BaaS స్కీమ్తో ఎలక్ట్రిక్ కార్లు - రేటు తగ్గేను రూ.లక్షల్లో, km చొప్పున చెల్లిస్తే చాలు
భారత్లో MG, టాటా, మారుతీ ఎలక్ట్రిక్ కంపెనీలు తమ కార్లను BaaS స్కీమ్తో అందిస్తున్నాయి. దీనివల్ల కొనుగోలు ధర లక్షల్లో తగ్గుతుంది, కిలోమీటర్ చొప్పున బ్యాటరీకి అద్దె చెల్లించవచ్చు.
Electric Cars BaaS Scheme India: భారత్లో ఎలక్ట్రిక్ కార్లపై ఆసక్తి పెరుగుతోంది. కానీ ఒక పెద్ద సమస్య మాత్రం ఇంకా చాలామందిని వెనక్కి తగ్గిస్తోంది - అదే అధిక ముందస్తు ధర/కొనుగోలు ధర. బ్యాటరీ ప్యాక్ ఖరీదు ఎక్కువగా ఉండటం వల్లే ఎలక్ట్రిక్ కార్లు సాధారణ పెట్రోల్, డీజిల్ కార్ల కంటే ఖరీదుగా కనిపిస్తాయి.
ఈ సమస్యకు పరిష్కారంగా కొన్ని కంపెనీలు "బ్యాటరీ యాజ్ ఏ సర్వీస్" (Battery as a Service, BaaS) స్కీమ్ను తీసుకొచ్చాయి. ఈ స్కీమ్ కింద, మీరు కారు కొనుగోలు చేసే సమయంలో బ్యాటరీ ధర చెల్లించాల్సిన అవసరం ఉండదు. దానికి బదులుగా, ప్రతి కిలోమీటర్ ప్రయాణానికి ఒక నిర్దిష్ట చార్జీ చెల్లిస్తారు. దీనివల్ల ముందస్తు ఖర్చు/కొనుగోలు ధర రూ.లక్షల్లో తగ్గుతుంది.
ప్రస్తుతం భారత్లో మూడు ప్రధాన కంపెనీలు ఈ విధానాన్ని అందిస్తున్నాయి - MG Motor India, Tata Motors & Maruti Suzuki. ప్రస్తుతం ఈ స్కీమ్తో అందుబాటులో ఉన్న మోడళ్లు ఇవే:
MG Comet EV
సాధారణ ఎక్స్-షోరూమ్ ధర: ₹7.63 లక్షల నుంచి
BaaS ప్రారంభ ధర: ₹4.92 లక్షలు
బ్యాటరీ సబ్స్క్రిప్షన్ ఫీజు: ₹3.2 ప్రతి కిలోమీటర్కు
BaaS స్కీమ్తో ముందస్తు ధర సుమారు ₹2.71 లక్షలు తగ్గుతుంది. అంటే మీరు సేవ్ చేసే మొత్తంతో దాదాపు 85,000 కిలోమీటర్ల వరకు బ్యాటరీ అద్దె చెల్లించవచ్చు.
Tata Punch EV
సాధారణ ఎక్స్-షోరూమ్ ధర: ₹9.69 లక్షల నుంచి
BaaS ప్రారంభ ధర: ₹6.49 లక్షలు
సబ్స్క్రిప్షన్ ఫీజు: ₹2.6 ప్రతి కిలోమీటర్కు
ఇది ప్రస్తుతం భారత్లో అత్యల్ప బ్యాటరీ అద్దె చార్జీ ఉన్న ఎలక్ట్రిక్ కారు. ముందస్తు ధరలో సుమారు ₹3.20 లక్షలు తగ్గుతుంది.
MG Windsor EV
BaaS ప్రారంభ ధర: ₹9.99 లక్షలు
బ్యాటరీ ఎంపికపై ఆధారపడి చార్జీ: ₹3.9 నుంచి ₹4.5 ప్రతి కిలోమీటర్కు
ముందస్తు ఖర్చు తగ్గింపు: గరిష్టంగా ₹5.11 లక్షలు
చిన్న 38kWh బ్యాటరీకి తక్కువ చార్జీ, పెద్ద 52.9kWh బ్యాటరీకి ఎక్కువ చార్జీ ఉంటుంది.
Maruti Suzuki e Vitara
BaaS ప్రారంభ ధర: ₹10.99 లక్షలు
సబ్స్క్రిప్షన్ ఫీజు: ₹3.99 నుంచి ₹4.39 ప్రతి కిలోమీటర్కు
ముందస్తు ధర తగ్గింపు: గరిష్టంగా ₹5.50 లక్షలు
ఇది ప్రస్తుతం భారత్లో అత్యధిక ఆదా ఇస్తున్న ఎలక్ట్రిక్ మోడల్గా నిలిచింది.
MG ZS EV
BaaS ప్రారంభ ధర: ₹13 లక్షలు
బ్యాటరీ సబ్స్క్రిప్షన్: ₹4.5 ప్రతి కిలోమీటర్కు
ముందస్తు ఖర్చు తగ్గింపు: గరిష్టంగా ₹5.24 లక్షలు
50.3kWh బ్యాటరీ ప్యాక్తో వచ్చే ఈ మోడల్ MG ఎలక్ట్రిక్ లైన్అప్లో ప్రీమియం ఎంపికగా నిలుస్తోంది.
BaaS తీసుకోవాలా?
రోజూ ఎక్కువగా ప్రయాణించే వాళ్లు, ప్రారంభంలో తక్కువ పెట్టుబడితో ఎలక్ట్రిక్ కారు కొనాలనుకునే వారు BaaS స్కీమ్ను పరిగణలోకి తీసుకోవచ్చు. కానీ కిలోమీటర్కు చెల్లించే అద్దె దీర్ఘకాలంలో ఎంత ఖర్చవుతుందో ముందుగానే లెక్కించుకోవాలి.
మొత్తంగా చూస్తే, తక్కువ ధరతో మరింత మందిని ఎలక్ట్రిక్ కార్ల వైపు మళ్లించేందుకు ఈ స్కీమ్ ఒక మంచి ఉపాయం. మీరు కూడా EV కొనాలని ఆలోచిస్తుంటే, ఈ BaaS ఆప్షన్లు మీకు ఉపయోగపడవచ్చు.
ఇంకా ఇలాంటి ఆటోమొబైల్ వార్తలు & అప్డేట్స్ - "ABP దేశం" 'ఆటో' సెక్షన్ని ఫాలో అవ్వండి.
టాప్ హెడ్ లైన్స్
ట్రెండింగ్ వార్తలు
