Bajaj Dominar 400: బుల్లెట్కు పోటీగా 'డొమినార్ 400' - యూత్కు పర్ఫెక్ట్గా మ్యాచ్ అయ్యే పవర్!
Bajaj Dominar 400: బజాజ్ ఆటో, తన పాపులర్ టూరింగ్ బైక్ డొమినార్ 400 2025 ఎడిషన్ను భారత మార్కెట్లో ప్రవేశపెట్టింది. డొమినార్ 400 ఇప్పుడు బుల్లెట్ కంటే పవర్ఫుల్గా మారింది.
Bajaj Dominar 400 Price And Features In Telugu: బజాజ్ ఆటో... పవర్, స్టైల్ & స్మార్ట్ ఫీచర్లను మిక్స్ చేసి, తన సుప్రసిద్ధ స్పోర్ట్స్ టూరర్ బైక్ డొమినార్ 400 కొత్త & అప్డేటెడ్ 2025 మోడల్ను భారతదేశంలో లాంచ్ చేసింది. అత్యంత ఆసక్తికరమైన విషయం ఏమిటంటే, ఈ అప్డేటెడ్ మోడల్ రేటు స్వల్పంగా రూ. 6,026 మాత్రమే పెరిగింది. ఈ స్వల్ప మొత్తానికే అద్భుతమైన సాంకేతిక & డిజైన్ అప్డేట్స్ను కంపెనీ ఇస్తోంది.
డిజిటల్ డిస్ప్లే & స్మార్ట్ఫోన్ కనెక్టివిటీ
కొత్త బజాజ్ డొమినార్ 400లో అతి పెద్ద మార్పు దాని కొత్త డిజిటల్ ఇన్స్ట్రుమెంట్ క్లస్టర్. ఈ డిస్ప్లే.. పల్సర్ NS400Z లాగా స్ల్పిట్ డిజైన్ & డాట్-మ్యాట్రిక్స్ ఇన్సెట్తో వస్తుంది. ఈ ఫీచర్ సాయంతో రైడర్ టర్న్-బై-టర్న్ నావిగేషన్, కాల్ అలర్ట్ & SMS అలర్ట్ వంటివన్నీ పొందవచ్చు. ఈ బైక్కు స్మార్ట్ ఫోన్ను అనుసంధానించి రైడ్ను మరింత స్మార్ట్గా, ఫన్గా & కనెక్టెడ్గా మార్చుకోవచ్చు.
రైడ్-బై-వైర్ థ్రోటిల్ & నాలుగు రైడింగ్ మోడ్స్
డొమినార్ 400 కొత్త మోడల్ రైడ్-బై-వైర్ (Ride-by-wire) టెక్నాలజీతో తయారైంది, ఈ ఫీచర్ను ఎలక్ట్రానిక్ థ్రోటిల్ కంట్రోల్ (electronic throttle control) అని కూడా పిలుస్తారు. ఈ బైక్లో నాలుగు రైడింగ్ మోడ్స్ - రెయిన్, రోడ్, స్పోర్ట్ & ఆఫ్ రోడ్ - ఉన్నాయి. ఇవి, వివిధ పరిస్థితులకు అనుగుణంగా పవర్ డెలివరీని & ABS వ్యవస్థను నియంత్రిస్తాయి. మరో స్పెషాలిటీ ఏంటంటే.. ట్రాక్షన్ కంట్రోల్ సిస్టమ్ను స్పోర్ట్ & ఆఫ్-రోడ్ మోడ్లలో పూర్తిగా ఆపేయవచ్చు, ఇది రైడింగ్ ఎక్స్పీరియన్స్ను మరింత అద్భుతంగా చేస్తుంది.
373.5cc సింగిల్ సిలిండర్ ఇంజిన్
డొమినార్ 400లో మునుపటిలాగే 373.5cc లిక్విడ్-కూల్డ్ సింగిల్ సిలిండర్ ఇంజిన్ ఉంది. అయితే, ఈ ఇంజిన్ను కొత్త OBD-2B ఉద్గార నిబంధనల ప్రకారం అప్డేట్ చేశారు. ఈ ఇంజిన్ 40 PS పవర్ను & 35 Nm టార్క్ను జనరేట్ చేస్తుంది. ఫన్ రైడ్ను ఇష్టపడే యువత కోరుకునే పవర్ను ఈ బండి ఇస్తుంది.
యువత ఇష్టపడే కొత్త కలర్
2025 మోడల్లో, బజాజ్ మరోసారి Canyon Red Colourను ప్రవేశపెట్టింది, ఇది యువతకు చాలా ఇష్టమైన రంగు. ఈ అప్డేట్స్ బైక్ ధర 6,026 పెరిగింది. కానీ, దీనిలో ఉన్న కొత్త ఫీచర్లు & సాంకేతికత దీనిని "పైసా వసూల్" బైక్గా మార్చాయి.
రాయల్ ఎన్ఫీల్డ్ మెటియోర్ 350తో పోటీ
డొమినార్ 400, ప్రస్తుతం మార్కెట్లో ఉన్న రాయల్ ఎన్ఫీల్డ్ బుల్లెట్, మెటియోర్ 350కు పోటీ బైక్. ఫీచర్లు, పవర్ & టెక్నాలజీ పరంగా డొమినార్ 400 మెటియోర్ కంటే ఒక మెట్టు పైనే ఉన్నట్లు కనిపిస్తుంది. క్లాసిక్ స్టైల్ను ఇష్టపడే వారి కోసం మెటియోర్ ఉంటే & అడ్వాన్స్డ్ టెక్నాలజీని ఇష్టపడే వారి కోసం డొమినార్ 400 మార్కెట్లోకి వచ్చింది.
టాప్ హెడ్ లైన్స్
ట్రెండింగ్ వార్తలు
