Best Highway Cars India: భారత్‌ రోడ్లపై కింగ్స్ ఈ కార్లు‌! లాంగ్ డ్రైవ్‌కు సరిపోయే అత్యుత్తమ హైవే క్రూయిజర్లు ఇవే!

Best Highway Cars:నగర ప్రయాణాలకు భిన్నంగా హైవే డ్రైవింగ్‌కు ప్రత్యేక లక్షణాలు కలిగిన కార్లు అవసరం. భద్రత, స్థిరత్వం, పవర్‌ఫుల్ ఇంజిన్‌తోపాటు సుదీర్ఘ ప్రయాణాలను సుఖమయం చేసే కార్ల గురించి తెలుసుకుందాం.

భారత్‌ రోడ్లపై కింగ్స్ ఈ కార్లు‌! లాంగ్ డ్రైవ్‌కు సరిపోయే అత్యుత్తమ హైవే క్రూయిజర్లు ఇవే!

Source : Social Media

Show Quick Read

Key points generated by AI, verified by newsroom

• హైవే ప్రయాణాలకు టాటా పంచ్, ఆల్ట్రోజ్ ఉత్తమ ఎంపికలు.
• మహీంద్రా XUV 3XO, XUV 7XO, XEV 9S హైవేలకు సరిపోతాయి.
• వోక్స్‌వ్యాగన్ వర్టస్‌ సెడాన్ ప్రియులకు అద్భుతమైన హైవే కారు.
• టాటా సియెరా, XUV 7XO సౌకర్యవంతమైన, స్థిరమైన ప్రయాణాన్ని అందిస్తాయి.

Best Highway Cars India: చాలా మంది వాహనదారులు ఎక్కువగా జాతీయ రహాదారులపై డ్రైవే చేయడానికి ఇష్టపడతారు. అయితే నగరాల్లో అద్భుతంగా నడిచే ప్రతి కారు హైవేలపై అదే పనితీరును చూపిస్తుందని చెప్పలేదు. నగరంలోని ట్రాఫిక్‌లో మైలేజీ ఇచ్చే కారు కంటే హైవేపై వెళ్లేటప్పుడు స్థిరమైన వేగం, అత్యవసర సమయంలో దూసుకుపోయే, ప్రమాదాల నుంచి రక్షించే కారు చాలా అవసరం. ఇలాంటి కార్ల గురించి చూస్తున్నట్టు అయితే వివిధ బడ్జెట్‌ ధరల్లో అందుబాటులో ఉన్న ఉత్తమ హైవే కార్ల గురించి ఇప్పుడు చూద్దాం.  

టాటా పంచ్‌ 

భారత్‌లో ఎక్కువ అమ్ముడవుతున్న కార్లలో ఒకటైన టాటా పంచ్‌, దాని ఫేస్‌లిఫ్ట్‌ వెర్షన్ ద్వారా హైవే ప్రయాణాలకు సిద్ధమైంది. గతంలో పంచ్‌లో హైవే డ్రైవింగ్‌కు అవసరమైన పవర్‌ తక్కువగా ఉండేది. కానీ కొత్తగా తీసుకొచ్చిన  1.2 లీటర్‌ టర్బో పెట్రోల్‌ ఇంజిన్ ఆ లోటును భర్తీ చేసింది. ఈ కొత్త 120పీఎస్‌ టర్బో పెట్రోల్ ఇంజిన్ సహాయంతో పంచ్ ఇప్పుడు గంటకు వంద నుంచి 120 కిలోమీటర్ల వేగంతో దూసుకెళ్తోంది. ఎలాంటి ఒత్తిడి లేకుండానే స్మూత్‌గా ప్రయాణించగలదు. ముఖ్యంగా 1, 750ఆర్‌పీఎం నుంచి నాలుగువేల ఆర్పీఎం మధ్య ఉండే టార్క్ కారణంగా ఓవర్‌టేక్ చేయడం చాలా ఈజీ అవుతుంది. వేగం పెరిగే కొద్దీ స్టీరింగ్ బరువుగా మారి డ్రైవర్‌కు మంచి నియంత్రణను అందిస్తుంది. అయితే దీని ఎత్తు ఎక్కువగా ఉండటం వల్ల వేగంగా మలుపు తిరిగేటప్పుడు ఇంజిన్, గాలి శబ్దం లోపలికి వినిపిస్తుంది. 

