Renault Triber VS Nissan Gravite: ఫ్యామిలీ కార్ల సెగ్మెంట్లో రెనో సంచలనం - కొత్త ఫీచర్లతో 2026 ట్రైబర్ ఎంట్రీ.. నిస్సాన్ గ్రావైట్ తో పోరు షురూ..
రెనో ఇండియా సరికొత్త 2026 ట్రైబర్ ఎంపీవీని లాంచ్ చేసింది. అదనపు ఫీచర్లు, మెరుగైన వేరియంట్లతో వచ్చిన ఈ కారు నిస్సాన్ గ్రావైట్ కు గట్టి పోటీనిస్తోంది.
Renault Triber Launched in India Comparison with Nissan Gravite: ఇండియన్ పాపులర్ ఎంపీవీ (MPV) మోడళ్లలో ఒకటిగా పేరున్న రెనో ట్రైబర్ ఇప్పుడు సరికొత్త హంగులతో 2026 వెర్షన్ లో మార్కెట్లోకి అడుగుపెట్టింది. రెనో ఇండియా ఈ అప్డేటెడ్ మోడల్ను మరిన్ని ఫీచర్లు, రివైజ్డ్ వేరియంట్లతో తీసుకువచ్చింది. ముఖ్యంగా మిడ్-స్పెక్ వేరియంట్లలో కూడా ప్రీమియం ఫీచర్లను అందుబాటులోకి తీసుకురావడం విశేషం. ఇదే సమయంలో మార్కెట్లో ఉన్న నిస్సాన్ గ్రావైట్ (Nissan Gravite) తో ఈ కొత్త ట్రైబర్ తలపడనుంది. ఈ రెండు కార్ల మధ్య ఉన్న పోలికలు, ధరలు, ఫీచర్ల వివరాలను ఇప్పుడు క్షుణ్ణంగా పరిశీలిద్దాం.
ధరలు - వేరియంట్లు..
2026 రెనో ట్రైబర్ మొత్తం నాలుగు వేరియంట్లలో లభిస్తుంది - అథెంటిక్, ఎవల్యూషన్, టెక్నో, ఎమోషన్. దీని ధర రూ. 5.80 లక్షల నుండి రూ. 8.48 లక్షల వరకు (ఎక్స్-షోరూమ్) ఉంటుంది. పాత మోడల్ తో పోలిస్తే బేస్ మోడల్ పై రూ. 5,000, టాప్ మోడల్ పై రూ. 9,000 వరకు ధర పెరిగింది. మరోవైపు నిస్సాన్ గ్రావైట్ విజియా, అసెంటా, ఎన్-కనెక్టా, టెక్నా, లాంచ్ ఎడిషన్ అనే ఐదు వేరియంట్లలో అందుబాటులో ఉంది. దీని ధర రూ. 5.65 లక్షల నుండి రూ. 8.93 లక్షల మధ్య ఉంటుంది. గ్రావైట్ బేస్ మోడల్ ట్రైబర్ కంటే రూ. 15,000 తక్కువగా ఉండగా, టాప్ మోడల్ విషయంలో ట్రైబర్ కంటే రూ. 45,000 ఎక్కువ ధరను కలిగి ఉంది.
కొలతలు - ప్లాట్ఫారమ్..
ట్రైబర్, గ్రావైట్ రెండూ కూడా ఒకే రకమైన సిఎమ్ఎఫ్-ఏ+ (CMF-A+) ప్లాట్ఫారమ్ మీద తయారయ్యాయి. వీటి వీల్ బేస్ (2,636 మి.మీ), గ్రౌండ్ క్లియరెన్స్ (182 మి.మీ) సమానంగా ఉన్నాయి. కొలతల పరంగా చూస్తే ట్రైబర్ పొడవు 3,990 మి.మీ కాగా, గ్రావైట్ 3,987 మి.మీ మాత్రమే ఉంటుంది. వెడల్పులోనూ ట్రైబర్ కొంచెం పెద్దదిగా అనిపిస్తుంది. రెండు కార్లలోనూ 15-అంగుళాల స్టైలిష్ వీల్స్ ఇచ్చారు. కలర్ ఆప్షన్ల విషయానికి వస్తే ట్రైబర్ లో స్టీల్త్ బ్లాక్, జంస్కర్ బ్లూ వంటి 6 రంగులు ఉండగా, గ్రావైట్ లో ఫారెస్ట్ గ్రీన్ తో కలిపి 5 రంగులు ఉన్నాయి.
ఫీచర్ల అప్డేట్..
రెనో ట్రైబర్ 2026 మోడల్ లో ఆటోమేటిక్ క్లైమేట్ కంట్రోల్ ఫీచర్ ను టాప్ ఎండ్ ఎమోషన్ వేరియంట్ లో చేర్చారు. అలాగే సెకండ్ రో సీట్ల లేఅవుట్ ను మార్చారు. ఇప్పుడు మూడవ వరుసలోకి వెళ్లడం చాలా సులభం. సెకండ్, థర్డ్ రో సీట్లను పూర్తిగా ఫోల్డ్ చేస్తే ఏకంగా 1,065 లీటర్ల బూట్ స్పేస్ లభిస్తుంది. టెక్నో వేరియంట్ లో ఇప్పుడు డ్రైవర్ ఆర్మ్ రెస్ట్, సీట్ హైట్ అడ్జస్ట్, రియర్ డెఫాగర్ వంటి ఫీచర్లు వచ్చాయి. ఎవల్యూషన్ వేరియంట్ లో స్టీరింగ్ మౌంటెడ్ కంట్రోల్స్, డే/నైట్ అడ్జస్టబుల్ ఐఆర్వీఎమ్ వంటి సదుపాయాలు కల్పించారు.
ఇంజిన్ - సేఫ్టీ..
రెండు కార్లలోనూ 1.0 లీటర్, 3-సిలిండర్ పెట్రోల్ ఇంజిన్ ఉంటుంది. ఇది 72 హెచ్పీ పవర్, 96 ఎన్ఎమ్ టార్క్ ఉత్పత్తి చేస్తుంది. 5-స్పీడ్ మాన్యువల్ లేదా ఏఎమ్టీ (AMT) గేర్ బాక్స్ ఆప్షన్లు ఉన్నాయి. మాన్యువల్ వేరియంట్లలో సీఎన్జీ (CNG) కిట్ ఆప్షన్ కూడా ఉంది. సేఫ్టీ పరంగా రెండు మోడళ్లలోనూ 6 ఎయిర్ బ్యాగులు స్టాండర్డ్ గా వస్తాయి. ఏబీఎస్, ఈఎస్సీ, ట్రాక్షన్ కంట్రోల్, హిల్ స్టార్ట్ అసిస్ట్ వంటి కీలక భద్రతా ఫీచర్లు రైడర్లకు భరోసా ఇస్తాయి. మొత్తానికి ఫ్యామిలీతో కలిసి ప్రయాణించే వారికి కొత్త ట్రైబర్ ఒక బెస్ట్ వాల్యూ ఫర్ మనీ కారుగా నిలుస్తుంది.
టాప్ హెడ్ లైన్స్
ట్రెండింగ్ వార్తలు
