ఫిబ్రవరి 2026 కార్ సేల్స్‌: జనం ఈ కంపెనీ కార్లను తెగ కొన్నారు, డిమాండ్‌ కూడా పెరిగింది

ఫిబ్రవరి 2026లో దేశంలో ప్యాసింజర్ వాహనాల అమ్మకాలు 25% పెరిగాయి. టాటా మోటార్స్ మహీంద్రాను తక్కువ తేడాతో అధిగమించి రెండో స్థానం దక్కించుకుంది. పూర్తి సేల్స్ రిపోర్ట్ ఇక్కడ తెలుసుకోండి.

ఫిబ్రవరి 2026 కార్ సేల్స్‌: గత నెలలో ఈ కార్లకే భారీ డిమాండ్, కొనడానికి జనం క్యూ

Source : social media

 February 2026 Car Sales India: ఫిబ్రవరి 2026లో దేశీయ ప్యాసింజర్ వాహనాల మార్కెట్ మంచి వృద్ధిని నమోదు చేసింది. మొత్తం 3,70,616 వాహనాలు రిజిస్టర్‌ అయ్యాయి. గత సంవత్సరం ఇదే నెల (2025 ఫిబ్రవరి)లో ఈ నంబర్‌ 2,96,657 యూనిట్లు మాత్రమే ఉండగా, ఈసారి 25 శాతం పెరుగుదల కనిపించింది. అయితే నెలవారీగా చూస్తే చాలా బ్రాండ్లు జనవరిలో కంటే కొద్దిగా తగ్గుదల చూపించాయి.

మారుతీ సుజుకి ఆధిపత్యం కొనసాగింపు

Maruti Suzuki 1,53,604 యూనిట్లతో మళ్లీ మొదటి స్థానాన్ని నిలబెట్టుకుంది. గత ఏడాదితో పోలిస్తే 28 శాతం వృద్ధి సాధించింది. మార్కెట్ షేర్ 41.4 శాతానికి పెరిగింది. SUV మోడళ్లతో పాటు హ్యాచ్‌బ్యాక్ విభాగంలో కూడా కంపెనీ బలంగా నిలిచింది. Wagon R, Swift, Baleno వంటి మోడళ్లు టాప్ సెల్లర్స్‌గా నిలిచాయి. Dzire సెడాన్ కూడా ఆ నెలలో అత్యధికంగా అమ్ముడైన రెండో కారుగా గుర్తింపు పొందింది.

టాటా మోటార్స్ రెండో స్థానం

Tata Motors ఫిబ్రవరిలో 50,654 యూనిట్లు విక్రయించింది. 43 శాతం వార్షిక వృద్ధితో, మహీంద్రాను అతి తక్కువ తేడాతో అధిగమించి రెండో స్థానాన్ని దక్కించుకుంది. Nexon (19,430 యూనిట్లు) & Punch (18,748 యూనిట్లు) అమ్మకాలు కంపెనీకి ప్రధాన బలం అయ్యాయి.

మహీంద్రా హోరాహోరీ పోటీ

Mahindra & Mahindra 49,900 యూనిట్లు విక్రయించి మూడో స్థానంలో నిలిచింది, ఫిబ్రవరిలో 20 శాతం వృద్ధిని నమోదు చేసింది. SUV తరహాలో ఉండే మోడళ్లపై ఈ కంపెనీ ఎక్కువగా ఆధారపడుతోంది. XUV 7XO, XEV 9S లాంటి కొత్త మోడళ్లు త్వరలో అమ్మకాలను మరింత పెంచే అవకాశముంది.

హ్యుందాయ్, టయోటా, కియా స్థిర వృద్ధి

Hyundai Motor India 45,213 యూనిట్లతో నాలుగో స్థానంలో నిలిచింది. Creta ఒక్కటే 17,938 యూనిట్లు విక్రయించి భారీ డిమాండ్ సంపాదించింది.

Toyota Kirloskar Motor 26,095 యూనిట్లు విక్రయించింది. Innova, Hyryder, Fortuner అమ్మకాలు కంపెనీకి బలం అయ్యాయి. Urban Cruiser EBella అనే కొత్త ఎలక్ట్రిక్‌ మోడల్ ధరలను త్వరలో ప్రకటించే అవకాశం ఉంది.

Kia India 24,690 యూనిట్లతో 27 శాతం వృద్ధి సాధించింది. కొత్త తరం Seltos, Sonet మోడళ్లు మంచి డిమాండ్ పొందాయి.

ఇతర బ్రాండ్ల పరిస్థితి

Skoda Auto Volkswagen India కలిపి 7,578 యూనిట్లు విక్రయించాయి. Volkswagen Tayron R-Line మోడల్‌ను రూ. 46.99 లక్షల ఎక్స్‌-షోరూమ్‌ ధరకు విడుదల చేసింది.

JSW MG Motor India 4,957 యూనిట్లతో 24 శాతం వృద్ధి సాధించింది. Windsor EV మంచి అమ్మకాలు నమోదు చేసింది.

Honda Cars India మాత్రం 4,759 యూనిట్లతో 11 శాతం తగ్గుదల చూపించింది.

Renault India 3,240 యూనిట్లు విక్రయించి 27 శాతం వృద్ధి సాధించింది.

Nissan Motor India 1,616 యూనిట్లతో 7 శాతం తగ్గుదల నమోదు చేసింది.

మొత్తంగా చూస్తే ఫిబ్రవరి 2026లో కార్ల మార్కెట్ బలంగా పుంజుకుంది. ముఖ్యంగా SUV మోడళ్లకు డిమాండ్ ఎక్కువగా కనిపించింది. టాటా–మహీంద్రాల మధ్య పోటీ మరింత రసవత్తరంగా మారింది. రాబోయే నెలల్లో కొత్త మోడళ్ల ప్రభావంతో మార్కెట్ మరింత ఉత్సాహంగా ఉండే అవకాశం ఉంది.

ఇంకా ఇలాంటి ఆటోమొబైల్‌ వార్తలు & అప్‌డేట్స్‌ - "ABP దేశం" 'ఆటో' సెక్షన్‌ని ఫాలో అవ్వండి.

మరిన్ని చదవండి

ఈ నెలలో Honda కారు కొనేవాళ్లకు భారీ ఆఫర్లు - హైదరాబాద్, విజయవాడలో ఎంత లాభం?

MG Comet నుంచి Tata Punch EV వరకు.. BaaS బ్యాటరీ రెంట్‌తో 5 ఎలక్ట్రిక్ కార్ల ధర తక్కువ