Best Bikes Under Rs 75,000: టీవీఎస్ స్పోర్ట్, బజాజ్ ప్లాటినా, హోండా షైన్ & హీరో HF డీలక్స్!
Best Bikes In Low Budget: తక్కువ రేటుతో పాటు మంచి మైలేజీ ఇచ్చే బైక్ కోసం చూస్తుంటే, ఇక్కడ మేము ఇచ్చిన లిస్ట్ నుంచి మీరు ఒక బైక్ ఎంచుకోవచ్చు.
Best Bikes Under Rs 75000: ఈనాటి తీరికలేని జీవితంలో బైక్ ఒక కీలక అవసరంగా మారింది. ఇది రోజువారీ ప్రయాణాన్ని సులభంగా మార్చడం మాత్రమే కాదు, ఆర్థిక స్థోమత పరంగానూ సూటబుల్ ఆప్షన్ అవుతుంది. మంచి బైక్ కోసం మీరు పెట్టే బడ్జెట్ దాదాపు 75 వేల రూపాయలు అయితే, ఈ క్రింద ఉన్న బెస్ట్ ఆప్షన్స్ నుంచి ఒక బండిని ఎంచుకోవచ్చు.
టీవీఎస్ స్పోర్ట్ (TVS Sport)
రూ. 75,000 లోపు బడ్జెట్లో మొదటి ఎంపిక టీవీఎస్ స్పోర్ట్ బైక్, ఇది ఒక పాపులర్ ఎంట్రీ లెవల్ బైక్. ఈ బండికి జనంలో, ముఖ్యంగా యువతలో మంచి పేరుంది. ఈ టూవీలర్లో 109.7cc ఇంజిన్ ఉంది, ఇది 8.1 PS పవర్ను జనరేట్ చేస్తుంది. ఈ బైక్ యొక్క ఎక్స్-షోరూమ్ ధర దాదాపు రూ. 60,000. TVS స్పోర్ట్ గురించి ప్రత్యేకత ఏమిటంటే.. ఇది సిటీ ట్రాఫిక్లో సులభంగా నడుస్తుంది & లీటరు పెట్రోల్కు దాదాపు 70-75 కి.మీ. మైలేజీ ఇస్తుంది. డ్యూయల్ టోన్ గ్రాఫిక్స్ & సౌకర్యవంతమైన సీటు వంటి ఫీచర్లు ఈ బండికి అదనపు ఆకర్షణలు.
బజాజ్ ప్లాటినా 100 (Bajaj Platina 100)
బజాజ్ ప్లాటినా 100 ఎక్స్-షోరూమ్ ధర దాదాపు రూ. 68,000 నుంచి ప్రారంభం అవుతుంది. డైలీ అప్&డౌన్ కోసం తక్కువ ధరలో లభించే సౌకర్యవంతమైన బైక్ కోసం చూస్తున్న వారిని దృష్టిలో ఉంచుకుని ఈ మోటార్ సైకిల్ను డిజైన్ చేశారు. ఇది 7.9 PS పవర్ను ఇచ్చే 102cc ఇంజిన్తో పని చేస్తుంది. ఈ బైక్లో లీటరు పెట్రోల్ పోస్తే దాదాపు 70-75 కి.మీ. (మైలేజీ) దూరం వరకు నడుస్తుంది. ఈ బైక్ తయారీ నాణ్యత కూడా చాలా బాగుంటుంది, చాలా కాలం మన్నికైన బైక్గా పనికొస్తుంది. డ్రమ్ బ్రేక్లు & సైడ్ స్టాండ్ ఇంజిన్ కట్ ఆఫ్ వంటి దీని ప్రత్యేక ఫీచర్లు. వీటివల్ల ఈ బైక్ రైడింగ్ సురక్షితంగా మారుతుంది.
హోండా షైన్ 100 (Honda Shine 100)
స్టైలిష్గా ఉంటేనే నమ్మకమైన బైక్ కావాలంటే హోండా షైన్ 100ను ఒకసారి పరిశీలించవచ్చు. దీని ధర దాదాపు రూ. 70,000. దీనిలో 100cc ఇంజిన్ ఉంది, ఇది 7.9 PS పవర్ను జనరేట్ చేస్తుంది. ఈ బైక్ డిజైన్ కూడా భేషుగ్గా ఉంటుంది. హోండా షైన్ బ్యాలెన్స్డ్ రైడింగ్ అనుభవాన్ని అందిస్తుంది, అందువల్ల నగర రోడ్లపై ఈ బండిని నడపడం సులభం. ఈ బైక్ 70-75 కి.మీ/లీ మైలేజీని ఇవ్వగలదు.
హీరో HF డీలక్స్ (Hero HF Deluxe)
హీరో HF డీలక్స్ ఎక్స్-షోరూమ్ ధర దాదాపు రూ. 59 వేలు & కామన్ మ్యాన్ ఎంపికల్లో ఇది ఒకటి. దీనిలో ఉన్న 97.2cc ఇంజిన్ 8.02 PS పవర్ ఇస్తుంది. హీరో హెచ్ఎఫ్ డీలక్స్ మీద ప్రయాణం చాలా సౌకర్యవంతంగా ఉంటుంది & ఎక్కువ దూరం ప్రయాణంలోనూ చిరాకు పెట్టని సీటింగ్ డిజైన్ దీని సొంతం. ఈ బైక్ కూడా లీటరుకు 70-75 కి.మీ మైలేజీ ఇస్తుంది. హీరో HF డీలక్స్ వివిధ కలర్ & డిజైన్స్లో అందుబాటులో ఉంది.
టాప్ హెడ్ లైన్స్
ట్రెండింగ్ వార్తలు
