Next-Gen Lexus ES India: లగ్జరీ కార్ లవర్స్‌కు గుడ్ న్యూస్: ఇండియాలో లాంచ్ కాబోతున్న లెక్సస్ ఇఎస్ సెడాన్!

Next-Gen Lexus ES India: జపనీస్ లగ్జరీ బ్రాండ్ లెక్సస్, తన ఎనిమిదవ తరం ఇఎస్ (ES) సెడాన్‌ను ఇండియాలో లాంచ్ చేయడానికి సిద్ధమైంది. సరికొత్త డిజైన్, హైబ్రిడ్ ఇంజిన్‌తో ఇది రానుంది.

లగ్జరీ కార్ లవర్స్‌కు గుడ్ న్యూస్: ఇండియాలో లాంచ్ కాబోతున్న లెక్సస్ ఇఎస్ సెడాన్!

Source : X.com

Show Quick Read

Key points generated by AI, verified by newsroom

• లెక్సస్ సరికొత్త ఎనిమిదవ తరం ES సెడాన్‌ను భారతదేశంలో విడుదల చేస్తోంది.
• కొత్త ES షార్ప్ డిజైన్, Z-ఆకారపు LED DRLలతో స్టైలిష్‌గా ఉంటుంది.
• 14-అంగుళాల టచ్‌స్క్రీన్, ADAS వంటి హైటెక్ ఫీచర్లతో లగ్జరీ ఇంటీరియర్.
• ES 300h హైబ్రిడ్ 215 hp పవర్, 22.37 km/l మైలేజీ అందిస్తుంది.

Next-Gen Lexus ES India: ప్రముఖ జపనీస్ లగ్జరీ కార్ల తయారీ సంస్థ లెక్సస్ (Lexus), భారత మార్కెట్లోకి తన సరికొత్త జనరేషన్ 'ఇఎస్' (ES) సెడాన్‌ను శుక్రవారం విడుదల చేయడానికి రంగం సిద్ధం చేసింది. అంతర్జాతీయ మార్కెట్లో 2025 ఏప్రిల్‌లో గ్లోబల్ డెబ్యూ చేసిన ఈ కారు, ఇప్పుడు ఎనిమిదవ తరం మోడల్‌గా ఇండియాలోకి అడుగుపెడుతోంది. మన దేశంలో దీనిని సీబీయూ(CBU) యూనిట్‌గా అసెంబ్లీ చేసి విక్రయించనున్నారు. అప్‌డేట్ చేసిన టీఎన్జీఏ- జీఏ-కే (TNGA GA-K) ప్లాట్‌ఫామ్‌పై ఆధారపడి రూపొందిన ఈ ప్రీమియం సెడాన్, లెక్సస్ లైనప్‌లోని ఎన్ఎక్స్, ఆర్ఎక్స్ మోడళ్ల సరసన చేరనుంది.

స్టైలిష్ ఎక్స్‌టీరియర్ డిజైన్

పాత మోడల్‌తో పోలిస్తే 2026 లెక్సస్ ఇఎస్ డిజైన్ చాలా షార్ప్‌గా ఉంది. ముందు భాగంలో జెడ్-షేప్ (Z-shaped) ఎల్‌ఈడీ డేటైమ్ రన్నింగ్ లైట్లు ఆకట్టుకుంటున్నాయి. టర్న్ సిగ్నల్స్ వీటిలోనే కలిసిపోయి ఉంటాయి. వెర్టికల్ గ్లాస్ బ్లాక్ ట్రిమ్ ప్యానెల్స్ వెనుక హెడ్‌లైట్లను  అమర్చారు. బంపర్ కింద భాగంలో డైమండ్ ప్యాటర్న్ ఇన్‌సర్ట్‌లతో కూడిన కాంపాక్ట్ ఎయిర్ డ్యామ్ కనిపిస్తుంది. సైడ్ వ్యూలో కొత్త అలాయ్ వీల్స్, బాడీపై ఉండే క్రీజ్ లైన్లు కారుకు స్పోర్టీ వైబ్‌ను ఇస్తాయి. వెనుక వైపు 'LEXUS' అక్షరాలతో ఎల్‌ఈడీ లైట్ బార్ ప్రత్యేక ఆకర్షణగా నిలుస్తుంది.

హైటెక్ ఇంటీరియర్, ఫీచర్లు

కారు లోపలి భాగం చాలా నీట్‌గా, లగ్జరీగా ఉంటుంది. సెంటర్ డాష్‌బోర్డ్‌లో 14 అంగుళాల భారీ టచ్‌స్క్రీన్ ఇన్ఫోటైన్‌మెంట్ సిస్టమ్ ప్రధాన ఆకర్షణ. బ్రాండ్ లోగోతో కూడిన త్రీ-స్పోక్ స్టీరింగ్ వీల్ డ్రైవింగ్ అనుభవాన్ని పెంచుతుంది. అడ్వాన్స్‌డ్ డ్రైవర్ అసిస్టెన్స్ సిస్టమ్స్ (ADAS), బాస్ మోడ్, మెమరీ ఫంక్షన్‌తో కూడిన పవర్డ్ ఫ్రంట్ సీట్లు, వెనక్కి వాలిపోయే రిక్లైనింగ్ రియర్ సీట్లు వంటి ప్రీమియం సౌకర్యాలు ఇందులో ఉన్నాయి. లగ్జరీని కోరుకునే వారికి ఈ ఇంటీరియర్ ఒక స్వర్గంలా అనిపిస్తుంది.

పవర్‌ట్రైన్, పర్ఫార్మెన్స్

భారత మార్కెట్లోకి లెక్సస్ ఇఎస్ హైబ్రిడ్ పవర్‌ట్రైన్‌తో వచ్చే అవకాశం ఉంది. ఇక్కడ ఇఎస్ 300హెచ్ (ES 300h) మోడల్‌ను ప్రవేశపెట్టవచ్చు. ఇందులో 2.5 లీటర్ ఫోర్-సిలిండర్ పెట్రోల్ ఇంజిన్‌ను ఎలక్ట్రిక్ మోటార్‌తో జత చేశారు. ఇది కలిపి సుమారు 215 హార్స్ పవర్ శక్తిని, 221 ఎన్ఎమ్ టార్క్‌ను ఉత్పత్తి చేస్తుంది. ఈ-సీవీటీ (e-CVT) గేర్‌బాక్స్ ద్వారా పవర్ ఫ్రంట్ వీల్స్‌కు చేరుతుంది. ఇది లీటరుకు 22.37 కిలోమీటర్ల అద్భుతమైన మైలేజీని ఇస్తుంది. కేవలం 8.9 సెకన్లలోనే సున్నా నుండి 100 కిలోమీటర్ల వేగాన్ని అందుకుంటుంది. భారత మార్కెట్లో దీని ధర సుమారు రూ. 70 లక్షల (ఎక్స్-షోరూమ్) వరకు ఉండవచ్చు. ఇది మెర్సిడెస్ బెంజ్ సి-క్లాస్ వంటి కార్లకు గట్టి పోటీ ఇవ్వనుంది.

మరిన్ని చదవండి

Lexus LM350h - బాలీవుడ్‌ స్టార్లు, బిజినెస్‌ టైకూన్లు ఎందుకు ఫిదా అవుతున్నారు?

ల‌గ్జరీ కార్ల కోసం లెక్స‌స్ కొత్త ప్లాన్.. మ‌రింత మందికి చేరువ చేసేలా ప్రణాళికలు .. లగ్జ‌రీ కేర్ స‌దుపాయంతో..