(Source: ECI/ABP News)
Hyundai Creta EMI Plan: రూ.50 వేల డౌన్పేమెంట్తో హ్యుందాయ్ క్రెటా కొనవచ్చా, నెలకు ఎంత EMI కట్ అవుతుంది?
Hyundai Creta Finance Plan: హైదరాబాద్లో హ్యుందాయ్ క్రెటా బేస్ మోడల్ ఆన్-రోడ్ ధర దాదాపు రూ. 13.76 లక్షలు. ఈ కారును కారును ఫైనాన్స్లో కూడా కొనుగోలు చేయవచ్చు.
Hyundai Creta Price, Down Payment, Loan and EMI Details: ప్రతి నెలా అత్యధికంగా అమ్ముడవుతున్న SUV లలో హ్యుందాయ్ క్రెటా మొదటి స్థానంలో ఉంది, దీనిని బట్టి ఈ కారుకు ఉన్న డిమాండ్ను మీరు ఊహించవచ్చు. హ్యుందాయ్ క్రెటా.. స్టైలిష్ గ్రీల్, అగ్రెసివ్ హెడ్ల్యాంప్స్ & సిగ్నేచర్ LED DRLs తో, మొదటి చూపులోనే ఆకట్టుకుంటుంది. కొత్తగా డిజైన్ చేసిన అలాయ్ వీల్స్ & బాడీ కలర్ డోర్ హ్యాండిల్స్ దీని లుక్ను మార్చేశాయి. బోల్డ్ బంపర్లు, క్లీన్ బాడీ లైన్స్ ఈ ఫోర్వీలర్ను ప్రీమియం SUVలా మలిచాయి. కాంటెంపరరీ డిజైన్ లాంగ్వేంజ్తో క్రెటా యూత్ను, సిటీ స్ట్రీట్ లుక్ను మెరిపిస్తోంది.
హ్యుందాయ్ క్రెటా బడ్జెట్-ఫ్రెండ్లీ కారు. హైదరాబాద్లో దీని ఎక్స్-షోరూమ్ ధర రూ. 11.11 లక్షల నుంచి ప్రారంభమై రూ. 20.42 లక్షల వరకు ఉంటుంది & ఆన్-రోడ్ రేటు రూ. 13.75 లక్షల నుంచి రూ. 25.39 లక్షల వరకు ఉంటుంది. విజయవాడలోనూ, స్వల్ప తేడాతో దాదాపు ఇదే రేటు పలుకుతోంది. ఈ కారు పెట్రోల్ & డీజిల్ వేరియంట్లలో మార్కెట్లో అందుబాటులో ఉంది.
హ్యుందాయ్ క్రెటా కొనాలంటే లోన్ వస్తుందా?
ఈ వెహికల్ను మీరు కార్ లోన్ మీద కూడా కొనుగోలు చేయవచ్చు. హ్యుందాయ్ క్రెటా కొనడానికి, మీ దగ్గర కొంత డౌన్పేమెంట్ ఉండాలి. అయితే, రూ.50,000 డౌన్ పేమెంట్తో ఈ బండి కొనడం దాదాపుగా సాధ్యం కాదు. షోరూమ్లు కనీసం 2.75 లక్షల డౌన్పేమెంట్ అడుగుతాయి. మిగిలిన రూ. 11 లక్షలు బ్యాంక్ నుంచి కార్ లోన్గా మంజూరవుతుంది.
ప్రతి నెలా ఎంత EMI చెల్లించాలి?
బ్యాంక్, రూ. 11 లక్షల రుణాన్ని 9 శాతం వడ్డీ రేటుతో మంజూరు చేసిందని అనుకుందాం. ఇప్పుడు, నెలకు ఎంత EMI కట్ అవుతుందో లెక్క చూద్దాం.
7 సంవత్సరాల కాలానికి కార్ లోన్ తీసుకుంటే, ప్రతి నెలా రూ. 17,705 మొత్తం EMI చెల్లించాలి.
6 సంవత్సరాల్లో రుణం మొత్తం తీర్చాలని నిర్ణయించుకుంటే, నెలకు రూ. 19,836 EMI కట్ అవుతుంది.
5 సంవత్సరాల లోన్ టెన్యూర్ ఎంచుకుంటే, నెలకు రూ. 22,843 EMI బ్యాంక్లో జమ చేయాలి.
4 సంవత్సరాల్లో లోన్ క్లియర్ చేయాలంటే నెలకు రూ. 27,385 EMI బ్యాంక్కు కట్టాలి.
హ్యుందాయ్ క్రెటా పవర్ & మైలేజ్
హ్యుందాయ్ క్రెటా 2025 మూడు ఇంజిన్ ఎంపికలతో మార్కెట్లో ఉంది. అవి: 17.4 నుంచి 18.2 kmpl వరకు మైలేజీ ఇచ్చే 1.5L నేచురల్లీ ఆస్పిరేటెడ్ పెట్రోల్ ఇంజన్, ఎక్కువ పవర్ & రిఫైన్మెంట్కు ప్రసిద్ధి చెందిన 1.5L టర్బో పెట్రోల్ ఇంజిన్ & 21.8 kmpl వరకు గొప్ప మేలేజ్ అందిచగల 1.5L డీజిల్ ఇంజిన్. ఈ ఇంజిన్లు మాన్యువల్, CVT & 7-స్పీడ్ DCT ట్రాన్స్మిషన్ ఆప్షన్స్తో అందుబాటులో ఉన్నాయి, కస్టమర్ అవసరం & డ్రైవింగ్ స్టైల్ను బట్టి ఒక ఆప్షన్ ఎంచుకోవచ్చు.
టాప్ హెడ్ లైన్స్
ట్రెండింగ్ వార్తలు
