ఇన్నాళ్లకు రేటెంతో చెప్పారు.. మారుతి ఎలక్ట్రిక్ SUV ఇ విటారా ధర రూ.10.99 లక్షల నుంచి ప్రారంభం
మారుతి తొలి ఎలక్ట్రిక్ SUV ఇ విటారా ధర రూ.10.99 లక్షల నుంచి ప్రారంభమవుతుంది. బ్యాటరీ రెంటల్ మోడల్, 543 కి.మీ. రేంజ్, 8ఏళ్ల వారంటీ, హైదరాబాద్-విజయవాడ ధరల వివరాలు తెలుసుకోండి.
Maruti e Vitara Price And Specifications: జనాన్ని చాలా కాలం వెయిట్ చేయించిన మారుతి సుజుకి, తన తొలి ఎలక్ట్రిక్ SUV e Vitaraను అధికారికంగా మార్కెట్లోకి తీసుకొచ్చింది. ప్రారంభ ధర రూ.10.99 లక్షలు (ఎక్స్-షోరూమ్ ధర)గా ప్రకటించింది. అయితే ఇక్కడ ఒక ముఖ్యమైన విషయం ఉంది. ఈ ధరలో బ్యాటరీ ధర కలపలేదు. కంపెనీ బ్యాటరీని రెంటల్ మోడల్లో అందిస్తోంది.
బ్యాటరీ రెంటల్ ఎలా ఉంటుంది?
ఇ విటారా కోసం కస్టమర్లు బ్యాటరీని విడిగా అద్దెకు తీసుకోవాలి. ప్రతి కిలోమీటర్కు రూ.3.99 చెల్లించాలి. ప్రస్తుతం రూ.21,000తో బుకింగ్స్ ఓపెన్ చేశారు. మార్చి 31, 2026 వరకు ప్రత్యేక ప్రారంభ ఆఫర్లు కూడా అందిస్తున్నారు.
బ్యాటరీ ఆప్షన్లు - రేంజ్ ఎంత?
ఈ SUV రెండు బ్యాటరీ ఆప్షన్లతో వస్తుంది.
49kWh బ్యాటరీ - 144hp పవర్, 440 కి.మీ. ARAI రేంజ్
61kWh బ్యాటరీ - 174hp పవర్, 543 కి.మీ. ARAI రేంజ్
రెండు వేరియంట్లలో కూడా 189Nm టార్క్ ఉంటుంది. ఫ్రంట్ వీల్ డ్రైవ్ సెటప్తో అందిస్తున్నారు. Delta, Zeta, Alpha ట్రిమ్లలో లభిస్తుంది. Delta ట్రిమ్లో 49kWh బ్యాటరీ మాత్రమే ఉండగా, Zeta & Alphaలో 61kWh బ్యాటరీ ఉంటుంది.
ఛార్జింగ్ టైమ్ ఎంత?
7.4kW AC ఛార్జర్తో 10% నుంచి 80% వరకు
49kWh వెర్షన్ - 6.5 గంటలు
61kWh వెర్షన్ - 9 గంటలు
ఫాస్ట్ DC ఛార్జర్ (70kW వరకు సపోర్ట్) ఉపయోగిస్తే కేవలం 45 నిమిషాల్లోనే 10% నుంచి 80% వరకు ఛార్జ్ అవుతుంది. కంపెనీ 7.4kW AC ఛార్జర్ను ఉచిత ఇన్స్టాలేషన్తో ఇస్తోంది.
వారంటీ - బైబ్యాక్ ప్లాన్
బ్యాటరీపై 8 ఏళ్ల లేదా 1,60,000 కి.మీ. వారంటీ ఇస్తున్నారు. వాహనంపై 3 ఏళ్ల వారంటీ ఉంటుంది. అదనపు ఖర్చుతో 5 ఏళ్ల ఎక్స్టెండెడ్ వారంటీ తీసుకోవచ్చు. 3 ఏళ్లు/45,000 కి.మీ. ప్లాన్లో 60% బైబ్యాక్ విలువ, 4 ఏళ్లు/60,000 కి.మీ. ప్లాన్లో 50% బైబ్యాక్ విలువ హామీ ఇస్తున్నారు.
డిజైన్ - ఫీచర్లు
Auto Expo 2023లో చూపించిన eVX కాన్సెప్ట్ ఆధారంగా ఇ విటారాను SUVని రూపొందించారు. ముందుభాగంలో LED హెడ్ల్యాంప్స్, బ్యాటరీ కూలింగ్ కోసం ఓపెన్-క్లోజ్ అయ్యే గ్రిల్ షట్టర్లు ఉన్నాయి. పక్కన 18 ఇంచుల అలాయ్ వీల్స్, వెనుక LED టెయిల్ల్యాంప్స్ కనెక్టెడ్ డిజైన్తో కనిపిస్తాయి.
ఇంటీరియర్లో బ్రౌన్-బ్లాక్ డ్యూయల్ టోన్ థీమ్, 10.25 ఇంచుల డిజిటల్ డ్రైవర్ డిస్ప్లే, 10.1 ఇంచుల టచ్స్క్రీన్, Apple CarPlay, Android Auto, Infinity సౌండ్ సిస్టమ్, వైర్లెస్ ఛార్జింగ్, గ్లాస్ సన్రూఫ్, అంబియంట్ లైటింగ్, వెంటిలేటెడ్ సీట్లు, 10-వే పవర్డ్ డ్రైవర్ సీట్, Level 2 ADAS వంటి ఆధునిక ఫీచర్లు అందిస్తున్నారు.
భద్రత పరంగా 7 ఎయిర్బ్యాగ్స్, 360 డిగ్రీ కెమెరా, TPMS, ఎలక్ట్రానిక్ పార్కింగ్ బ్రేక్ ఉన్నాయి. BNCAP నుంచి 5-స్టార్ రేటింగ్ సాధించింది.
తెలుగు రాష్ట్రాల్లో ధరలు
హైదరాబాద్, విజయవాడ సహా తెలుగు రాష్ట్రాల్లో ప్రారంభ ఎక్స్-షోరూమ్ ధర రూ.10.99 లక్షలు. ఆన్రోడ్ ధర రిజిస్ట్రేషన్, ఇన్సూరెన్స్, ఇతర ఛార్జీలపై ఆధారపడి సుమారు రూ.12.50 లక్షల వరకు ఉండొచ్చు. ఖచ్చితమైన వివరాల కోసం సమీప మారుతి నెక్సా డీలర్ను సంప్రదించండి.
పోటీ కార్లు ఏవి?
ఇ విటారా, ఇప్పుడు, Toyota Ebella, Hyundai Creta Electric, MG ZS EV, Tata Curvv EV, Mahindra BE 6 వంటి మోడళ్లతో పోటీ పడుతుంది.
మారుతి సుజుకీ, ఎలక్ట్రిక్ సెగ్మెంట్లోకి ఆలస్యంగా అడుగుపెట్టినా, బ్యాటరీ రెంటల్ మోడల్తో కొత్త ప్రయోగం చేసింది. యూజర్లు ఈ కొత్త ప్లాన్ను ఎలా స్వీకరిస్తారో చూడాలి.
ఇంకా ఇలాంటి ఆటోమొబైల్ వార్తలు & అప్డేట్స్ - "ABP దేశం" 'ఆటో' సెక్షన్ని ఫాలో అవ్వండి.
టాప్ హెడ్ లైన్స్
ట్రెండింగ్ వార్తలు