టాటా ఆల్ట్రోజ్ 

హ్యాచ్‌బ్యాక్‌ విభాగంలో హైవే ప్రయాణాలకు ఆల్ట్రోజ్ ఒక అద్భుతమైన ఎంపిక. ఆల్ట్రోజ్‌ భారత్‌లోని అత్యంత స్థిరమైన హ్యాచ్‌బ్యాక్‌లలో ఒకటిగా పేరు తెచ్చుకుంది. గంటకు 120 కిలోమీటర్ల వేగంతో వెళ్తున్నా ఇది రోడ్డుపై చాలా స్ట్రాంగ్‌లా నిలబడుతుంది. హైవేల కోసం ఈ మోడల్‌లో డీజిల్ ఇంజిన్ ఉత్తమమైంది. ఎందుకంటే ఇది 200Nm టార్క్‌ను అందిస్తూ ఓవర్‌టేకింగ్‌ను సులభతరం చేస్తుంది. 5 స్టార్ సేఫ్టీ రేటింగ్ కలిగి ఉండటం వల్ల హైవేలపై వేగంగా వెళ్లేటప్పుడు ప్రయాణికులకు భద్రతపై నమ్మకం కలుగుతుంది. అయితే, దీని పెట్రోల్‌ ఇంజిన్ హైవేలపై కొంత నెమ్మదిగా అనిపించవచ్చు.  

మహీంద్రా XUV 3XO

మహీంద్రా నుంచి వచ్చిన XUV 3XO, ఒక చిన్న కారులో పెద్ద కారును నడుపుతున్న అనుభూతిని కలిగిస్తుంది. దీనిలోని 1.2 లీటర్‌ టర్బో పెట్రోల్‌ ఇంజిన్ 131 పీఎస్ పవర్, 230Nm టార్క్‌ను ఉత్పత్తి చేస్తుంది. ఇది తన విభాగంలోనే అత్యధికం. ఇందులో లెవల్‌ 2 ఏడీఏఎస్‌ ఫీచర్లు ఉన్నాయి. ముఖ్యంగా అడాప్టివ్‌ క్రూయిజ్‌ కంట్రోల్‌ వంటి ఫీచర్లు సుదీర్ఘ ప్రయాణాల్లో డ్రైవర్‌ అలసటను తగ్గిస్తాయి. 

వోక్స్‌వ్యాగన్ వర్టస్‌ 

మీరు సెడాన్ ప్రియులైతే, వోక్స్‌ వ్యాగన్ వర్టస్‌ కంటే మెరుగైన హైవే కారు మరొకటి ఉండదు. దీనిలోని 1.5 లీటర్‌ TSI ఇంజిన్ 150పీఎస్‌ పవర్‌, 250Nm టార్క్‌ను అందిస్తుంది. వంద కిలోమీటర్ల వేగం వద్ద కూడా ఇంజిన్ తక్కువ ఆర్పీఎంలో ఉండటం వల్ల ప్రయాణం చాలా ప్రశాంతంగా ఉంటుంది. దీని స్టీరింగ్ చాలా కచ్చితంగా ఉండి, హైవేలపై డ్రైవింగ్‌ ఆనందాన్ని పెంచుతుంది. 

టాటా సియెరా

కొత్త లాంచ్ అయిన టాటా సియెరా దాని ప్రత్యేకమైన డిజైన్, సౌకర్యాలతో వినియోగదారులను ఆకట్టుకుంటోంది. దీనిలోని లౌంజ్‌ తరహా సీటింగ్ సుదీర్ఘ ప్రయాణాల్లో ప్రయాణికులు అలసట కలగకుండా చూస్తుంది. ఇందులో ఉపయోగించిన ఫ్రిక్వెన్సీ- సెలెక్టివ్ డ్యాంపింగ్‌ టెక్నాలజీ రోడ్డుపై ఉండే గుంతలను, కుదుపులను సమర్థవంతంగా గ్రహిస్తుంది. 

