిడ్ ఆప్షన్లతో కొత్త అవతారం!

హ్యుందాయ్‌ వెన్యూ vs కియా సోనెట్‌లో ఏ కాంపాక్ట్ ఎస్‌యూవీ సరైంది? 8 లక్షల బడ్జెట్‌ కార్లు కొనే ముందు తేడాలు తెలుసుకోండి!