తక్కువ ధర, డ్రైవింగ్ లైసెన్స్, రిజిస్ట్రేషన్ అవసరం లేకపోవడం వంటి కారణాల వల్ల భారత్లో ఎలక్ట్రిక్ స్కూటర్లకు డిమాండ్ పెరుగుతోంది. ఇవి రోజువారీ పనులకు ఉపయోగపడతాయి.
No Driving License: డ్రైవింగ్ లైసెన్స్, RC లేకుండా ఈ ఎలక్ట్రిక్ స్కూటీలను నడపవచ్చు! EVల ధరలు చూశారా
తక్కువ ధరలో లభించడం, సులభంగా ఉపయోగించుకునేలా ఉండటం ఈ Electric Scooters అతిపెద్ద ప్రత్యేకత. ఎవరైనా రోజూ కొన్ని కిలోమీటర్లు మాత్రమే ప్రయాణించాల్సి ఉండి, ఎక్కువ వేగం అవసరం లేకపోతే ఇవి సరిపోతాయి.

- భారత్లో తక్కువ ధర ఎలక్ట్రిక్ స్కూటర్లకు అధిక డిమాండ్ ఉంది.
- తక్కువ వేగం, పవర్తో లైసెన్స్, రిజిస్ట్రేషన్ అవసరం లేదు.
- కొమాకి వంటి చవకైన స్కూటర్లు రూ.47 వేల నుంచి లభిస్తాయి.
- రోజువారీ చిన్న ప్రయాణాలకు ఇవి చాలా అనుకూలం, ఉపయోగకరం.
భారత్లో ఎలక్ట్రిక్ స్కూటర్లకు డిమాండ్ వేగంగా పెరుగుతోంది. అందులోనూ తక్కువ ధర కలిగిన ఎలక్ట్రిక్ స్కూటర్లు ఆకట్టుకుంటున్నాయి. వీటి వేగం తక్కువగా ఉండటం వల్ల వీటిని నడపడానికి డ్రైవింగ్ లైసెన్స్ (Driving License), రిజిస్ట్రేషన్ అవసరం ఉండదు. ఇటువంటి స్కూటర్లు మీకు రోజువారీ పనుల కోసం ఉపయోగపడతాయి. రూ. 47 వేల నుంచి ప్రారంభమయ్యే ఎలక్ట్రిక్ స్కూటర్ల గురించి ఇక్కడ తెలియజేస్తున్నాం.
మోటార్ పవర్ 250W కంటే తక్కువగా ఉండి, టాప్ స్పీడ్ గంటకు 25 కిమీ కంటే తక్కువగా ఉండే ఎలక్ట్రిక్ స్కూటర్లకు(Electric Scooters) డ్రైవింగ్ లైసెన్స్, రిజిస్ట్రేషన్ అవసరం లేకపోవడమే వీటి ప్రత్యేకత. ఏదైనా మోడల్ను కొనుగోలు చేసే ముందు దాని స్పెసిఫికేషన్లు, అమలులో ఉన్న నిబంధనలను తెలుసుకోవాలి.
కొమాకి- Komaki XGT KM
ఈ జాబితాలో అత్యంత చవకైన ఈవీలలో కొమాకి XGT KM ఒకటి. దీని ధర సుమారు రూ. 46,924 ఉంటుంది. ఇందులో 60V 28Ah బ్యాటరీ ఇచ్చారు. కంపెనీ ప్రకారం, ఇది ఒకసారి ఛార్జ్ చేస్తే దాదాపు 60 నుండి 65 కిలోమీటర్ల రేంజ్ ఇస్తుంది. బ్యాటరీ ఫుల్ ఛార్జ్ చేయడానికి దాదాపు 4 గంటల టైం పడుతుంది. తక్కువ బడ్జెట్లో ఎలక్ట్రిక్ స్కూటర్ కొనాలనుకునే వారికి ఇది బెస్ట్.
జెలియో లిటిల్ గ్రేసీ స్కూటర్ (Zelio Little Gracy)
తక్కువ బడ్జెట్లో ఎలక్ట్రిక్ స్కూటర్ కోరుకునేవారికి జెలియో లిటిల్ గ్రేసీ స్కూటీ ఒక మంచి ఆప్షన్. ధర సుమారు రూ. 49,500. ఇందులో 1.5kW ఎలక్ట్రిక్ మోటార్ ఇచ్చారు. ఒకసారి ఛార్జ్ అయితే దాదాపు 60 నుంచి 90 కిలోమీటర్ల వరకు నడుస్తుందని కంపెనీ తెలిపింది.
ఈ-స్ప్రింటో రోమీ (e-Sprinto Roamy)
ఈ-స్ప్రింటో రోమీ ఈవీ ధర సుమారు రూ. 54,999గా ఉంది. ఆయా నగరాల్లో ధరల్లో వ్యత్యాసం ఉంటుంది. ఇందులో 250W BLDC మోటార్ ఇచ్చారు. ఈ స్కూటర్ ఒకసారి ఛార్జ్ చేస్తే దాదాపు 100 కిలోమీటర్ల వరకు వెళ్తుందని కంపెనీ తెలిపింది. దీని బ్యాటరీని ఫుల్ ఛార్జ్ చేయడానికి దాదాపు 4 నుంచి 5 గంటల టైమ్ పడుతుంది.