మహీంద్ర XUV 7XO

గతంలో ఉన్న XUV 700కి ఫేస్‌లిఫ్ట్ వెర్షన్‌గా వచ్చిన XUV 7XO, హైవేలపై మానుస్టర్‌లా దూసుకుపోతుంది. దీనిలోని 2.2 లీటర్ డీజిల్‌ ఇంజిన్ 450Nm భారీ టార్క్‌ను అందిస్తుంది. ఇది హైవే డ్రైవింగ్‌కు సరిగ్గా సరిపోతుంది. కొత్త డావిన్సీ సస్పెన్షన్, డ్యాంపింగ్ టెక్నాలజీ వల్ల కారు అత్యంత వేగంలో కూడా స్థిరంగా ఉంటుంది. అడాప్టివ్ క్రూయిజ్‌ కంట్రోల్, లేన్ కీప్ అసిస్ట్ వంటి భద్రతను రెట్టింపు చేస్తాయి. 

మహీంద్రా XEV 9S

ఎలక్ట్రిక్ వాహనాల యుగంలో మహీంద్రా XEV 9S హైవేల కోసం ప్రత్యేకంగా రూపొందించారు. ఇది 285 PS పవర్, 380Nm టార్క్‌ను ఉత్పత్తి చేస్తుంది. గంటకు 150 నుంచి 160 కిలోమీటర్ల వేగంతో కూడా ఇది రోడ్డుపై అత్యంత స్థిరంగా ఉంటుంది. దీనిపై సెమి యాక్టివ్ సస్పెన్షన్ రోడ్డు పరిస్థితులకు అనుగుణంగా రియల్ సర్దుబాటు అవుతుంది. క్యాబిన్ లోపల శబ్దం చాలా తక్కువగా ఉండటం వల్ల ప్రయాణం ఆహ్లాదకరంగా ఉంటుంది. ఎలక్ట్రిక్ వాహనం కాబట్టి, అతి వేగంతో ప్రయాణించినప్పుడు బ్యాటరీ రేంజ్ తగ్గే అవకాశం ఉంది. అయితే దీనిలోని 79kWh బ్యాటరీ ప్యాక్‌ హైవేలపై దాదాపు 450 నుంచి 500 కిలోమీటర్ల రియల్ వరల్డ్ రేంజ్ అందిస్తుంది. 

హైవే ప్రయాణాల కోసం కారును ఎంచుకునేటప్పుడు మీ బడ్జెట్, అవసరాలను బట్టి నిర్ణయం తీసుకోవాలి. బడ్జెట్ తక్కువగా ఉండి భద్రత కావాలనుకునే వారికి టాటా పంచ్ లేదా ఆల్ట్రోజ్ సరైనవి. అత్యుత్తమ డ్రైవింగ్ అనుభవం కావాలనుకునే వారు వోక్స్‌వ్యాగన్ వర్టస్‌ వైపు మొగ్గు చూపవచ్చు. పెద్ద మహీంద్రా XUV 7XO లేదా ఎలక్ట్రిక్ వెర్షన్‌లో XEV 9S అద్భుతమైన  ఎంపికలు కావచ్చు. 

మరిన్ని చదవండి

భారత్‌లో అత్యంత తక్కువ ధరలో లభించే టాప్ 5 టర్బో పెట్రోల్ ఎస్‌యూవీలు! లో బడ్జెట్‌లో పవర్‌ఫుల్‌ కార్లు!

మధ్యతరగతి మెచ్చే 10 లక్షల బడ్జెట్‌ కియా కార్లు! ధర, ఫీచర్లు, మైలేజీ సంగతేంటి?