Delhi Blast: ఢిల్లీ ఎర్రకోట పేలుడు లాంటి ఘటనలో కారు ధ్వంసమైతే బీమా ఎలా క్లెయిమ్ చేయాలి?

Delhi Blast: ఢిల్లీ ఎర్రకోట పేలుడు ఘటనలో చాలా కార్లు ధ్వంసమయ్యాయి. ఇలాంటి సమయంలో కారు ఇన్సూరెన్స్‌ ఎలా క్లెయిమ్ చేయాలి?

ఢిల్లీ ఎర్రకోట పేలుడు లాంటి ఘటనలో కారు ధ్వంసమైతే బీమా ఎలా క్లెయిమ్ చేయాలి?

Source : ANI

Delhi Blast: దేశ రాజధాని ఢిల్లీలో సోమవారం ఒక్కసారికా కలకలం రేగింది. దేశమంతా షేక్‌ అయ్యేలా భారీ పేలుడు చోటు చేసుకుంది. సాయంత్రం ఎర్రకోట సమీపంలో ఒక కారులో తీవ్రమైన పేలుడు సంభవించింది. ఈ పేలుడు కారణంగా చాలా కార్లు దగ్ధమయ్యాయి, దీనివల్ల ఇప్పటివరకు 10 మంది మరణించగా, చాలా మంది గాయపడ్డారు. మృతుల సంఖ్య పెరిగే అవకాశం ఉందని ఘటనా స్థలంలో ఉన్న అధికారులు చెబుతున్నారు. దీనితో పాటు, మొత్తం ఢిల్లీతోపాటు చుట్టుపక్కల రాష్ట్రాల్లో, దేశవ్యాప్తంగా అన్ని ప్రాంతాల్లో హై అలర్ట్ ప్రకటించారు. 

ఢిల్లీలో జరిగిన ఈ పేలుడులో కార్లు దెబ్బతిన్న తర్వాత, ఇలాంటి పేలుడు లేదా మానవ నిర్మిత విపత్తులో మీ కారు దెబ్బతింటే, మీరు బీమా క్లెయిమ్ చేయవచ్చా అనే ప్రశ్న తలెత్తుతుంది? బీమా కంపెనీలకు సంబంధించిన నియమాలు ఏమిటో తెలుసుకుందాం? 

ఇలాంటి ఘటన జరిగినప్పుడు ఏమి చేయాలి?

యుద్ధం, పేలుడు వంటి పరిస్థితుల్లో బీమా క్లెయిమ్ చేయడం కొంచెం కష్టమని బీమా నిపుణులు అంటున్నారు. అటువంటి పరిస్థితిలో, మీకు కూడా అలాంటి ఘటన జరిగితే, మొదట మీ భద్రతను నిర్ధారించుకుంటూ అన్ని ఆధారాలను సేకరించండి. ఉదాహరణకు, కారు ప్రతి కోణం నుంచి ఫోటోలు తీయండి, చుట్టుపక్కల ఫొటోలు  వీడియోలను సేకరించండి. మీ కారుతో ఎటువంటి మార్పులు చేయవద్దు. అన్ని రకాల ఆధారాలను సేకరించిన తర్వాత, మొదట పోలీసులకు ఫిర్యాదు చేసి ఎఫ్ఐఆర్ నమోదు చేయండి, ఆ తర్వాత ఫోన్ లేదా ఇమెయిల్ ద్వారా బీమా కంపెనీకి ఘటన గురించి తెలియజేయండి. ఎఫ్ఐఆర్ కాపీ, ఇతర అవసరమైన పత్రాలతోపాటు అన్ని ఆధారాలను కూడా పంపండి. 

Explosion in car near Red Fort Metro station, Multiple casualties brought to LNJP Hospital, police assessing damage

Read story @ANI | https://t.co/qpU1jhDfy6#Delhi #Explosion #Casualties #LNJP pic.twitter.com/hxPJu5aKQX

— ANI Digital (@ani_digital) November 10, 2025

ఈ పరిస్థితులలో క్లెయిమ్ లభించదు

బీమా నిపుణుల అభిప్రాయం ప్రకారం, చాలా బీమా కంపెనీలు వరదలు, వర్షం, మెరుపులు లేదా భూకంపం వంటి సహజ విపత్తుల విషయంలో బీమా క్లెయిమ్‌లను అంగీకరిస్తాయి. అదనంగా, అగ్నిప్రమాదాలు, ఉగ్రవాద ఘటనలు లేదా అల్లర్ల వంటి మానవ కల్పిత విపత్తుల విషయంలో కూడా బీమా క్లెయిమ్‌లను అంగీకరిస్తారు. అయితే, మోటారు బీమాలో మినహాయింపు నిబంధన కూడా ఉంది, దీని ప్రకారం కొన్ని ప్రత్యేక సందర్భాలను బీమా పరిధి నుంచి మినహాయించారు. ఇందులో యుద్ధం, సైనిక చర్యలు, బాంబు పేలుళ్లు, జీవరసాయన దాడులు వంటి ఘటనలు ఉన్నాయి. ఈ నిబంధన సెప్టెంబర్ 11, 2001న న్యూయార్క్‌లో జరిగిన ఉగ్రవాద దాడి తర్వాత ప్రారంభమైంది. బీమా కంపెనీలను దివాలా తీయకుండా కాపాడటం దీని లక్ష్యం. 

#WATCH | Delhi: National Security Guard (NSG) team arrives at the spot after the blast near Gate no 1 of the Red Fort Metro station in Delhi. pic.twitter.com/Wq60ppUHas

— ANI (@ANI) November 10, 2025