యులు విన్ ఈవీ (Yulu Wynn)
తక్కువ ధర ఆప్షన్లలో యులు విన్ ఎలక్ట్రిక్ స్కూటీ ఒకటి. దీని ధర సుమారు రూ. 55,555గా ఉంది. ఇందులో 19.3Ah బ్యాటరీ ఇచ్చారు. రేంజ్ దాదాపు 68 కిలోమీటర్లు అని కంపెనీ తెలిపింది. ఈవీని స్మార్ట్ఫోన్కు కనెక్ట్ చేసి స్టార్ట్ చేయవచ్చు. ఇందులో కీ-లెస్ సిస్టమ్ లభిస్తుంది.
ఒకినావా లైట్ స్కూటర్ (Okinawa Lite)
ఒకినావా లైట్ ఎలక్ట్రిక్ స్కూటర్ ధర సుమారు రూ. 69,093. ఇందులో 1.25kWh బ్యాటరీ, 250W మోటార్ ఇచ్చారు. ఇది ఒకసారి ఫుల్ ఛార్జ్ చేస్తే దాదాపు 60 కిలోమీటర్లు వెళ్తుందని ఒకినావా కంపెనీ పేర్కొంది. పూర్తిగా ఛార్జింగ్ చేయడానికి దాదాపు 4 నుంచి 5 గంటల టైమ్ పడుతుంది.
జెమోపై రైడర్ ఈవీ (Gemopai Ryder)
జెమోపై రైడర్ ధర సుమారు రూ. 70,850. ధర కాస్త ఎక్కువ ఉన్నప్పటికీ దీనికి సైతం డ్రైవింగ్ లైసెన్స్, ఆర్సీ అవసరం లేదు. ఇందులో 250W మోటార్తో పాటు 1.7kWh బ్యాటరీ వస్తుంది. ఫుల్ ఛార్జ్పై స్కూటీ దాదాపు 120 కిలోమీటర్ల రేంజ్ ఇస్తుందని కంపెనీ పేర్కొంది. బ్యాటరీని పూర్తిగా ఛార్జ్ చేయడానికి దాదాపు 4 గంటలు పడుతుంది.
Also Read: ఒకే కారు.. నాలుగు రకాల పవర్ట్రెయిన్లు! టాటా నెక్సాన్లో మీ అవసరానికి తగిన బెస్ట్ ఆప్షన్ ఏదంటే?
చిన్న ప్రయాణాలకు చాలా ఉపయోగకరం
ఈ స్కూటర్ల ప్లస్ పాయింట్ ఏంటంటే తక్కువ ధర, సులభంగా ఉపయోగించవచ్చు. తేలికగా ఉంటాయి. రోజూ కొన్ని కిలోమీటర్లు మాత్రమే ప్రయాణించాల్సి ఉండి, ఎక్కువ స్పీడ్ అవసరం లేనివారికి ఈ ఎలక్ట్రిక్ స్కూటర్లు సెట్ అవుతాయి. తక్కువ స్పీడ్ వల్ల వీటిని సాధారణ పెట్రోల్ స్కూటర్లతో పోలిస్తే నడపడం తేలిక అనిపిస్తుంది. అలాగే, లైసెన్స్ మరియు రిజిస్ట్రేషన్కు సంబంధించిన ప్రస్తుత నిబంధనలను కూడా సరిచూసుకోవడం మంచిది.
Frequently Asked Questions
భారత్లో తక్కువ ధర ఎలక్ట్రిక్ స్కూటర్లకు డిమాండ్ ఎందుకు పెరుగుతోంది?
డ్రైవింగ్ లైసెన్స్, రిజిస్ట్రేషన్ అవసరం లేని ఎలక్ట్రిక్ స్కూటర్లకు షరతులు ఏమిటి?
మోటార్ పవర్ 250W కంటే తక్కువగా ఉండి, టాప్ స్పీడ్ గంటకు 25 కిమీ కంటే తక్కువగా ఉండే ఎలక్ట్రిక్ స్కూటర్లకు డ్రైవింగ్ లైసెన్స్, రిజిస్ట్రేషన్ అవసరం లేదు.
ఈ తక్కువ వేగం ఎలక్ట్రిక్ స్కూటర్ల ప్రయోజనాలు ఏమిటి?
వీటి ధర తక్కువ, ఉపయోగించడానికి సులువు, తేలికైనవి. రోజూ కొన్ని కిలోమీటర్లు ప్రయాణించాల్సి ఉన్నవారికి, ఎక్కువ స్పీడ్ అవసరం లేనివారికి ఇవి అనుకూలం.
తక్కువ ధరలో లభించే కొన్ని ఎలక్ట్రిక్ స్కూటర్ల పేర్లు చెప్పగలరా?
కొమాకి XGT KM, జెలియో లిటిల్ గ్రేసీ, ఈ-స్ప్రింటో రోమీ, యులు విన్ వంటివి తక్కువ ధరలో లభించే కొన్ని ఎలక్ట్రిక్ స్కూటర్లు.
ట్రెండింగ్ వార్తలు






















